|
|
<<BABY RIBS>>
毛~日日都發毛~香港確診CASES 都越來越多喇~家居隔離就更多~感覺總有一個喺你左右咁~阿Q D 唸~都唔驚得咁多喇~分分鐘搞1-2年都咁~唔阿Q D~ 好易痴線~!
屋企有條RIBS~用咗D BBQ 醬醃~之後就懶人上身~用焗爐焗~YUMMY YUMMY~!
材料: BABY RIBS 一大條 , 檸檬汁 , 香草(隨意-自己鍾意加咩就咩啦)
調味: BBQ 味醬
STEP 1
BABY RIBS與醃料醃一晚備用
STEP 2
預熱焗爐180度15分鐘~~焗BABY RIBS約20-30分鐘即成(自己留意爐火喔!)~!~!!
大家可以Click入 黃師奶廚藝小百科 facebook 粉絲專頁度交流吓吖~!!!
<<瑞士雞膇>>
早前話BLOGSPOT傻咗~係都唔俾我留言~搞咗成個月有多~終於又可以留返~唔知佢壞咗D咩~定我更新咗D咩~不過解決到就好~!
家下人人家中嘅雪櫃應該都打爆哂~疫情下大部分人都買定多少少餸~哈~今日就解凍D雞膇~整瑞士汁~好味道!~
材料: 雞膇8隻
汁料: 瑞士汁2碗 , 清水1碗, 薑2片 , 八角1片, 冰糖1小塊
STEP 1
將汁料煮至大滾後拌入雞膇大火煮約5分鐘後熄火焗20分鐘至浸熟即成
大家可以Click入 黃師奶廚藝小百科 facebook 粉絲專頁度交流吓吖~!!!
話咁快又到3月底喇~記得月月喺1月底時做手術~嗰時香港都只係剛有一宗個案~亞洲歐美都未爆…2個月後嘅今日…真係冇眼睇…而月月亦有幸..見證下疫情下大家點生活…
家下間唔時出下去放風….透下氣..大部分時間都會喺屋企…仲好無聊咁連紙皮都玩一餐….而月月呢..當然佢就唔識擔心啦…不過呢~佢做埋D嘢好好笑….
=> 佢用紙巾包住哂佢D BB 公仔D口…話佢哋冇口罩唔得喎….
=> 佢又會問呢D嘢係咪3層…嗰D 嘢有冇3層…應該係聽我講得多…..
家下返學無期…唔知會唔會直升K3~呢年真係好多變化….感覺今日唔知聽日事咁….
希望大家健健康康~
大家可以Click入 黃師奶廚藝小百科 facebook 粉絲專頁度交流吓吖~!!!
<<沙薑雞膇>>
家下睇新聞~見到歐美嘅確診個案真係越來越多呢~有唔少學生都返緊黎香港~睇黎仲有排個案個爆升~~真係要KEEP定多少少糧~因為唔想成日落街呢~!
今日買咗沙薑~哈~咁緊係用黎煮雞啦~家有雞膇即解凍~雞膇滑一滑~好味道~!
材料: 雞膇8隻 , 沙薑隨意, 紹酒半碗
雞翼醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙, 沙薑粉一湯匙
STEP 1
雞膇與醃料拌勻備用
STEP 2
爆香沙薑~將雞膇略略煎香後灒酒
STEP 3
兜炒片刻後加水蓋過所有材料後煮滾轉細火炆煮約15-20分鐘至收汁 (可加生粉水埋芡) 即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<蓮藕香菇蒸肉排>>
呢幾日真係全球大爆發~歐洲嘅CASES多到爆~~家下真係唔知點收科~香港個案大部份都去過TRIP黎~~究竟幾時先完呢~~煩煩ING~~
家有蓮藕片~用黎蒸排骨用~再加少少冬菇~有肉又有菜啦叫做~健康D~~
材料: 腩排300g , 生粉一茶匙及麻油適量, 蓮藕片隨意, 冬菇6-8隻(浸軟去蒂切絲)
腩排醃料: 生抽一湯匙, 老抽少許, 糖一茶匙, 胡椒粉少許
調味: 蒜茸一湯匙
STEP 1
腩排洗淨後與醃料醃約二十分鐘再拌入調味醃一會 ; 煮前再將醃好嘅腩排與少許麻油及生粉拌勻~~
STEP 2
煲滾水後將所有材料及調味放於碟上再大火隔水蒸約12-15分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
<<豉椒炒牛肉>>
今日忙咗一朝~因為要返去幼稚園都拎功課~我哋過年後都冇出過將軍澳喇~就係咁~食完早餐~出出入入~咁就過咗一日~!
