黃師奶廚藝小百科

<<咖哩雞>>
自從搬咗出市區~每日接送月月返學都方便得多~家下送完去返學~自己一個人再去買餸返家執屋整餸~時間真係好用得多~終於體會到近學校嘅好處~!

今日煮咖啡~醃好隻雞~再用油咖哩爆香炆煮~好香好吸引~最後再加少少辣油~食得好爽~!

材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許

STEP 1
雞件跟醃料拌勻醃約2小時備用

STEP 2
洋蔥去衣後切角備用~薯仔去皮洗淨切大件

STEP 3|
雞件同薯仔略略煎香~再爆香洋蔥後盛起

STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻

STEP 5
加水蓋過所有材料後用炆煮約半小時用生粉水埋芡即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

<<什菌炒牛舌>>
終於搞掂大部分小一面試~可以上黎除下草~!希望捱多幾個月~塵埃落定~咁就唔駛咁忙啦~!

家中有唔少凍肉~買咗D急凍牛舌~配埋D什菇用黎炒~味道唔錯呢~!

材料: 急凍牛舌1pack 洋蔥1個(去衣切絲), 菇菌1PACK
醃料: 油及糖少許, 生粉1茶匙, 生抽約1湯匙, 胡椒粉少許
汁料: 日式醬油約2湯匙, 味醂約1湯匙, 料理酒約2湯匙, 水, 糖少許, 蒜茸少許

STEP 1
牛舌跟醃料拌勻備用; 菇菌清潔乾淨

STEP 2
燒紅鑊後爆香洋蔥將牛舌炒至轉色盛起

STEP 3
拌入菇菌炒香後將牛舌回鑊煮透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<蘆筍伴肥牛>>
中秋節快樂呀!~~~仲記得之前年年中秋~都同月月一齊去單車公園一齊過~今年呢~地點唔同咗~就去咗維園玩喇~人唔算多~天氣又唔熱~好彩家下疫情唔算爆多~感覺冇咁憂心呢~!

大家鍾意食肥牛定牛柳呢?黃師奶覺得肥牛就好味好多~不過就真係好肥喇~~食得太多會好魔鬼呢~!

材料: 肥牛肉約1磅, 蘆筍及洋蔥隨意
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸約1湯匙及黑胡椒少許

STEP 1
肥牛跟醃料拌勻備用; 蘆筍略略刨去外層切小件

STEP 2
燒紅鑊後爆香洋蔥將肥牛炒至轉色

STEP 3
拌入蘆筍兜炒至8成熟後下調味再煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!