|
|
<<金沙骨>>
今日萬聖節~不過月月讀天主教學校~所以學校冇特別活動搞呀~不過呢~就撞啱學校假期~今日一早同佢出咗去兒童探索館玩~等佢開心吓~
呢個金沙骨加咗叉燒醬呀~色水紅紅哋~再加少少黑胡椒~味道唔錯呢~!
材料: 金沙骨6-8件
醃料1: 生抽1湯匙, 糖2茶匙, 油及生粉少許
醃料2: 叉燒醬約2湯匙及黑胡椒少許
STEP 1
排骨洗淨後與醃料1醃約半小時後再焗前拌入醃料2備用
STEP 2
預熱焗爐180度15分鐘再用焗約20分鐘即成(每人爐火唔同要注意喔)
大家可以Click入 黃師奶廚藝小百科 facebook 粉絲專頁度交流吓吖~!!!
<<咖哩牛肮腩>>
星期五嗰日..唔知食錯乜…下午嗰陣又痾又嘔…最慘係個女見到我咁.又大喊…真係覺得發燒感冒都冇所謂~仲可以死頂湊女…肚痾呢…真係要叫救兵…
唔知大家鍾意食牛肋條定牛肮腩呢?黃師奶覺得肮腩呢油脂多D~炆起上黎好味D~JUICY D~不過牛肋條呢D凍肉都有佢 方便的地方~
材料: 牛肮腩600g, 薯仔2個 , 洋蔥 一個, 乾蔥茸一湯匙, 辣椒油隨意
醬汁: 油咖哩三湯匙, 沙嗲醬1.5湯匙, 黃薑粉少許
STEP 1
牛肮腩先出水去減啲油
STEP 2
洋蔥去衣後切角備用~薯仔去皮洗淨切大件
STEP 3
將牛肮腩同薯仔略略煎香~再爆香洋蔥後盛起
STEP 4
慢火將油咖哩~同沙嗲醬炒香~!拌入洋蔥~乾蔥茸及黃薑粉~炒香下牛肮腩兜炒片刻~
STEP 5
加水蓋過所有材料後用炆焗方法大火煮滾轉細火炆煮約30分鐘後熄火焗30分鐘~!再重覆~~!.
STEP 6
最後拌入薯仔炆多15分鐘焗多15分鐘~加上辣椒油同鹽調味~打個生粉水~煮至汁稠即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<臘味飯>>
今日一早爆咗月月一鑊金嘅~條友仔成日扭計~已經對佢好忍讓~佢真係挑你底紙~爆完佢之後~實喊爆啦~之後乖咗好多~嬲死我~!
呢幾日開始涼返D~話哂秋風起~應下景~哈~買咗臘味~蒸時香噴噴~好好食呢~!
材料: 臘腸膶腸各一條, 冬菇隨意 , 白米2杯 , 水約 約2杯
冬菇醃料: 麻油及糖少許
STEP 1
將臘味用熱水沖一沖; 冬菇先蒸熟
STEP 2
將白米洗淨; 煮滾白米加水煮至收乾水份
STEP 3
拌入臘味及冬菇後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘
STEP 4
熄火後不要開蓋再焗最少15分鐘~食時灑上煲仔飯豉油即可~
大家可以Click入 黃師奶廚藝小百科 facebook 粉絲專頁度交流吓吖~!!!
<<蠔皇素菜>>
又到星期一喇~尋日同月月出街玩~可能佢實在太興奮..成晚踢黎踢去…仲要半夜2點同我講….痾紙..!搞到我成晚都冇乜得瞓呢~!
去咗街市一轉~買咗d草菇豆卜~本來想用南乳炆~可惜用哂~哈~改咗用蠔油~都唔錯呢~!
材料: 冬菇六隻, 炸支腐四両, 豆卜六個, 草菇7-8隻 , 粉絲一束, 雲耳隨意, 薑兩片
冬菇醃料: 麻油及糖少許
調味料: 蠔油2湯匙, 紹興酒兩湯匙
STEP 1
冬菇先浸軟去蒂同醃料醃約二十分鐘備用; 草菇汆水備用
STEP 2
炸腐竹/豆卜用熱水沖洗刻; 豆卜再界十字(咁會吸味D)
STEP 3
燒紅鑊後下油~爆香薑片~拌入冬菇炒香~~再加上其餘材料(粉絲除外) 後下調味料兜勻~注入半碗水(我用浸菇水)炆煮約三十分鐘~最後拌入粉絲煮滾即成
大家可以Click入 黃師奶廚藝小百科 facebook 粉絲專頁度交流吓吖~!!!
<<藍莓蛋糕>>
HAPPY FRIDAY!~又到星期五~聽日唔駛返學真好~!月月今日已經好返好多喇~不過一跑就氣喘咳喇~希望過多幾日會再好D啦~!
