黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

陶工/畫作

IMG_7698

月月嘅K1學習過程已經過咗一大半~!家下會學識自己做下小手工咁~不過靚唔靚就…..

有追開黃師奶個BLOG都知道月月係我一手一腳湊大~!FULL TIME MAID一個……睇返佢整D嘢~好多時都有我個樣架~嘩哈哈哈~~嗱~上面份陶工呢~係嘛都有眼耳口鼻吖…叫做人樣黎架~!至於幅畫呢?!媽媽我就覺得好靚喇~月月個衰豬話好鍾意同媽媽一齊~話同我去公園玩呢~不枉我眠乾睡濕咁湊大佢呀!~過多10年8年~佢就應該唔再痴我喇~~好唏噓~~~~~~~

大家可以Click入 黃師奶廚藝小百科 facebook 粉絲專頁度交流吓吖~!!!

氣炸鍋 – 南乳雞鎚

20190227南乳雞
<<氣炸鍋 – 南乳雞鎚>>
我家月月其實唔太痴佢爸爸~不過最近佢好少見到佢爸爸~有D情緒問點解爸爸成日要返工…不過都係好事黎~好過掛都唔掛~問都唔問~咁就仲驚呢~!

南乳整雞真係好夾呀!~今次仲用埋氣炸鍋整~D雞皮香口咗~好JUICY!~食落又好好送飯呢~!

材料: 雞鎚8-10隻
雞肉醃料: 南乳約2磗, 紹興半碗 (拌勻)

STEP 1
雞與醃料拌勻醃1小時

STEP 2
放入氣炸鍋用200度火煮約20分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

臘味肉餅飯

20190311飯飯
<<臘味肉餅飯>>
最近電影節黎咗~有人晚晚不回家食飯~日日得我哋2母女~我都懶得晚晚煮~多咗同月月落街食飯~不過月月好心歸~有時都話唔想出去~想喺家玩玩具喎~!真係多要求….

今日整肉餅飯~手多多加多孖腸~不過呢?!有人覺得就咁臘味飯已經好味道~唔駛再加咁多嘢呢~!

材料:  臘腸兩條, 白米2杯 , 水約 1.75杯(因為肉餅有肉汁, 所以我減咗水份)
肉餅材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 土魷1隻, 鹹魚1小件, 馬蹄隨意(切碎)
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙

STEP 1
將臘味用熱水沖一沖

STEP 2
豬絞肉(手剁後)與醃料(除水外)拌勻醃約20分鐘備用

STEP 2
土魷用水浸軟後去衣切小塊

STEP 3
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 4
將白米洗淨; 煮滾白米加水煮至收乾水份

STEP 5
拌入臘味及豬肉後蓋上蓋用小火煮約8-10分鐘, 如果想要飯焦~呢個時候可以較至中火煮多2分鐘

STEP 6
熄火後不要開蓋再焗最少15分鐘~食時灑上煲仔飯豉油即可~

 

大家可以Click入 黃師奶廚藝小百科 facebook 粉絲專頁度交流吓吖~!!!

氣炸鍋 – 羊架

20190311羊羊
<<氣炸鍋 – 羊架>>
呢幾日天氣熱咗好多呀!~睇黎夏天就快黎喇~係時候要清下D冬天衫~唔駛放到周屋都係呢~!

用咗個氣炸鍋咁耐~發覺整多油份嘅肉類係最好味嘅~今次用黎整羊架~又香又方便~食落仲冇咁肥呢~!

材料: 羊架約6條
調味: 鹽及黑胡椒隨意

STEP 1
將羊架印乾水份, 用調味及少許油醃最少4小時備用 (醃過夜更好)

STEP 2
放入氣炸鍋用180度火煮約7-8分鐘即成~!

 

 

 

大家可以Click入 黃師奶廚藝小百科 facebook 粉絲專頁度交流吓吖~!!!

香煎豬扒

20190311豬豬
<<香煎豬扒>>
呢幾日天氣終於乾燥返少少喇~不過呢~屋企有道牆已經發哂毛…剛剛個周末係咁抹抹抹…..希望唔好仲咁濕喇….唔係有排搞呢~!

屋企有唔少岩鹽~係時候清清佢~今次用黎豬扒~味道唔錯呢~!

