|
|
<<馬蹄鹹魚蒸肉餅>>
呢幾日新聞睇見封黎封去咁~感覺唔知幾時輪到自己喇~~睇怕過年後都係復課無望~唔知會唔會好似上年咁….9月先返學…
肉餅好送飯~今日整時加多舊鹹魚~!鹹鹹香香~可惜我家月月話好臭…點解媽媽要煮臭臭飯….
材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 土魷1隻, 鹹魚1小件, 馬蹄隨意(切碎)
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙
STEP 1
豬絞肉(手剁後)與醃料(除水外)拌勻醃約20分鐘備用
STEP 2
土魷用水浸軟後去衣切小塊
STEP 3
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔
STEP4
煲滾水後將豬肉跟土魷馬蹄拌勻再鋪上鹹魚上碟碟~大火蒸約12-15 分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<漢堡扒飯>>
今日睇新聞~睇黎會越來越多地區做強檢喇~而且仲可能加埋禁足令~真係每日要CHECK下自己嗰區多唔多個案~買定D糧~~唔係到時就煩呢~!!
我哋屋企好多時食完咖哩第日就食漢堡扒飯~點解?!之唔係唔想嘥咗個咖啡汁~用黎撈飯食真係唔錯架~!
材料: 牛絞肉約300G , 雞蛋一隻 (發勻)及麵包糠適量
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙
STEP 1
牛絞肉與醃料(除水外)拌勻醃約20分鐘備用
STEP 2
將醃好嘅牛肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔
STEP 3
將蛋汁及麵包糠拌入牛肉中至完全吸收
STEP 4
預熱焗爐~180度焗20分鐘即成(我就倒咗D咖哩汁落去送飯~呵呵~)~
大家可以Click入 黃師奶廚藝小百科 facebook 粉絲專頁度交流吓吖~!!!
<<咖哩雞>>
今日收到教育局嘅小一入學資料喇~下星期六就要去交表~換句話說~我家月月好快就變咗小學雞喇~快樂嘅幼稚園生活有一半都係在家學習…究竟9月後…佢係咪都要繼續日ZOOM夜ZOOM呢~!?!
一早煮咖哩雞~有人返工前已經聞到香味~哈~一早炆定夜晚食~好入味~個汁又好好送飯呢~!
材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許
STEP 1
雞件跟醃料拌勻醃約2小時備用
STEP 2
洋蔥去衣後切角備用~薯仔去皮洗淨切大件
STEP 3|
雞件同薯仔略略煎香~再爆香洋蔥後盛起
STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻
STEP 5
加水蓋過所有材料後用炆煮約半小時用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<照燒雞脾>>
剛剛昨日又過百宗喇~唔覺唔覺~已經戴咗一年口罩….由當初要排隊…甚至搶購口罩~到家下可以有唔同款式….一年變化真大…唔知下年今日~大家可以除罩未呢?!
今日整雞脾~用咗照燒汁~唔知大家又LIKE唔LIKE 呢?!我家月月最愛瑞士汁~不過唔敢成日整~唔健康呢~!
材料: 雞脾3件
雞肉醃料: 照燒汁約2湯匙 , 糖及薑茸一茶匙 , 麻油及生粉少許
STEP 1
將雞脾洗淨後, 跟醃料醃半小時
STEP 2
雞脾煎香盛起
STEP 3
預熱焗爐180度, 調味後焗雞脾約20-30分鐘後搽蜜糖再焗一會即成(各人爐火唔同~要注意喔)
大家可以Click入 黃師奶廚藝小百科 facebook 粉絲專頁度交流吓吖~!!!
<<鹽焗蝦>>
其實每日我同月月都會去行下樓下個公園~因為實在唔想屈住喺屋企~希望月月身心可以健康一啲~行下HEA下竟然撞到鄭嘉穎湊仔喎!~以前喺TKO就成日撞見TBB D 人~估唔到家下都會撞到~!
今日買咗游水蝦~唔想就咁白烚呀!~咁就鹽焗啦~簡簡單單食咗鮮味呢~!
材料: 蝦斤
調味: 鹽適量 (鋪滿個煲底), 黑胡椒1-2茶匙
STEP 1
將鮮蝦洗淨; 抺乾水份備用
STEP 2
白鑊烘香鹽及黑胡椒 (約2-3分鐘), 拌入鮮蝦後蓋上蓋煮約4-5分鐘即成 (時間要睇返鮮蝦大小而定)
大家可以Click入 黃師奶廚藝小百科 facebook 粉絲專頁度交流吓吖~!!!
<<燒肉>>
最近多咗人整燒肉~今次跟咗winwinlady學整~好滿意呀!~天氣凍凍哋~食件出爐燒肉唔錯架~!大家不妨一試呢~!!
自家燒肉好味道~~食時仲熱熱哋~~真係好味過出街斬料呢~!
材料: 五花腩 , 粗鹽
醃料: 粗鹽小半碗 , 白醋約半湯匙 , 酒約1湯匙 , 五香粉及胡椒粉少許, 糖少許
STEP 1
將五花腩加薑、蔥、酒、八角汆水片刻後抺乾鬆針
STEP 2
將醃料跟豬腩肉拌勻後醃約一日(放雪櫃風乾)
STEP 3
掃白醋於豬皮上後灑上粗鹽, 腩肉位包上錫箔紙, 用180度氣炸約30分鐘
STEP 4
剷走粗鹽再以200度焗約20分鐘至爆皮, 放涼切件即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<金沙雞翼>>
今日一早同月月返娘家~行下HEA下咁~返到家發覺天氣凍咗好多~聽日天文台話8度…我哋仲要返學交功課….希望唔好太大雨~唔係就麻煩呢~!
今日用雞全翼~加咗炸蒜茸~好香口~食完個口仲好臭~~哈~~
材料: 雞全翼6-8隻
雞肉醃料: 蠔油約1湯匙 , 糖及薑茸一茶匙 , 麻油及生粉少許, 老抽少許
調味: 炸蒜茸隨意
STEP 1
將雞翼洗淨後, 跟醃料醃最少4小時
STEP 2
預熱焗爐180度, 焗雞翼約20-30分鐘 (各人爐火唔同~要注意喔)
STEP 3
再灑上炸蒜茸拌勻焗一會即成
大家可以Click入 黃師奶廚藝小百科 facebook 粉絲專頁度交流吓吖~!!!
<<金針雲耳蒸滑雞>>
HAPPY 2021~終於上黎除草喇~過完元旦~又要玩返ZOOM同跟功課日子~日ZOOM夜ZOOM~又要跟教學短片~我唸我女呢輩人應該好快有近視…時代變咗…學習方式都變埋….
買咗隻雞~家有金針雲耳~就蒸雞啦~點知~有人問我做咩唔加冬菇….O咀~餐廳咁..要落單先煮….
材料: 雞半隻(斬件) ,金針雲耳隨意
雞醃料: 生抽約2湯匙, 老抽少許, 糖1茶匙, 胡椒粉少許, 生粉1茶匙及麻油適量
STEP 1
雞肉跟醃料醃約4小時備用; 金針雲耳浸軟
STEP 2
將所有材料鋪平於碟上, 煲滾水後大火隔水蒸20-25分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響