黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

肥牛炒烏冬

20190924牛冬

<<肥牛炒烏冬>>
聽日就係十一喇~運動搞咗咁耐~唔知聽日會點呢?!我同月月應該都留喺屋企附近玩多~始於驚冇地鉄同塞路就麻煩呢~希望聽日一切安好啦~!

今日簡單D黎個炒烏冬~一家人都食呢碟嘢~冇另煮一餐俾月月~慳返D功夫~哈~!

材料: 肥牛肉約1磅, 洋蔥1個(去衣切絲) , 老抽(調色), 烏冬3個 ( 先用滾水煮開瀝乾)
醃料: 油及糖少許, 生粉1茶匙, 生抽約2湯匙, 胡椒粉少許

STEP 1
肥牛跟醃料拌勻備用

STEP 2
燒紅鑊後爆香洋蔥, 拌入牛肉炒至轉色盛起

STEP 3
下烏冬後用老抽調色, 肥牛回鑊煮透即成

大家可以Click入 黃師奶廚藝小百科 facebook 粉絲專頁度交流吓吖~!!!

瑞士雞翼

20190820瑞士雞
<<瑞士雞翼>>
今日七點林郊鄭對話會…哈~由於月月學校喺灣仔區~學校都好緊張~下午班今日就停課~我哋上午班呢~就冇咩嘢嘅~係走時怕已經交通問題會塞~不過SO FAR 好暢順呢~!

家下鮮肉貴~買多咗雞翼喺家看門口~今日用瑞士汁煮~好簡單~下午整好晚上食~好入味呢~!

材料: 雞翼10隻
雞翼醃料: 鹽及檸檬汁少許
汁料: 瑞士汁2碗 ,  清水1碗, 薑2片 , 八角1片, 冰糖1小塊

STEP 1
將雞翼同醃料拌勻醃約2小時備用

STEP 2
將汁料煮至大滾後拌入雞翼大火煮約3-4分鐘後熄火焗10分鐘至浸熟即成~

 

 

大家可以Click入 黃師奶廚藝小百科 facebook 粉絲專頁度交流吓吖~!!!

氣炸鍋 – 雞脾

20190924雞雞

<<氣炸鍋 – 雞脾>>
呢2日唔知食錯咗D乜..搞到係咁拉肚子…喇叭牌都食咗幾次~仲係未痾清…食錯嘢…除咗等佢痾清~都冇乜得搞….

今次呢個可以當TEA食~哈~如果我日日整隻雞脾俾月月咁做TEA~佢一定好快變咗做豬仔~所以呢~邪惡食物間唔時食下就好喇~

材料: 雞脾2件
雞肉醃料: 生抽約2湯匙 , 糖及薑茸一茶匙 , 胡椒粉少許, 麻油及生粉少許

STEP 1
雞與醃料拌勻醃1小時

STEP 2
放入氣炸鍋用200度火煮約20分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

香菇土魷蒸肉餅

20190913肉餅
<<香菇土魷蒸肉餅>>
呢幾日天氣好乾燥~藍藍的天又冇乜雲~冇咁濕冇咁翳~真係爽好多~希望天氣快D凍~快D凍~

今日整肉餅呀!~加塊土魷口感好D又香D~再加埋冬菇~好好送飯呢~!

材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 土魷1隻, 冬菇粒少許
醃料: 生抽約2湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙

STEP 1
豬絞肉(手剁後)與醃料(除水外)拌勻醃約20分鐘備用

STEP 2
土魷用水浸軟後去衣切小塊; 冬菇浸軟切粒

STEP 3
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP4
煲滾水後將豬肉跟土魷同冬菇拌勻再鋪上碟~大火蒸約12-15 分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

金菇肥牛煲

20190913金金
<<金菇肥牛煲>>
呢幾日一早一晚嗰時~感覺真係冇咁熱~雖則未叫做涼~不過有d風~天氣又乾燥咗~同月月落街玩時都唔駛下下做水人~真係舒服好多呢~!

煮咗個金菇肥牛煲~月月鍾意食金菇~可惜佢話個沙嗲辣~佢食唔到~之後有得睇冇得食~變咗嬲嬲豬~!

