黃師奶廚藝小百科

<<蒜茸青口>>
開咗學差不多一個月~黃師奶走咗去做家長義工~今日做做下~老師問我方唔方便留學校做文書義工~哈~可能見我無所事事啦~最後應承咗~唔知會唔會一做就做到個女畢業呢?!

黃先生鍾意食藍青口~難得出城見到有~就去咗買~呢款青口好鮮~就咁用蒜茸無水蒸~好觧甜呢~!

材料: 青口約1KG
調味: 蒜茸

STEP 1
青口洗淨後瀝乾水份

STEP 2
燒紅鑊後下蒜茸及青口拌勻, 大火蒸約4-6分鐘至開口即成~

大家可以Click入 黃師奶廚藝小百科 facebook 粉絲專頁度交流吓吖~!!!

<<黑椒牛仔骨>>
今日要返學喇~不過學校附近仲有好多塌樹呀…雖則天氣好咗好多…但係都冇去公園玩喇…因為擔心D樹唔穩陣~或者過多*卜4先呢~!

竹山走咗~!不過冇去街市入貨呀!~貴嘛!~~~食住凍肉先~~呢個唔錯~好介紹~!

材料: 牛仔骨3大塊
醃料: 生抽約一湯匙 , 糖一茶匙, 黑胡椒隨意 , 油及生粉一茶匙, 水一大匙

STEP 1
用叉將牛仔骨吉下 (咁D牛仔骨會入味D同鬆D), 再同醃料拌勻醃約半小時備用

STEP 2
煎香牛仔骨煎至七成熟(約4分鐘, 上碟前可以再灑少少黑胡椒)即成

大家可以Click入 黃師奶廚藝小百科 facebook 粉絲專頁度交流吓吖~!!!

<<南乳雞翼>>
呢幾日全城熱話個山竹呀!~感覺真係好勁咁個風~今日去超市一轉~好多好多人呀….個個都狂入貨呢~!唔知道真係以為打仗呀!~

又到清雪櫃時間~清埋樽南乳醬~用黎焗雞翼~鹹鹹香香好好送飯呢~!

材料: 雞翼十隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)

STEP 1
將雞翼洗淨後, 跟醃料醃最少4小時

STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

<<金蠔>>
個BLOG又生草咗幾日~冇錯…月月又病咗~一返學又病LU~唔知幾時先捱過呢D返學會易病嘅日子呢?!

今日見到有金蠔賣~知道黃先生鍾意食就買咗~~加少少蜜糖煎~甜甜哋唔錯架~!

材料: 金蠔八隻
調味: 蜜糖少許

STEP 1
將金蠔沖洗乾淨, 再抺乾水份

STEP 2
將金蠔蒸約4-5分鐘後盛起, 再抺乾

STEP 3
燒紅鑊後將金蠔煎香~加少少蜜糖再兜勻即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

<<上湯牛腩麵>>
月月今日第4日返學喇~應該都已經適應咗~分離嗰時係扁咀啫~都冇喊出黎~黃師奶喺另一個課室見到佢上堂時都算投入~冇做喊包都已經好感恩………..

買咗牛坑腩返家~又唔想次次都煮咖喱~咁今日用上湯配個麵~簡單得黎又飽肚~碟都唔駛洗咁多呢~!

材料: 牛坑腩約400G , 蘿蔔半個 , 上湯 2升, 八角一粒 , 花椒半茶匙

STEP 1
將蘿蔔去皮切角; 煲滾水後下少許薑及蔥段, 將牛坑腩汆水

STEP 2
將牛坑腩略略煎香 ; 拌入花椒八角後注入上湯煮滾

STEP 3
細火炆煮約30分鐘後熄火焗30分鐘; 重複

STEP 4
拌入蘿蔔再細火炆煮約20分鐘後熄火焗20分鐘配上粉麵菜蔬即成

 

 

大家可以Click入 黃師奶廚藝小百科 facebook 粉絲專頁度交流吓吖~!!!