黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

蒜香黑椒雞膇

20200910雞
<<蒜香黑椒雞膇>>
開咗學一個星期喇~我哋倆母女都叫習慣咗~始終搬咗去另一個社區~每日都過住跟以往不同嘅日子~家下近咗學校~真係方便好多~月月仲可以喺家慢慢嘆住電視食成粒鐘早餐先返學…以前邊有得咁爽~!

又係懶人系列~醃好雞肉又放焗爐算~加咗少少蒜鹽~食起上黎都好香~~好好味~!

材料: 雞膇12-15隻
雞肉醃料: 蠔油約2湯匙 , 糖及薑茸一茶匙 , 麻油及生粉少許
調味: 黑胡椒及蒜鹽少許

STEP 1
將雞翼洗淨後, 跟醃料醃最少4小時

STEP 2
預熱焗爐180度, 調味後焗雞膇約20-30分鐘 即成(各人爐火唔同~要注意喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

K3新學年

IMG_5838

今日面授課程開學喇~換句話說~月月過埋今年~就完咗HAPPY SCHOOL 嘅校園生活~~等到第4個年頭~終於有張正常開學相…冇喊喊豬樣咁慘….

放學同咗老師傾咗幾句…知道月月喺課室都喊咗一陣…不過老師都好好..仲明白到大半年冇返學….都要小朋友適應返呢~!媽媽已經覺得月月完勝架喇~希望佢再繼續進步落去啦~!

我哋2母女要好好享受埋幼稚園生涯嘅最後一年~~開開心心咁~~大家努力~!

大家可以Click入 黃師奶廚藝小百科 facebook 粉絲專頁度交流吓吖~!!!

金菇牛肉卷

20200910牛
<<金菇牛肉卷>>
下星期就復課~學校講明有茶點時間…家下好多家長都嘈緊~要求學校刪除茶點..免得交叉感染~!小學中學就半日避免食飯…而幼園就要食茶點…唸吓其實真係幾矛盾….

今日整牛肉卷~用咗月月最愛嘅金菇~包好牛肉就煎得~!煮完個汁都好好送飯架~!

材料: 肥牛約15片,  金菇1束 (去根)
醃料: 油及糖少許, 生粉約2茶匙, 生抽約1湯匙, 胡椒粉少許, 薑汁隨意
汁料: 日式醬油約2湯匙, 味醂約1湯匙, 料理酒約2湯匙, 水, 糖少許

STEP 1
牛肉跟醃料拌勻備用

STEP 2將牛肉同金菇包好

STEP 3
將牛肉卷切香(先煎封開口)至金黃後注入醬汁煮透即成

大家可以Click入 黃師奶廚藝小百科 facebook 粉絲專頁度交流吓吖~!!!

鹹蛋蒸肉餅

20200910豬
<<鹹蛋蒸肉餅>>
話咁快就九月中喇~我家月月下星期就復課喇~而我呢~心情就有啲唔慣~呢大半年日日都湊住佢~又要教功課又要陪玩~~累就累啲~不過呢~真係好開心架我哋日子過得~~~

家中有鹹蛋~今次就整肉餅加埋落去~真係好好送飯呢~!

材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 鹹蛋1隻
醃料: 生抽約2湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙

STEP 1
豬絞肉(手剁後)與醃料(除水外)拌勻醃約20分鐘備用

STEP 2
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
煲滾水後將豬肉鋪上碟~放上鹹蛋後大火蒸約12-15 分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜蒸腩排

20200910豬1

<<蒜蒸腩排>>
日日都落雨~不過呢~天氣明顯冇咁熱喇~!斷估唔會去返日日35度咁暴曬日子….終於捱完呢個討厭嘅夏天…

我家好鍾意蒸排骨~多數都用蒜茸豆豉~~~今次只用蒜茸椒絲~~辣辣哋~又好香~唔錯呢~!

材料: 腩排300g , 生粉一茶匙及麻油適量, 蒜茸椒絲隨意
腩排醃料: 生抽一湯匙, 老抽少許, 糖一茶匙, 胡椒粉少許

STEP 1
腩排洗淨後與醃料醃約二十分鐘再拌入調味醃一會 ; 煮前再將醃好嘅腩排與少許麻油及生粉拌勻~~

STEP 2
煲滾水後將所有材料及調味放於碟上再大火隔水蒸約12-15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

椒鹽豬柳

20200827椒鹽豬柳

<<椒鹽豬柳>>
月月開始返學ZOOM…其實呢大半年黃師奶每日都有教佢生字…數學等…希望唔好變咗大懶豬…可能又要考小一…又要開學….好似忙咗好多..

今日整咗味香口餸~將D豬柳煎香~再加椒鹽蒜茸咁~好香口~~又好好送飯呢~!

材料: 豬柳約1磅
醃料: 生抽1湯匙, 糖2茶匙, 油及生粉少許, 薑汁少許, 蛋白1隻
調味: 椒鹽隨意, 蒜茸椒絲隨意

STEP 1
將豬柳淨後, 跟醃料醃最少1小時

STEP 2
慢火將豬柳煎香至金黃後下調味炒透即成

大家可以Click入 黃師奶廚藝小百科 facebook 粉絲專頁度交流吓吖~!!!

鹹魚雞肉炒飯

20200827雞飯3

<<鹹魚雞肉炒飯>>
月月開學喇~雖然就冇得面授課啦~但係又要開家長會…又要返學校拎書本…功課….所以又開始忙過喇…教署已經宣布923就要返學喇~爽咗大半年…返學嗰日又唔知喊幾耐….

今晚炒咗個飯~大大碟~加咗鹹魚肉~~鹹鹹香香~炒起好香~不過我家月月話…做乜煮臭臭飯….

材料: 雞脾肉(切丁)2塊, 鹹魚肉隨意, 菜蔬隨意, 雞蛋1隻, 冷飯2杯
醃料: 鹽及胡椒粉許

STEP 1
雞肉跟醃料醃約30分鐘

STEP 2
爆香鹹魚肉後盛起; 再將雞肉煮透盛起

STEP 3
注入蛋汁兜炒至半熟~再下白飯炒至乾身~下葱花兜勻

STEP 4
拌入菜蔬~鹹魚肉及雞肉煮透調味即成

 

 

 

 

大家可以Click入 黃師奶廚藝小百科 facebook 粉絲專頁度交流吓吖~!!!