|
|
<<咖哩雞>>
今日月月學校假期~所以呢~一早返咗去娘家~對住個不停單單打打嘅阿媽~真係好討厭….三個女之間不停講是講非~真係要好好提醒自己老咗唔好變到咁~搞到D仔女個個怕咗自己~
食咖哩好送飯~今日煮咗個辣版~月月有得睇~冇得食~呵呵呵~!
材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許
STEP 1
雞件跟醃料拌勻醃約2小時備用
STEP 2
洋蔥去衣後切角備用~薯仔去皮洗淨切大件
STEP 3|
雞件同薯仔略略煎香~再爆香洋蔥後盛起
STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻
STEP 5
加水蓋過所有材料後用炆煮約半小時用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<煎雞翼>>
家下一早一晚天氣涼咗唔少喇~叫月月著返件外套先返學啦~佢就扭計話唔著….記得K1時佢就扭唔可以除佢件外套…到K2呢..就扭唔著外套…點解D小朋友有啲咁無謂嘅堅持架!?!?
今日又來煎雞翼~煎到金黃用D蒜茸兜一兜就得~簡單~不過大小朋友都鍾意食呢~!
材料: 雞翼12-15隻
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
調味: 蒜茸約1湯匙
STEP 1
雞翼洗淨後與醃料醃約三十分鐘
STEP 2
將雞翼煎至金黃後下蒜茸
STEP 3
灒酒炒透至收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
<<臘味飯>>
家下天氣好舒服~一早同月月公咗草地玩~吹下泡泡行下公園~咁又半日~隻衰豬跑起上黎都成頭汗架~不過呢~相比起夏天~真係舒服好多呢~!
秋風起~又係時候食臘味~哈~加多條菜~簡簡單單咁又一餐~!
材料: 臘腸兩條, 臘鴨脾一隻 , 白米2杯 , 水約 2杯
STEP 1
將臘味用熱水沖一沖
STEP 2
將白米洗淨; 煮滾白米加水煮至收乾水份
STEP 3
拌入臘味後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘
STEP 4
熄火後不要開蓋再焗最少15分鐘~食時灑上煲仔飯豉油即可~
大家可以Click入 黃師奶廚藝小百科 facebook 粉絲專頁度交流吓吖~!!!
<<肉燥飯>>
呢期冇咩追劇~轉咗煲返細個時嘅卡通片~哈~係咪好白痴~不過家下做咗人阿媽~依然覺得好好睇~我唸住等月月大咗仲同佢翻煲多次~~童年回憶~唸起都開心~!
今日又做懶人~就咁煮咗個肉燥飯就一餐~不過呢個飯用咗邪惡嘅五花腩~好香好好味~但係好肥….
材料: 五花腩一條, 乾蔥碎半碗, 冬菇8隻(浸軟後切碎), 老抽(調色用), 白飯2碗
醃料: 生抽約2湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙
調味: 蠔油約1湯匙
STEP 1
將五花腩去皮切碎後跟醃料拌勻至起膠
STEP 2
爆香乾蔥碎後拌入冬菇及五花腩炒勻
STEP 3
下調味後拌勻再加約1碗水煮滾後慢水炆煮約20分鐘
STEP 4
老抽調色後煮至汁稠再淋上白飯即成
大家可以Click入 黃師奶廚藝小百科 facebook 粉絲專頁度交流吓吖~!!!
<<南乳骨>>
唔覺唔覺~月月已經升咗K2 差不多2個月喇~佢由之前成日提住K1老師話好掛住佢哋~到家下就話鍾意低班~哈~見佢變得咁快好搞笑~不過都証明咗老師對佢好佢先咁鍾意呢~!
南乳平時用黎整雞多~今日用黎焗一字排~好夠味呀!~焗時用咗低溫~咁焗起上黎就好JUICY呢~
材料: 一字排6-8件
醃料1: 糖2茶匙, 油及生粉少許
醃料2: 南乳醬約2湯匙及紹興酒適量
STEP 1
排骨洗淨後與醃料1醃約半小時後再焗前拌入醃料2備用
STEP 2
預熱焗爐150度45分鐘即成(每人爐火唔同要注意喔)
大家可以Click入 黃師奶廚藝小百科 facebook 粉絲專頁度交流吓吖~!!!
<<栗子炆雞>>
呢幾日天氣乾爽咗好多~可以同月月出去公園玩多D~唔駛下下留喺室內~家下都十月尾~應該可以同做水人嘅日子講BYEBYE~!
