黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

蕃薯糖水

20170203糖水
<<蕃薯糖水>>
今日聽到前特首判刑~都要坐成20個月~成70多歲人先搞單咁嘅嘢~真係都幾慘咁~一個人真係一日未埋單都唔知自己人生係咪過得好呢~!

天氣凍凍哋~煲下糖水熱辣辣咁食返碗唔錯架~黃師奶就鍾意落勁多薑架~一來暖身D~二來覺得薑味夠勁先好食呢~!

蕃薯糖水材料: 蕃薯兩個, 薑片四小片(我落咗好多架~) , 片糖一塊半, 水大半煲

STEP 1
蕃薯先去皮切大件, 再用清水浸約半小時備用 (浸咗水先煲就唔會變深色)

STEP 2
煲滾水後加入蕃薯煲約二十分鐘至腍, 再下片糖調味~煮滾即成!!

 

大家可以Click入 黃師奶廚藝小百科 facebook 粉絲專頁度交流吓吖~!!!

瑪德蓮蛋糕

IMG_2528
<<瑪德蓮蛋糕>>
今日又暖咗好多喎~不過又未到成身汗嘅~12月都仲係呢個天氣~真係呢….希望快D就KEEP 住凍喇~就黎聖誕節~想有D氣氛呢~!

最近買咗唔少BB食得嘅無鋁蛋糕粉~哈~咁就可以得閒整俾囡囡食喇~囡囡都幾鍾意食架~黃師奶成日煩囡囡食D乜好…點解?!之唔係一個愛煮嘅媽媽生咗個唔愛食嘅囡囡囉~!

材料(約 8 個份量)
瑪德蓮蛋糕粉 100g, 蛋 一隻,  無鹽牛油溶液 50g|

STEP 1
在碗中加入蛋及蛋糕粉,用打蛋器拌勻

STEP 2
把溶化的牛油逐少加入混和

STEP 3
用牛油塗抹蛋糕模, 加入粉漿 (預熱焗烅180度15分鐘)

STEP 4
用 170 度焗爐焗約 15 分鐘即成 (我用V仔焗~好方便~~~呵呵~~~~)

大家可以Click入 黃師奶廚藝小百科 facebook 粉絲專頁度交流吓吖~!!!

牛油蛋糕

20160708CAKE
<<牛油蛋糕>>
中秋節大家有冇節目呀?今日聽電台講好似會打風喎~不過八號就冇咩機會喇~中秋先黎打風~唉~仲唸住嗰晚同囡囡落公園睇燈籠~睇黎呢個節目要告吹LU~

好耐冇焗蛋糕仔喇~冇計啦~湊住囡囡實在太忙~好難抽到空整呢~不過遲下應該會整得多返~因為囡囡開始大~都會俾麵包蛋糕佢食呢~但係就梗係要減糖份量啦~呵呵~!

材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g

STEP 1
將低筋粉, 泡打粉及粘米粉過篩3次

STEP 2
焗爐預熱180度10分鐘

STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)

STEP 4
將麵糊倒入容器內以180度焗約30分鐘至熟透即可

 

大家可以Click入 黃師奶廚藝小百科 facebook 粉絲專頁度交流吓吖~!!!

小魚窩夫

IMG_3278
<<小魚窩夫>>
上星期終於幫囡囡拎咗PASSPORT喇~!嘩~~去到入境處~黃師奶真係以為自己返咗大陸…8成都係腥港人…搞咩單程証~回鄉証嗰D…仲有好多老夫少妻咁…佢哋D老公做得我老豆………….

嘩哈哈哈~囡囡夠一歲~黃師奶煮飯仔呢~都係冇俾任何調味架~不過開始大~就會整下D餅仔蛋糕仔俾隻衰豬仔呢~當然啦~甜味就會減返D~今次呢個小食~囡囡都好鍾意食~食咗半條架~爽~!

材料: 麵粉130G, 泡打粉約10G, 大蛋一隻,原蔗糖20G, 椰油45G, 牛奶170G

STEP 1
將粉類材料過篩3次

STEP 2
將所有材料用攪拌器拌勻至冇粉粒狀

STEP 3
放入焗PAN焗約5-8分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

牛油蛋糕

m23jun06
<<牛油蛋糕>>
呢幾日天氣真係暖咗好多呀~!睇黎冬天已經拜拜架喇~今日黃師奶都叫做執咗一大半冬天衫~!拎落去乾洗完就可以PACK埋LU~!年年都最怕呢個時候~因為成屋衫~又要洗~又要PACK~好煩呢~!

今日來一客甜點~!呢次唔係整CUPCAKE~哈~整咗個方形蛋糕~焗咗大約10分鐘到~就界一刀~咁就爆咗口~哈~幾靚仔架~!大家可以一試喔~!

材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g, 牛油味香劑1茶匙

STEP 1
將低筋粉, 泡打粉及粘米粉過篩3次

STEP 2
焗爐預熱180度10分鐘

STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)

STEP 4
將麵糊倒入容器內以180度焗約30分鐘至熟透即可

 

大家可以Click入 黃師奶廚藝小百科 facebook 粉絲專頁度交流吓吖~!!!

燉蛋

20160219燉蛋
<<燉蛋>>
又到星期一LU~以前返工返學最憎星期一~因為又要捱一個星期先有假放~家下湊女又係最唔鍾意星期一!~因為又要捱五日~先等到黃先生放假陪下我哋2個~

今日係元宵節~黃師奶就POST 個甜品出黎~希望大家甜甜蜜蜜~黃師奶亦希望囡囡同黃先生都團團圓圓~!開開心心啦~呢個燉蛋做法好簡單~材料方便~大家不妨試下呢~!