材料: 豬扒2塊
汁料: 蠔油約1湯匙, 水小半碗
調味: 岩鹽及黑胡椒少許

STEP 1
將豬扒煎香後下鹽調味再煎至2面金黃

STEP 2
注入醬汁將豬扒煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

沙嗲肥牛粉絲煲

20190311牛牛
<<沙嗲肥牛粉絲煲>>
今日射波冇返學~月月條衰豬尋晚氣管敏感發作~咳到點幾2點仲要嘔….搞搞下又唔願瞓…好在今朝條友仔又十萬個精神~!氣管問題真係好麻煩..話發作就發作…唉~!

來個牛魔皇系列先~!手切肥牛好好味~!煮好個沙嗲汁~加埋粉絲一煲上~食完飽飽好滿足~!

材料: 肥牛肉約1磅, 洋蔥1個(去衣切絲), 粉絲一束(浸透)
醃料: 油及糖少許, 生粉1茶匙, 生抽約2湯匙, 胡椒粉少許
調味: 沙嗲醬約2湯匙, 上湯1杯

STEP 1
肥牛跟醃料拌勻備用

STEP 2
燒紅鑊後爆香洋蔥同沙嗲醬, 注入上湯煮滾

STEP 3
拌入肥牛煮至半熟後下粉絲, 煮至收汁即成

 

大家可以Click入 黃師奶廚藝小百科 facebook 粉絲專頁度交流吓吖~!!!

漢堡扒飯

20190227飯飯
<<漢堡扒飯>>
呢期日日都天陰陰~感覺今年好似濕咗好多咁~又唔想咁快夏天~更加唔想日日梅雨天~呢D天氣唔知捱到幾時先完呢~!?!

之前食咖哩食剩個汁~所以整個漢堡扒加埋D汁伴飯~哈~食得唔好嘥嘛~~真係唔錯架~又慳返D~~

材料: 牛絞肉約300G , 雞蛋一隻 (發勻)及麵包糠適量
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
牛絞肉與醃料(除水外)拌勻醃約20分鐘備用

STEP 2
將醃好嘅牛肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
將蛋汁及麵包糠拌入牛肉中至完全吸收

STEP 4
將肉餅一面煎至金黃後反轉再煎另一面至全熟即成(我就倒咗D咖哩汁落去送飯~呵呵~)~!

 

大家可以Click入 黃師奶廚藝小百科 facebook 粉絲專頁度交流吓吖~!!!

古勞豉醬雞翼

20190227豆豉雞
<<古勞豉醬雞翼>>
呢幾日天氣好差~最衰嗰下係接送返學先黎落雨~幫隻衰豬著好哂雨褸水鞋~條友仔見到咁大雨仲係咁踩水玩水…真係頭都暈~!

最近買咗古勞豉醬~!即係豉油缸上嗰層焦黑黃豆~!~味道較濃~用黎送飯咁幾好味呢~!

材料: 雞翼12-15隻
雞肉醃料: 生抽約1湯匙 , 糖及薑茸一茶匙 , 黑胡椒粉少許, 麻油及生粉少許
調味: 古勞豉醬約2湯匙

STEP 1
雞翼洗淨後與醃料醃約三十分鐘

STEP 2
將雞翼煎至金黃盛起

STEP 3
爆香調味後將雞翼洋蔥回鑊後灒酒炒透至收汁即成

大家可以Click入 黃師奶廚藝小百科 facebook 粉絲專頁度交流吓吖~!!!

湯圓

20190227丸丸
<<湯圓>>
話說元宵節嗰日~教咗月月自己搓湯圓~嗱~3歲人仔~似模似樣架~不過就唔好要求佢識得同你包餡啦~嘩哈哈哈~~~

材料: 糯米粉200g , 160G暖水(自己慢慢加啦~), 片糖及薑片適量

STEP 1
糯米粉篩1次~再慢慢加暖水搓至麵糰光滑

STEP 2
加入片糖及薑片煮滾水後放入已包好嘅湯圓煮至浮起即成~!

52347490_2558862200822122_6842352488482340864_n

大家可以Click入 黃師奶廚藝小百科 facebook 粉絲專頁度交流吓吖~!!!