呢個藍莓蛋糕幾好味~用黎做TEA同早餐都好好吖~!
材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g, 泡打粉5g, 藍莓隨意
STEP 1
將低筋粉, 泡打粉及粘米粉過篩3次
STEP 2
焗爐預熱180度10分鐘
STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)
STEP 4
將麵糊倒入容器內再拌入藍莓以180度焗約30分鐘至熟透即可
大家可以Click入 黃師奶廚藝小百科 facebook 粉絲專頁度交流吓吖~!!!
<<川味炒蜆>>
個BLOG又生草~即係月月又病咗~今次仲要氣喘食類固醇…唔知點解覺得隻衰豬轉咗學校後病多咗咁…希望佢快D適應新環境~唔好成日病呢~!
又到清醬時間~!買咗D蜆~轉轉口味~今次冇用蒜茸豆豉~轉咗四川口味~唔錯呢~!
材料: 花甲斤半 , 紹酒半小碗, 辣椒絲隨意
調味: 四川辣味醬2大匙
STEP 1
將花甲浸鹽水三小時洗淨; 再煲滾水拌入花甲煮至開口即盛起並瀝乾水份
STEP 2
慢火爆香調味; 拌入花甲快手炒兜;
STEP 3
灒酒再灑上辣椒絲煮透後(可加生粉水埋芡)即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<蒜茸雞翼>>
呢2日天氣唔當好~接送返學時都落雨呢~不過好在係終於冇咁熱~出出入入唔駛下下變水人~可以同夏天BYEBYE呢~呵呵~!
呢款雞翼好簡單~其實煎香咗加少少蒜茸兜勻就得~鍾意辣仲可以加D辣絲TIM~~正呀!~
材料:雞翼10-12隻
醃料: 生抽一湯匙, 糖一茶匙, 胡椒粉少許, 生粉一茶匙及麻油適量, 紹興酒一湯匙
調味: 蒜茸少許
STEP 1
雞翼洗淨後與醃料醃約三十分鐘
STEP 2
將雞翼煎至金黃
STEP 3
拌入蒜茸兜勻煮至雞翼熟透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<提子牛油蛋糕>>
月月有日見到架飛機~問我爸爸係咪喺裡面~咁我就話係啦~!爸爸坐飛機去咗另一個地方~之後佢問我…咁爸爸會唔會跌落黎….嗰下真係爆趣…小朋友真係好正~!
呢個蛋糕加咗月月鍾意嘅提子~佢條友仔食提子包時最LIKE搣走哂D提子食…係咪個個小朋友都係咁呢?
材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g, 泡打粉5g, 提子隨意
STEP 1
將低筋粉, 泡打粉及粘米粉過篩3次
STEP 2
焗爐預熱180度10分鐘
STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)
STEP 4
將麵糊及提子倒入容器內以180度焗約30分鐘至熟透即可
大家可以Click入 黃師奶廚藝小百科 facebook 粉絲專頁度交流吓吖~!!!
<<腐乳雞丁>>
黃先生呢幾日不在香港~得返我哋母女2人~二人世界嘅生活~呵呵~不過小朋友嘅世界真係好似冇咩時間觀念咁~月月唔見咗爸爸幾日~好似冇為意咁…好爆…
平日間唔時鍾意用腐乳送飯~今次煮雞肉就加咗D腐乳入去炒~個汁好好送飯~辣辣哋好惹味~!
材料: 雞脾肉2大塊(切丁), 翠肉瓜1隻
雞翼醃料: 生抽一湯匙, 糖一茶匙, 胡椒粉少許, 生粉一茶匙及麻油適量, 紹興酒一湯匙
調味: 腐乳2湯匙
STEP 1
雞脾肉洗淨後與醃料醃約三十分鐘; 翠肉瓜洗淨後切丁
STEP 2
將雞脾肉至金黃後拌入翠肉瓜快炒
STEP 3
拌入調味後灒酒炒透至收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
<<川味骨>>
一連三日假期就完咗喇~不過好快又有重陽假~年底特別多假放~唸起都開心~呵呵~~!
又到屋企清醬時間~今次蒸排骨時加埋D四川麻辣醬~辣辣哋咁幾開胃呢~!
材料: 腩排300g , 生粉一茶匙及麻油適量
腩排醃料: 生抽一湯匙, 老抽少許, 糖一茶匙, 胡椒粉少許
調味: 四川麻辣醬一湯匙
STEP 1
腩排洗淨後與醃料醃約二十分鐘再拌入調味醃一會 ; 煮前再將醃好嘅腩排與少許麻油及生粉拌勻~~
STEP 2
煲滾水後將所有材料及調味放於碟上再大火隔水蒸約12-15分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響