|
|
<<牛扒>>
月月已經面授咗一個星期有多喇~不過黃師奶呢幾日都係好忙..因為月月間學校話要鞏固返學習….即黎每周做2次評估…..唉….
近期買咗唔少牛扒~煎扒唔駛醃~一煎就得~真係方便我呢D懶媽~呵~~~
材料: 牛扒1塊
調味: 鹽及黑胡椒隨意, 迷迭香及牛油隨意
STEP 1
燒紅煎PAN, 大火煎每面約30秒, 再轉中火煎約分半鐘即成 (煎時下調味及牛油)
大家可以Click入 黃師奶廚藝小百科 facebook 粉絲專頁度交流吓吖~!!!
<<牛肉烏冬>>
話咁快月月個特別假期都叫做放完喇~佢學校安排咗初小下星期五先面授~初初幾日就ZOOM住先~停課咁耐..真係有D擔心會唔慣呀!~~~
今日來個母女餐~煮一碗烏冬一齊食~哈~~好頹~懶媽係咁~!
材料: 牛肉8-10片, 清湯2L, 烏冬3個
配菜: 粟米隨意(其實自己想加咩都得呢)
STEP 1
煮瀼上湯後放入烏冬及配菜煮熟盛起
STEP 2
拌入肥牛肉煮約1分鐘後盛起
STEP 3
拌入烏冬, 牛肉及配菜後注入滾湯即成
大家可以Click入 黃師奶廚藝小百科 facebook 粉絲專頁度交流吓吖~!!!
<<鮮蔬炒肥牛>>
尋日宣布咗初小應該5月頭就復課~咁即係過多一排~我個BLOG就唔駛不停生草…有返幾個鐘ME TIME整下嘢~哈哈哈~!
今日食得好簡單~買咗肥牛~加蘆筍炒~再用蒜茸調味~快靚正呀!~
材料: 封門柳1pack, 蘆筍隨意
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸約1湯匙及黑胡椒少許
STEP 1
牛肉跟醃料拌勻備用; 蘆筍略略刨去外層切小件
STEP 2
燒紅鑊後將牛炒至轉色
STEP 3
拌入蘆筍兜炒至8成熟後下調味再煮至熟透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<滷水牛筋牛面肉>>
“暑假"咁就開始咗…咁早放雖然話唔駛日ZOOM夜ZOOM輕鬆D~不過呢~變相之後要踩到年底先有長假放…有辣有唔辣喇~!
今日炆牛肉~有牛筋同牛面肉~用咗滷水包~~炆一大煲~之後用黎配麵食都好夾呀!~
材料: 急凍牛筋1磅, 牛面肉1磅, 汆水用嘅薑及蔥段適量
汁料: 滷水包1包, 醬油600ML, 水600ML, 冰糖少許
STEP 1
煲滾水後下少許薑及蔥段, 將牛筋和牛面肉汆水
STEP 2
將汁料煮至大滾後拌入牛筋牛面肉大火煮滾再細火炆煮30分鐘後焗30分鐘; 再重覆炆焗30分鐘;最後炆焗15分鐘~!
STEP3
放涼切小件即成
大家可以Click入 黃師奶廚藝小百科 facebook 粉絲專頁度交流吓吖~!!!
<<和牛>>
家下身邊越來越多人中招喇~感覺好快輪到自己咁…好似唔中係好彩…中係正常不過呢~!
近日個個都搶糧~有日行經超市唔夠人搶~不過見到和牛半價~咁就豪一豪啦~YUMMY YUMMY~!
材料: 和牛1塊
調味: 鹽及黑胡椒隨意, 迷迭香及牛油隨意
STEP 1
燒紅煎PAN, 大火煎每面約45秒即成 (煎時下調味及牛油)
大家可以Click入 黃師奶廚藝小百科 facebook 粉絲專頁度交流吓吖~!!!
<<上湯牛腩>>
今日已經係ZOOM第3日..日日由8點ZOOM到差不多1點…之後又要食飯…下午又要做好功課UPLOAD上網~搞到我都冇咩時間出去買餸呢~慘~!
買咗條大根返黎~天氣凍就整個上湯炆牛腩~D 蘿蔔好甜好女子味~~YUMMY YUMMY~!
