黃師奶廚藝小百科

<<瑞士雞翼>>
尋日大家有冇睇到新聞呀?唔知你哋有咩感覺….成件事真係當人傻咁..當日N咁多個鏡頭直播呀!~都可以指鹿為馬..痴線…

屋企點都有雞翼同瑞士汁看下門口~因為…懶喺上黎….就咁煮就算…天氣太熱..有時真係冇咩心機煮~哈~!

材料: 雞翼8隻
汁料: 瑞士汁2碗 ,  清水1碗, 薑2片 , 八角1片, 冰糖1小塊

STEP 1
將汁料煮至大滾後拌入雞翼大火煮約2-3分鐘後熄火焗20分鐘至浸熟即成

大家可以Click入 黃師奶廚藝小百科 facebook 粉絲專頁度交流吓吖~!!!

<<黑椒牛仔骨>>
個風一走咗~今日天氣好咗好多呀!~呢個風真係來得快~走得快~1日就由1號去9號~打完風落下雨~感覺冇咁熱~舒服好多呢~!

今日整個牛仔骨~大家鍾唔鍾意食呀?不過呢~我家月月唔太欣賞架~因為佢鍾意啖啖肉~

材料: 牛仔骨3大塊
醃料: 生抽約一湯匙 , 糖一茶匙, 黑胡椒隨意 , 油及生粉一茶匙, 水一大匙

STEP 1
用叉將牛仔骨吉下 (咁D牛仔骨會入味D同鬆D), 再同醃料拌勻醃約半小時備用

STEP 2
煎香牛仔骨煎至七成熟後下蒜茸兜炒片刻即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<牛柳絲炊飯>>
今個暑假實在好不一樣…冇下水禮…冇外遊…連公園都冇得去…亦因為咁~我發現我家月月其實係一個宅女…佢仲好ENJOY呢D生活…佢話佢咁多玩具..好忙…一啲都唔悶….

懶人炊飯~最近發覺月月鍾意食炊飯~即係有味飯啦~咁就懶得就懶~一大煲~唔駛分開煮2餐呢~哈~

材料: 牛柳約300G, 洋蔥半個(去衣切碎), 蛋一隻
醃料: 油及糖少許, 生粉約2茶匙, 生抽約1湯匙, 胡椒粉少許

STEP 1
用1:1 (米:水)份量煮飯

STEP 2
牛肉跟醃料拌勻備用

STEP 3
將蛋快炒至熟盛起

STEP 4
爆香洋蔥後拌入牛柳炒至半熟後將蛋回鑊快炒下鹽調味盛起

STEP 5
將牛肉等材料拌入熱飯中拌勻再焗一會即成

大家可以Click入 黃師奶廚藝小百科 facebook 粉絲專頁度交流吓吖~!!!

<<南乳雞膇>>
尋日教署宣布咗~9月唔可以面授課~其實都預咗K3呢個學年都會返下停下咁…慶幸自己上當年都叫讀過下書..仲係FTM可以自己喺屋企教月月…其他雙職家長應該好頭痕….

雪櫃入咗唔少雞肉~家有南乳~黃師奶覺得除咗煮齋~煮雞就最夾!~~醃好放入焗爐~好快食得~!

大家可以Click入 黃師奶廚藝小百科 facebook 粉絲專頁度交流吓吖~!!!