黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

日式雞扒飯

20190829雞飯
<<日式雞扒飯>>
呢幾日屋苑冇水…因為附近工程影響到食水水質…政府派人黎清潔..啲水仲要整極都又黃又黑..所以家下停咗水..要去水車…所以可以做無飯煮婦..好彩會所仲有水可以沖涼..不過呢..就勁多人有排等…

屋企整多咗碟頭飯~冇計啦~黃先生工作忙咗…留飯俾佢所以就簡單D~不過呢~味道都唔HEA架~!

材料: 雞脾扒一塊, 芝麻少許
醃料: 鹽少許
汁料: 日式醬油約2湯匙, 料理約2湯匙, 味醂約1湯匙, 水小半碗, 蒜茸及糖少許(拌勻)

STEP 1
將雞脾扒跟1醃料拌勻醃約2小時備用

STEP 2
將雞扒煎至金黃

STEP 2
注入汁料後煮透再醃上白飯配菜後灑上芝麻即成

 

大家可以Click入 黃師奶廚藝小百科 facebook 粉絲專頁度交流吓吖~!!!

漢堡扒飯

20190731牛牛
<<漢堡扒飯>>
剛剛呢2日天氣唔太好~今日仲要落住雨咁出去買校服…下星期就開學喇..過幾日好似話打風..作打風前又太翳焗..唯有今日速去速回啦~!

我哋屋企好多時食完咖哩第日就食漢堡扒飯~點解?!之唔係唔想嘥咗個咖啡汁~用黎撈飯食真係唔錯架~!

材料: 牛絞肉約300G , 雞蛋一隻 (發勻)及麵包糠適量
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
牛絞肉與醃料(除水外)拌勻醃約20分鐘備用

STEP 2
將醃好嘅牛肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
將蛋汁及麵包糠拌入牛肉中至完全吸收

STEP 4
將肉餅一面煎至金黃後反轉再煎另一面至全熟即成(我就倒咗D咖哩汁落去送飯~呵呵~)~

 

大家可以Click入 黃師奶廚藝小百科 facebook 粉絲專頁度交流吓吖~!!!

麻婆豆腐

20190820豆腐
<<麻婆豆腐>>
今日同咗月月去做4歲驗眼睛~期間雖則月月有D驚青~不過都順利完成~知道咗隻衰豬有100度遠視~不過醫生話正常範圍~本身我深近視~真係唔想個女大咗同我一樣~哈~~~~

用豆腐做餸真係好好送飯~呢次加咗XO醬同川味麻辣醬~惹味D~不過呢~就唔知月月食~

材料: 豬絞肉一碗, 滑豆腐一磚
豬肉醃料: 生抽半湯匙, 糖及生粉各1茶匙, 胡椒粉及麻油少許, 水2湯匙
調味: 川味麻辣醬約2湯匙, XO醬約1湯匙, 蒜茸少許

STEP 1
豆腐切丁後灑少許鹽等一會再隔去多餘水份

STEP 2
豬絞肉跟醃料伴勻備用

STEP 3
慢火爆香調味, 拌入豬絞肉略略兜炒片刻下豆腐後兜勻

STEP 4
灒酒煮至收汁後加少許辣椒油即成 (可加生粉水埋芡)

 

大家可以Click入 黃師奶廚藝小百科 facebook 粉絲專頁度交流吓吖~!!!

上湯胡椒牛腩煲

20190812牛牛
<<上湯胡椒牛腩煲>>
話咁快就8 月尾喇~呢個開心暑假就快放完~喺街到都見到唔少幼稚園生返學~連月月呢個豬仔都識得問~係咪就黎放完假喇~哈~其實媽媽都好想繼續放架~不過冇計啦~~

今日炆咗牛腩~加咗胡椒粒~辣辣哋咁幾好呢~炆咗一大煲~加埋白蘿蔔~有肉有菜唔駛煩~!

材料: 牛坑腩約400G , 蘿蔔半個 , 上湯 2升, 八角一粒 , 花椒半茶匙, 胡椒粒約2湯匙(整碎再烘香)

STEP 1
將蘿蔔去皮切角; 煲滾水後下少許薑及蔥段, 將牛坑腩汆水

STEP 2
將牛坑腩略略煎香 ; 拌入花椒八角及胡椒粒

STEP 3
細火炆煮約30分鐘後熄火焗30分鐘; 重複

STEP 4
拌入蘿蔔再細火炆煮約30分鐘後熄火焗30分鐘後即成

 

 

 

大家可以Click入 黃師奶廚藝小百科 facebook 粉絲專頁度交流吓吖~!!!