材料: 牛坑腩約400G , 蘿蔔半個 , 上湯 2升, 八角一粒 , 花椒半茶匙
STEP 1
將蘿蔔去皮切角; 煲滾水後下少許薑及蔥段, 將牛坑腩汆水
STEP 2
將牛坑腩略略煎香 ; 拌入花椒八角及上湯
STEP 3
細火炆煮約30分鐘後熄火焗30分鐘; 重複
STEP 4
拌入蘿蔔再細火炆煮約30分鐘後熄火焗30分鐘後即成
大家可以Click入 黃師奶廚藝小百科 facebook 粉絲專頁度交流吓吖~!!!
<<煎牛扒>>
剛剛新聞宣布幼稚園同小學周五開始停課喇~今次一停~又唔知會停幾耐喇…唸住可以好好哋返半日都好吖~等月月學下群體生活~誰不知又要ZOOM ZOOM ZOOM了…..
有人話想食牛扒~咁就去買咗塊肉眼喇~味道唔錯~煎一煎食得~快靚正呀!~!
材料: 牛扒 2塊
調味: 鹽及黑胡椒隨意, 迷迭香及牛油隨意
STEP 1
將牛扒解凍後抺乾水份, 煎前30分鐘放室溫
STEP 2
燒紅煎PAN, 大火煎每面約30秒再轉中火煎約1分鐘即成 (煎時下調味及牛油)
大家可以Click入 黃師奶廚藝小百科 facebook 粉絲專頁度交流吓吖~!!!
<<雙蔬牛肉卷>>
工展會就開鑼~黃師奶就冇去喇…不過日日接放學時…D交通塞得好勁呀….D阿豬媽仲要推住架戰車係咁迫上車….好彩就快放聖誕假~唔係咁真係人都DIN呀!~
今日整牛肉卷~用咗月月蘆筍同紅蘿蔔~包好牛肉就煎得~!煮完個汁都好好送飯架~!
材料: 肥牛約10片, 蘆筍同紅蘿蔔適量
醃料: 油及糖少許, 生粉約2茶匙, 生抽約1湯匙, 胡椒粉少許, 薑汁隨意
汁料: 日式醬油約2湯匙, 味醂約1湯匙, 料理酒約2湯匙, 水, 糖少許
STEP 1
牛肉跟醃料拌勻備用; 菜蔬洗淨, 紅蘿蔔煮至半熟
STEP 2
將牛肉同菜蔬包好
STEP 3
將牛肉卷切香(先煎封開口)至金黃後注入醬汁煮透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<萵筍什菇炒牛肉>>
呢幾日新聞成日講omicron 病毒…感覺來勢洶洶~如果有咩事一爆~又好似要去返上年咁….呢種病毒真係沒完沒了….完全唔知點收科咁….
喺超市買咗萵筍~咁家中有菇菌同牛肉~懶人上身就炒埋一碟~加少少辣椒蒜茸~味道唔錯架~!
材料: 肥牛400g, 萵筍及菇菌隨意, 辣椒少量
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸約1湯匙
STEP 1
牛肉跟醃料拌勻備用; 菇菌用布清潔乾淨
STEP 2
燒紅鑊後爆香菇菌再拌入牛炒至轉色
STEP 3
拌入萵筍兜炒至8成熟後下調味辣椒再煮至熟透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<咖哩牛肮腩>>
又上返黎除草~吖~最近真係好忙呀!~月月學校開始過咗HONEYMOON…每個星期都有好多嘢做呀…放學後就忙到甩轆咁…佢返學嗰陣我又要執屋煮飯~真係好掛住幼稚園生活呢~!
送完月月返學~就晨早開始炆牛腩~一早炆定夜晚先食~又香又入味呢~!
材料: 牛肮腩600g, 薯仔2個 , 洋蔥 一個, 乾蔥茸一湯匙, 辣椒油隨意
醬汁: 油咖哩三湯匙, 沙嗲醬1.5湯匙, 黃薑粉少許
STEP 1
牛肮腩先出水去減啲油
STEP 2
洋蔥去衣後切角備用~薯仔去皮洗淨切大件
STEP 3
將牛肮腩同薯仔略略煎香~再爆香洋蔥後盛起
STEP 4
慢火將油咖哩~同沙嗲醬炒香~!拌入洋蔥~乾蔥茸及黃薑粉~炒香下牛肮腩兜炒片刻~
STEP 5
加水蓋過所有材料後用炆焗方法大火煮滾轉細火炆煮約30分鐘後熄火焗30分鐘~!再重覆~~!.
STEP 6
最後拌入薯仔炆多15分鐘焗多15分鐘~加上辣椒油同鹽調味~打個生粉水~煮至汁稠即成~!
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響