材料:  蛋3隻, 盒仔奶一盒, 糖4-5匙( 不太甜版)

STEP 1
先將碟蒸熱至水滾

STEP 2
蛋, 糖及盒仔奶拌勻

STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

椰香麵包布丁

20151227包包布丁
<<椰香麵包布丁>>
自從黃小B出世後~黃師奶冇同佢分開過~日日落街買餸行公園~哈~街市看更唔少人都睇住囡囡大架~!個個都話時間過得好快~咁快就半年~哈~我話唔係你哋湊就緊係快啦~我日日對住又唔覺黃小B大得快喎~!!!

呢期聖誕新年~黃師奶相信大家都有唔少PARTY飯局呢~!吖~今日就出返個PARTY甜品應下節~!整咗個麵包布丁~簡單到唔簡單~!!今次黃師奶加咗椰油呀~!點解?!之唔係D牛油用哂囉~!不過焗出黎有椰香味~唔錯架~大家可以一試喔~!

材料: 麵包4片(切丁), 紅莓乾隨意, 牛奶200ML, 淡忌廉100ML, 椰油20ML, 糖50-60G, 雞蛋3隻

STEP 1
雞蛋拌勻後拌入牛奶, 淡忌廉, 糖及椰油

STEP 2
預熱焗爐約190-200度

STEP 3
將麵包跟STEP 1的汁液拌勻, 麵包要完全吸收汁液

STEP 4
將沾上汁液嘅麵包放入焗盆上再拌入乾果~!焗約30-40分鐘即成 (人人爐火唔同~小心喔)

大家可以Click入 黃師奶廚藝小百科 facebook 粉絲專頁度交流吓吖~!!!

提子蛋糕

20141007糕糕
<<提子蛋糕>>
尋晚黃小B又做咗曳曳豬喇~條友仔瞓下扭下~!黃師奶同佢搏鬥咗2個鐘~!最終先收服咗隻豬仔呀!~~~家下D BB 仔真係精力無限呀!~~半夜三更唔駛瞓~仲精神過你咁~!真係好想一槌扑濕佢呀~~

今日又POST 返個甜點呢~簡單又好味~焗起時又香喎!~用黎做TEA 同早點都得架~!又或者聖誕PARTY 用黎招呼朋友仔都唔失禮呢~呵呵~~~

材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g, 提子隨意

STEP 1
將低筋粉, 泡打粉及粘米粉過篩3次

STEP 2
焗爐預熱180度10分鐘

STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)

STEP 4
將麵糊倒入容器內再拌入提子以180度焗約30分鐘至熟透即可

大家可以Click入 黃師奶廚藝小百科 facebook 粉絲專頁度交流吓吖~!!!

冬瓜露

20150622冬瓜露
<<冬瓜露>>
冇啦啦一號風球~仲要吹到冇雷公咁遠~不過落咗幾日雨~即時涼返好多呢~!舒服唔少喔~!不過放假先黎落雨~相信唔少打工仔都幾沒趣~不過黃師奶呢就鍾意落雨天~因為咁熱好辛苦呀!~~~~~

呢2個星期實在太熱喇~見黃先生有時返到家都話熱~咁黃師奶就煲咗冬瓜露放雪櫃~咁有時喺家飲吓~消下暑唔錯架~~呢個冬瓜露做法好簡單~天時暑熱~大家不妨試下呢~!

材料: 冬瓜2斤, 開水6杯, 片糖隨意

STEP 1
將冬瓜去皮切件

STEP 2
煲滾水後拌入冬瓜細火煮約2小時, 之後將冬瓜盛起再打成茸

STEP 3
將冬瓜茸再拌入STEP 2煮好嘅冬瓜水中, 拌勻後下糖調味再雪凍即成

大家可以Click入 黃師奶廚藝小百科 facebook 粉絲專頁度交流吓吖~!!!

芝士蛋糕

20150519芝士餅
<<芝士蛋糕>>
嘩~熱到溶呀真係~~喺屋企唔郁都覺得熱呀!~~呢個天氣真係出一出街變水人~大家真係要小心身體~提防中暑呀~~黃師奶都真係頂唔順呢個天氣喇~不過又冇理由冷氣長開~好驚爆炸呀!~所以好多時都去咗樓下商場CLUB HOUSE到過日晨~~WELL…好阿婆咁…

今日出返個甜品先~黃先生愛食厚實實嘅芝士蛋糕~呵~今日黃師奶就整咗俾佢喇~焗嗰時就坐住水黎焗~咁個蛋糕面就唔會爆開~焗得都好靚仔架~自己整糖份可以調節吓~!冇咁HEAVY~呵呵呵~~

材料: CREAM CHEESE 250G , 砂糖70G , 雞蛋2隻, 粟粉15G , 檸檬汁少許, 牛奶80G , LUM酒一茶匙 (全部材料要室溫)
餅底: 消化餅碎100G , 牛油溶液50G

STEP 1
將消化餅碎跟牛油溶液拌勻, 鋪在蛋糕模底部再放入雪櫃備用

STEP 2
預熱焗爐160度15分鐘

STEP 3
將CREAM CHEESE跟砂糖用電動打蛋器攪拌至混合滑身; 再慢慢加入雞蛋液再完全拌勻

STEP 4
再分次加入檸檬汁, 粟粉, 牛奶及LUM酒~每次加入後都需要將蛋糕漿拌勻

STEP 5
將STEP 4蛋糕漿倒入模中, 再坐熱水放入焗爐焗一小時即可 (如果想個面燶D, 就最後10分鐘較到個焗爐180度啦)

大家可以Click入 黃師奶廚藝小百科 facebook 粉絲專頁度交流吓吖~!!!