材料: 肥牛肉約1磅, 洋蔥1個(去衣切絲), 金菇2束(切去根部)
醃料: 油及糖少許, 生粉1茶匙, 生抽約2湯匙, 胡椒粉少許
調味: 沙嗲醬約2湯匙, 上湯1杯

STEP 1
肥牛跟醃料拌勻備用

STEP 2
燒紅鑊後爆香洋蔥同沙嗲醬, 注入上湯煮滾

STEP 3
拌入肥牛煮至半熟後下金菇, 煮透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

南乳雞翼

20190913南乳雞
<<南乳雞翼>>
又到星期一~放完三日假~今日真係唔想返學呀!~月月呢個假期唔小心整親個咀仔~今日一返學~個個都問佢做咩呢~哈~佢家下個咀瘀咗…紫紫哋好似中毒咁~好搞笑~!

雞翼真係點整都咁好味~今日用咗南乳醃~冇氣炸呀!~放入焗爐就得~好好味~月月食咗4隻架~哈~~

材料: 雞翼十隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)

STEP 1
將雞翼洗淨後, 跟醃料醃最少4小時

STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)

 

 

大家可以Click入 黃師奶廚藝小百科 facebook 粉絲專頁度交流吓吖~!!!

中秋節快樂呀!~~~~~

70690736_3062577207117283_2778142437992824832_n

中秋節快樂呀~~今日中秋節~月月學校假期~媽媽一早又同佢出去玩過夠LU~!呢隻傻豬係咁話自己好鍾意食月餅….最爆係…佢食嗰D係雪糕月餅嘛…緊係好味….我就唔信你會鍾意食傳統月餅喇~哈~~~~

今晚大家會去邊到賞月呀?!

 

大家可以Click入 黃師奶廚藝小百科 facebook 粉絲專頁度交流吓吖~!!!

氣炸鍋 – 豬寸骨

20190820豬串
<<氣炸鍋 – 豬寸骨>>
剛剛個星期好忙呀!~冇計啦~月月要適應K2新學年~新嘅班主任~同學仔~返學仲係一舊雲咁~不過呢幾日已經好咗好多喇~放學返黎做下功課玩下咁又一日~HEA多2年~就有排忙~!

新鮮豬肉好貴呀仲~~又食急凍豬啦~凍肉鋪買咗D豬寸骨~醃好就氣炸~好方便呢~!

材料: 豬寸骨8件
醃料: 生抽1湯匙, 糖2茶匙, 胡椒少許, 油及生粉少許, 薑汁少許

STEP 1
排豬寸骨洗淨後與醃料1醃約半小時

STEP 2
放入氣炸鍋用200度火煮約18分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

牛肉飯

20190829牛飯
<<牛肉飯>>
開學第1周咁又完咗喇~呢幾日月月開始要學做功課~今年開始要學寫字喇~即係我嘅伴讀生涯開始咗喇…冇得好似細個咁日日都係玩玩玩LU~!

今日又來一客碟頭飯呀!~整咗個牛肉飯~簡簡單單好方便~啱哂黃師奶呢D懶人~!

材料: 肥牛肉8-10片, 洋蔥1個(去衣切絲)
醃料: 油及糖少許, 生粉少許
汁料: 日式醬油約2湯匙, 味醂約1湯匙, 料理酒約2湯匙, 水, 糖少許

STEP 1
牛肉跟醃料拌勻備用

STEP 2
爆香洋蔥後加入汁料煮沸

STEP 3
拌入牛肉煮透再淋上飯面即成

 

 

 

大家可以Click入 黃師奶廚藝小百科 facebook 粉絲專頁度交流吓吖~!!!

K2新學年

69564349_3034567119918292_586275534258831360_n

9月3日開學日~一如以往~月月隻衰豬都係喊…..
PN喊…..
K1喊……
K2喊……
上面幅相就係呢2年嘅開學樣…..唔知道會喊到邊年呢???

大家可以Click入 黃師奶廚藝小百科 facebook 粉絲專頁度交流吓吖~!!!