天氣乾爽咗~又係時候食下栗子~今次用黎炆雞~味道唔錯~大家又鍾唔鍾意食呢?!
材料: 雞1隻 , 去皮栗子10-15粒 薑2片, 紹酒小半碗
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
調味: 蠔油約2湯匙
STEP 1
雞與醃料拌勻醃4小時
STEP 2
爆香薑~拌入雞煎香至金黃
STEP 3
再拌入栗子炒香後灒酒
STEP 4
加入調味後拌勻1加水蓋過所有材料後煮滾轉細火炆煮約20分鐘至收汁 (可加生粉水埋芡) 即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<日式咖喱雞飯>>
今個星期又過咗一半~家下返學日子過得特別快架~真係好懷念之前暑假日日好寫意咁過日子呢~唉…..
大家鍾意食日式咖哩嘛?味道唔太辣~用黎撈飯食都好好味架~大家可以一試~!
材料: 雞脾肉2塊 , 日式咖喱磚一盒 (水份跟指示用咗6杯)
配菜: 薯仔2個, 紅蘿蔔1條, 洋蔥1個 <=(全部去皮去衣切件)
醃料: 鹽及檸檬汁少許
STEP 1
雞肉跟醃料拌勻醃約30分鐘備用
STEP 2
爆香洋蔥後拌入雞件煎香
STEP 3
拌入薯仔及紅蘿蔔後下咖喱磚再加水煮滾; 炆煮約20分鐘至收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
<<野菌豬肉飯>>
呢2日天氣唔多好~不過睇見天氣報名過2日會涼D同乾燥D喇~哈~捱咗幾個月~終於同又濕又熱嘅夏天講BYEBYE 喇~!!
今日來個懶人飯呀!~一碗過~爆香洋蔥同白菇~加埋豬肉片~簡單D咁又一餐~~
材料: 豬肉8-10片, 洋蔥1個(去衣切絲), 日本白菇1PACK
醃料: 油及糖少許, 生粉少許
汁料: 日式醬油約2湯匙, 味醂約1湯匙, 料理酒約2湯匙, 水, 糖少許
STEP 1
豬肉跟醃料拌勻備用; 白菇去根後清潔乾淨
STEP 2
爆香洋蔥後加入白菇炒香
STEP 3
拌入豬肉後炒香, 注入汁料煮透再淋上飯面即成
大家可以Click入 黃師奶廚藝小百科 facebook 粉絲專頁度交流吓吖~!!!
<<蒜香炒什菇>>
已經幾日冇地鉄坐喇…月月冇理由日日唔返學..呢幾日同佢早咗出門口…以烏龜速度行去下一個站上車..同佢一齊行要行半個鐘先去到下一站…其實對佢黎講肯行唔扭算好好~希望快D有返車坐啦~!
屋企有唔少菇類~~簡單D~就咁加咗鹽同蒜茸炒~哈~因為月月鍾意食菇~廢事煮得太重口味俾佢呢~!
材料: 金針菇1包, 日本本菇1包, 秀珍菇1包, 甘荀1個(去衣切絲), 薑2片
調味: 蒜茸及鹽少許
STEP 1
將菇類除去根部後清潔乾淨
STEP 2
爆香蒜茸薑片後拌入甘荀炒至軟身
STEP 3
拌入其他菇類炒透後下鹽調味即成
大家可以Click入 黃師奶廚藝小百科 facebook 粉絲專頁度交流吓吖~!!!
<<香菇蒸雞>>
今日同月月射波…呢幾日冇地鉄~我哋都冇出城…尋晚都估到今日都冇地鉄架喇…猜到實交通大混亂~所以就逃學算~如果呢幾日都唔開~唯有行一個站再搭車~不過…月月行路烏龜咁…都要預早好多出門..
屋企點都有冬菇~用黎煲湯蒸餸好方便~今晚蒸雞時加d~簡單家常菜~!
材料: 雞半隻(斬件) ,冬菇隨意
雞醃料: 生抽約2湯匙, 老抽少許, 糖1茶匙, 胡椒粉少許, 生粉1茶匙及麻油適量
STEP 1
雞肉跟醃料醃約4小時備用; 冬菇浸軟去蒂切絲
STEP 2
將所有材料鋪平於碟上, 煲滾水後大火隔水蒸20-25分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響