|
|
<<油雞>>
今日睇新聞~呢2日海灘人山人海呀~最近個案少咗好多~大家都想出黎透下氣~過返正常日子呢~希望情況一路係咁啦~唔係就頭痕呢~!
整咗油雞呀!~雞呢~就浸熟係最滑呢~加埋薑茸~就好好送飯呢~!呵呵~~~
材料: 雞半隻 , 薑3片 , 蔥段隨意, 冰糖一粒, 陳皮一小塊
醬汁: 生抽1/2杯, 老抽1/4杯, 開水約1杯 , 紹酒1大匙
STEP 1
將雞清洗乾淨
STEP 2
爆香薑片/蔥段; 下醬汁材料煮滾再放冰糖及陳皮
STEP 3
拌入雞用中大火煮約5分鐘後熄火 (不要開蓋) 再浸至熟斬件即成
大家可以Click入 黃師奶廚藝小百科 facebook 粉絲專頁度交流吓吖~!!!
<<麵豉燉豬肉>>
話咁快4月就完喇~仲有唔夠3個月~月月就會升高班~上學期因為社會事件~月月冇返學都2星期有多…之後下學期又冇返過..感覺好似由幼兒班一升到高班咁…
早前超市見豬肋條特價~買咗唔少~今日用咗麵豉炆~加埋薯仔同甘筍~感覺健康D!~
材料: 豬肋條1PACK, 甘筍1條, 薯仔1個, 洋蔥1個
醃料: 生抽一湯匙, 老抽少許, 糖一茶匙, 胡椒粉少許, 油少許
調味: 麵豉1大匙, 上湯1杯
STEP 1
將豬肉跟醃料拌勻醃約半小時備用
STEP 2
洋蔥去衣後切角備用~薯仔及甘筍去皮洗淨切大
STEP 3
爆香洋蔥後將豬肉煎香至出油再拌入薯仔及甘筍
STEP 4
下調味後兜炒片刻, 注入上湯至滾後炆煮約20分鐘再焗15分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
<<麵豉浸時蔬>>
過咗咁多日~終於有零個案喇~希望疫情真係受控啦~雖則黃師奶呢段日子唔係太PANIC~不過呢~成日見到咁多個案~感覺真係唔太好受呢~!
今日用咗麵豉做湯底~加D菇同豆腐~再加D自己鍾意嘅食材~一煲上~簡單又方便呢~!
材料: 上湯1L, 鮮冬菇10隻, 舞茸1碗, 豆腐一磗(切丁)
調味: 麵豉1大匙
STEP 1
炒香菇類後注入上湯及麵豉煮滾後再煮約20分鐘
STEP 2
拌入豆腐煮沸即成
大家可以Click入 黃師奶廚藝小百科 facebook 粉絲專頁度交流吓吖~!!!
<<咖哩雞>>
咁快就4月中喇~即係月月足足3個月都冇返學~佢條友仔緊係過得快活啦~不過其實我都好珍惜呢段咁特別嘅日子架~完全唔覺得困獸鬥架~每日同佢一齊真係好快樂~哈~~
今日來一個超下飯嘅菜~咖哩雞~~足足煮咗2杯米~不過唔係我清哂~有人特別愛咖哩~一煮就食好多呢~!
材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許
STEP 1
雞件跟醃料拌勻醃約2小時備用
STEP 2
洋蔥去衣後切角備用~薯仔去皮洗淨切大件
STEP 3|
雞件同薯仔略略煎香~再爆香洋蔥後盛起
STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻
STEP 5
加水蓋過所有材料後用炆煮約半小時用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<煎雞扒>>
呢幾日香港個案回落到單位數喇~不過呢~唔知係因為長假期少咗人做化驗~定係因為真係疫情好轉啦~~家下都冇咩好做~唯有注意衛生啦~!
早前喺一田買咗唔少急凍雞肉~今日試下件雞扒~調味後就煎到金黃~爸爸食得滿意就得~!
