<<鹹蛋蒸肉餅>>
今日天氣好熱呀~夜晚一家去咗樓下游水~點知玩坃下~個水泵壞咗~又要返家LU~希望快D整返好啦~唔係冇得同月月玩水呢~!
街市買咗幾隻鹹蛋~一D要黎滾湯~剩返就用黎整肉餅~好好送飯呀~!你哋又鍾唔鍾意食呢?!
材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 鹹蛋1隻
醃料: 生抽約2湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙
STEP 1
豬絞肉(手剁後)與醃料(除水外)拌勻醃約20分鐘備用
STEP 2
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔
STEP 3
煲滾水後將豬肉鋪上碟~放上鹹蛋後大火蒸約12-15 分鐘即成~!
182 Total Views 2 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
哩個家常菜我中意呀!
家家都會煮呢~!
我唔特別鍾意食鹹蛋。 因為怕食任何蛋黃。
我哋間唔時會食下呢~!
我近來都是自己醃咸蛋,多數用來滾湯。EE
自己醃仲好呢~!