<<馬蹄鹹魚蒸肉餅>>
呢幾日新聞睇見封黎封去咁~感覺唔知幾時輪到自己喇~~睇怕過年後都係復課無望~唔知會唔會好似上年咁….9月先返學…
肉餅好送飯~今日整時加多舊鹹魚~!鹹鹹香香~可惜我家月月話好臭…點解媽媽要煮臭臭飯….
材料: 半肥瘦20蚊 (叫豬肉佬揀夠肥D~一係叫佢答夠肥膏俾你啦), 土魷1隻, 鹹魚1小件, 馬蹄隨意(切碎)
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙, 麥皮1大匙
STEP 1
豬絞肉(手剁後)與醃料(除水外)拌勻醃約20分鐘備用
STEP 2
土魷用水浸軟後去衣切小塊
STEP 3
將醃好嘅豬肉慢慢加入水及麥皮~!之後向同一個方向攪至起膠! (可以放入個保鮮袋到撻)~記得d水要完全吸收哂喔
STEP4
煲滾水後將豬肉跟土魷馬蹄拌勻再鋪上鹹魚上碟碟~大火蒸約12-15 分鐘即成~!
458 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
月月同大人嘅年代相差遠,飲食的選擇都會有所偏差。
哈~你又啱喎~!
鹹魚我都麻麻,哈哈~但如果加落炒飯我又覺得香好多^^
係呀~咁幾好食~!
我都喜歡食咸魚~EE
送下飯咁唔錯~!
鹹魚好貴架,我中意食但唔可以成日食。 買條游水魚食好過喇。
其實成20蚊舊~喺香港都唔算平呀~!
哈哈,小朋友不喜歡咸魚味,大人覺得佢香喎!
係呀~!