第1次剪頭髮

68371378_2987268641314807_3942001944402329600_n
嗱嗱嗱~~唔係講笑呀!~~月月呢係冇剪過頭髮架~!由一出世就開始留呀~~留呀!~~咁佢又天生攣毛喎!~D頭髮就攣起哂~所以睇落又唔太長~不過呢~一濕水就現哂出黎..長到PATPAT架喇..嘩哈哈哈~~~

咁見就黎開學~所以就勸佢剪啦…勸到口水都乾..月月又話驚痛..又話驚冇咗條辮…..佢係非常緊張自己條辮嘅…日日梳完頭就照鏡自戀架喇..

終於…過咗4年多…就剪咗~嘩哈哈~~個新LOOK正唔正呢~~~

大家可以Click入 黃師奶廚藝小百科 facebook 粉絲專頁度交流吓吖~!!!

花甲蒸水蛋

20190812蛋蛋
<<花甲蒸水蛋>>
家下月月嗰爸爸工作比以前忙咗好多~為咗唔想月月太夜瞓~家下轉咗留返D飯暖住俾佢食~我哋自己就食咗先~有時都唔太敢煮菜..幾暖住D菜變得好黃呢~!

今日買咗D蜆~加咗D蛋落去蒸~阿女就專食水蛋~我哋就食蜆~呢個食法唔錯~!

材料: 花甲一斤, 蛋3隻, 上湯250ml

STEP 1
花甲用鹽水浸泡最少3小時後煲滾水再煮至開口

STEP 2
先將碟蒸熱至水滾; 將已煮熟嘅花甲拌入碟中; 蛋及上湯拌勻

STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

金針雲耳蒸滑雞

20190812雞雞
<<金針雲耳蒸滑雞>>
呢幾日天氣好翳焗呢~台灣一打風~香港就好焗…好想夏天快D過去呢~家下日日都同月月去室內避暑…真係好怕曬燶呢~!

買咗金針雲耳~最簡單緊係用黎蒸雞啦~~蒸碟餸~少D鑊氣~冇咁熱嘛!~夏天真係唔多想炒餸…

材料: 雞半隻(斬件) ,金針雲耳隨意
雞醃料: 生抽約2湯匙, 老抽少許, 糖1茶匙, 胡椒粉少許, 生粉1茶匙及麻油適量

STEP 1
雞肉跟醃料醃約4小時備用; 金針雲耳浸軟

STEP 2
將所有材料鋪平於碟上, 煲滾水後大火隔水蒸20-25分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

煎雞翼

20190731蒜雞
<<煎雞翼>>
話咁快暑假過咗一大半~過多3個星期月月就升低班喇~家下見到佢放假放得咁開心~真係好唔想個暑假完咁~~佢媽我真係好鍾意放假~!

呢期買餸貴~多咗食雞翼呀!~就咁煎香吴~加少少蒜茸就得~快靚正~!

材料: 雞翼12-15隻
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
調味: 蒜茸約1湯匙

STEP 1
雞翼洗淨後與醃料醃約三十分鐘

STEP 2
將雞翼煎至金黃後下蒜茸

STEP 3
灒酒炒透至收汁即成

 

大家可以Click入 黃師奶廚藝小百科 facebook 粉絲專頁度交流吓吖~!!!

黃金海岸

IMG_2974

個BLOG又生草..哈哈~~冇計啦~暑假嘛~緊係日日都同月月周圍去~~今次同月月去咗黃金海岸到玩呀!~仲同隻衰豬住咗晚~因為呢~月月平時有追開嗰套卡通~喺酒店到做主題~家下睇返D相~佢著住套衫同"偶像"影相開心到呢…而泳池到又有滑梯玩水~~雖則天氣唔多好~不過都冇損佢心情~哈~~

未有月月之前~真係冇唸過喺香港都走去住酒店..家下有咗佢就搞下呢D嘢..哈哈~~我唸過多2年~佢大個咗~知道嗰D卡通係人扮的話~就會冇咁HIGH架喇~嘩哈哈哈~~~~

大家可以Click入 黃師奶廚藝小百科 facebook 粉絲專頁度交流吓吖~!!!