材料: 雞扒2塊
雞肉醃料: 蠔油約1湯匙 , 糖及薑茸一茶匙 , 麻油及生粉少許
調味: 蒜粉隨意, 黑胡椒粉少許
STEP 1
將雞扒洗淨後, 跟醃料醃最少1小時
STEP 2
燒紅鑊將雞扒煎至金黃熟透後灑上調味即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<什菌滑蛋豬肉飯>>
話咁快4月都過咗1/3~即係月月都差不多停咗課3個月喇~問佢想唔想返學~佢話唔想~仲話家下日日都好開心….哈~我呢個女真係好可愛~同埋佢世界真係活得好快樂~!
呢個時勢~好多時都煮得好簡單~哈~冇計啦~有時超市街市太多人~唔想走去迫嘛~不過呢~呢個飯HEA得黎味道都幾好架~!
材料: 豬肉片約10-12片, 蛋2隻(打散發勻), 洋蔥1個(去衣切絲), 本菇1包
醃料: 生抽1湯匙, 糖2茶匙, 油及生粉少許, 胡椒粉少許
汁料: 日式醬油約2湯匙, 料理約2湯匙, 味醂約1湯匙, 水小半碗, 蒜茸及糖少許(拌勻)
STEP 1
將豬肉跟醃料拌勻醃約2小時備用; 本菇抺淨去根部備用
STEP 2
爆香洋蔥後拌入本菇炒香後下豬肉煎香
STEP 3
注入汁料後煮透再分2次注入蛋液滾起, 淋上白飯即成
大家可以Click入 黃師奶廚藝小百科 facebook 粉絲專頁度交流吓吖~!!!
<<南乳雞翼>>
今朝睇新聞~約翰遜都搞到入咗深切治療~見佢之前都話自己喺家隔離~咁好似冇咩嘢咁~咁快就咁~唉~~~家下個病搞到歐美大爆發~新聞睇到唔想睇咁呢~!
南乳呢~用黎整雞翼一定係最夾呢~今次懶呀!~冇煎~就咁焗~好快又食得LU~!
材料: 雞翼十隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)
STEP 1
將雞翼洗淨後, 跟醃料醃最少4小時
STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)
大家可以Click入 黃師奶廚藝小百科 facebook 粉絲專頁度交流吓吖~!!!
<<上湯牛腩>>
唔知家下大家仲有冇出街呢?!家下餐廳要1.5米距離~變相少咗好多人~多咗人喺家食~鍾意煮飯就好~唔鍾意就等外賣~可能等到天長地久~
今晚一煲過~日本大根加牛腩~有肉又有菜~感覺健康D~加埋個麵~飽飽~!
材料: 牛坑腩約400G , 蘿蔔半個 , 上湯 2升, 八角一粒 , 花椒半茶匙
STEP 1
將蘿蔔去皮切角; 煲滾水後下少許薑及蔥段, 將牛坑腩汆水
STEP 2
將牛坑腩略略煎香 ; 拌入花椒八角及上湯
STEP 3
細火炆煮約30分鐘後熄火焗30分鐘; 重複
STEP 4
拌入蘿蔔再細火炆煮約30分鐘後熄火焗30分鐘後即成
大家可以Click入 黃師奶廚藝小百科 facebook 粉絲專頁度交流吓吖~!!!
<<辣炒牛肉>>
家下日日睇新聞~感覺好SAD咁~已經差不多過百萬人有病…條數日日都增加..真係唔知幾時會停咁~而且總會有種感覺..就係唔知幾時輸到自己…慘~!
屋企有D辣椒乾~本來想煮水煮牛~~不過感覺太油喇~煮咗就咁炒~冇咁魔鬼~不過都好好味呢~!
材料: 肥牛肉約1磅, 辣椒乾及辣椒絲隨意
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸少許
STEP 1
肥牛跟醃料拌勻備用
STEP 2
燒紅鑊後爆香調味
STEP 3
拌入肥牛煮透拌入辣椒灒酒兜勻即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響