豉椒通常我哋都係用黎蒸排骨多~今次用黎炒牛肉~味道唔錯~而個汁仲好好送飯呢~!
材料: 肥牛肉約1磅, 紅尖椒隨意
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸豆豉茸適 , 辣椒絲少許
STEP 1
肥牛跟醃料拌勻備用
STEP 2
燒紅鑊後爆香調味
STEP 3
拌入肥牛煮透拌入紅尖椒灒酒兜勻即成
大家可以Click入 黃師奶廚藝小百科 facebook 粉絲專頁度交流吓吖~!!!
<<香煎豬扒>>
大家有冇試過用可樂醃肉呢?!聽人講過話用可欒醃肉會好味D~黃師奶試過~不過發覺家中人又唔覺分別好大~大家又覺得分別大唔大呢?!
今日煎豬扒呀!~我哋通常都食加拿大豬扒~肉味幾好又JUICY!~唔知你哋有冇邊個國家豬扒好介紹呢?!
材料: 豬扒2塊
汁料: 蠔油約1湯匙, 水小半碗
調味: 蒜鹽及黑胡椒少許
STEP 1
將豬扒煎香後下鹽調味再煎至2面金黃
STEP 2
注入醬汁將豬扒煮至熟透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<沙嗲薯仔炆雞件>>
唔覺唔覺月月差不多放咗2個月假喇~之前功課係上網DOWNLOAD 嘅~不過呢~有家長覺得自己PRINT麻煩..最後學校就決定叫家長自己定期返學去拎功課…我寧願自己PRINT…出出入入仲煩呀!!!!
想清埋D沙嗲~咁就用黎炆雞~沙嗲呢~我哋就唔覺得辣~不過呢~月月受唔到~佢話好辣唔食呀!~~
材料: 雞1隻, 薯仔2個 , 洋蔥 一個, 乾蔥茸一湯匙
醬汁: 沙嗲三大湯匙
雞件醃料: 鹽少許
STEP 1
雞件跟醃料拌勻醃約2小時備用
STEP 2
洋蔥去衣後切角備用~薯仔去皮洗淨切大件
STEP 3|
雞件同薯仔略略煎香~再爆香洋蔥後盛起
STEP 4
慢火將沙嗲炒香~!拌入洋蔥~乾蔥茸~炒香後拌入雞件兜炒片刻
STEP 5
加水蓋過所有材料後用炆煮約半小時用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<滷水腩肉>>
唔覺唔覺都停咗課個幾月喇~CHECK返個八達通~我哋2母女真係整個2月都冇咩點出過去~感覺好唔真實~究竟幾時先完呢可?!
今晚黎一個肥爆餸菜~一大條腩肉~~又香又腍滑~食落充滿脂肪同罪惡感~正~!
材料: 腩肉1條, 汆水用嘅薑及蔥段適量
汁料: 滷水包1包, 醬油600ML, 水600ML, 冰糖少許
STEP 1
煲滾水後下少許薑及蔥段, 將腩肉汆水
STEP 2
將汁料煮至大滾後拌入腩肉大火煮滾再細火炆煮30分鐘後焗30分鐘; 再重覆炆焗30分鐘;最後炆焗15分鐘~!
STEP3
放涼切小件即成
大家可以Click入 黃師奶廚藝小百科 facebook 粉絲專頁度交流吓吖~!!!
<<什菌牛舌飯>>
超市終於叫做正常返~而口罩呢~其實就有得賣~只係貴少少~點都好過早幾個星期咁~日日乜都搶~好得人驚~!
屋企有急凍牛舌~啱哂家下日日喺家發毛用~醃好後加埋D什菌~咁就做咗個碟頭飯~~HEA爆~!
材料: 急凍牛舌1pack 洋蔥1個(去衣切絲), 迷你直菇1PACK
醃料: 油及糖少許, 生粉1茶匙, 生抽約1湯匙, 胡椒粉少許
汁料: 日式醬油約2湯匙, 味醂約1湯匙, 料理酒約2湯匙, 水, 糖少許
STEP 1
牛舌跟醃料拌勻備用; 直菇清潔乾淨
STEP 2
燒紅鑊後爆香洋蔥將牛舌炒至轉色盛起
STEP 3
拌入直菇炒香後將牛舌回鑊; 注入汁料煮透再淋上飯面即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響