黃師奶廚藝小百科

<<豉汁蒸排骨>>
月月終於考完試…呢幾日卷都派埋~所以家下黃師奶得閒上黎除草~!

今日整排骨~加咗少少辣椒~好惹味呢~!

材料: 排骨500g , 生粉一茶匙及麻油適量,
排骨醃料: 生抽一湯匙, 老抽少許, 糖一茶匙, 胡椒粉少許
調味: 蒜頭豆豉椒絲約一湯匙

STEP 1
排骨洗淨後與醃料醃約二十分鐘再拌入調味醃一會 ; 煮前再將醃好嘅排骨與少許麻油及生粉拌勻~~

STEP 2
煲滾水後將所有材料及調味放於碟上再大火隔水蒸約12-15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<椒鹽豬柳>>
送咗隻衰豬返學喇~咁又返返去正常日子~有返一至五早上嘅me time~不過冇咗隻衰豬喺身邉不停煩住自己~又好唔慣咁~!

今日整豬柳~加咗椒鹽~辣椒咁~辣辣哋~惹味d呢~!

材料: 豬柳約1磅
醃料: 生抽1湯匙, 糖2茶匙, 油及生粉少許, 薑汁少許, 蛋白1隻
調味: 椒鹽隨意, 蒜茸椒絲隨意

STEP 1
將豬柳淨後, 跟醃料醃最少1小時

STEP 2
慢火將豬柳煎香至金黃後下調味炒透即成

大家可以Click入 黃師奶廚藝小百科 facebook 粉絲專頁度交流吓吖~!!!

<<沙嗲豬肋條>>
話咁快又到星期三~月月明天原本學校旅行…疫情下就改咗…留校活動教學~變上放早咗~1130就放學~哈~之後星期五佢學校假期~連放3日~真係好HAPPY~!

今日炆豬肉~揀咗豬肋條黎炆~貪佢肥肥哋咁炆起上黎好味D~又冇咁易老火~~味道唔錯架~!

材料: 豬肋條約400G, 紹酒小半碗, 洋蔥1個(去衣切絲), 薯仔2個, 紅蘿蔔1條
醃料: 生抽1湯匙, 糖2茶匙, 油及生粉少許, 胡椒粉少許
調味: 沙嗲醬約2湯匙

STEP 1
豬肋條洗淨後與醃料醃約二十分鐘; 薯仔及紅蘿蔔去皮切件

STEP 2
燒紅鑊後爆香洋蔥, 將豬肋條煎至金黃盛起

STEP 3
炒香調味將豬肉回鑊, 拌入薯仔及紅蘿蔔後下調味後灒酒煮透炆煮約20分鐘再焗一會即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

<<BBQ醬焗豬扒>>
個BLOG又生草~冇計啦~暑假已經過到最後1星期~呢排望住同月月買書買校服同開學用品咁~行出行入~到下星期呢…又開始接出接入….頭都暈呀!~

買咗PACK鹿兒島豬扒~個樣好靚仔~肥瘦適中~今日醃好再加BBQ醬焗~味道都好好呀!~

材料: 豬梅扒2塊
醃料: 油及糖少許, 生粉1茶匙, 生抽約1湯匙, 胡椒粉少許
調味: BBQ醬及蜜糖隨意

STEP 1
豬肉跟醃料拌勻備用

STEP 2
預熱焗爐200度15分鐘~~焗豬扒約20分鐘即成(自己留意爐火喔!)~!~!!

大家可以Click入 黃師奶廚藝小百科 facebook 粉絲專頁度交流吓吖~!!!

<<韓式豬肉片>>
最近煩完月月讀小學~又開始要煩娘家事~父親年紀大..身體差…剛確診老人痴呆..有時覺得人太長壽真係唔係一件好事…唔知大家明唔明我咩意思..唏噓~

今次搞搞新意思~加咗韓式醬料炒豬肉~香香辣辣咁~味道唔錯呢~!

材料: 豬腩肉片約1磅, 直菇1包 (搣成小片), 洋蔥半個(去衣切絲)
醃料: 油及糖少許, 生粉1茶匙, 生抽約2湯匙, 胡椒粉少許
調味: 韓式辣椒醬適量

STEP 1
豬肉跟醃料拌勻備用

STEP 2
燒紅鑊後爆香洋蔥直菇再將下豬肉炒至轉色

STEP 3
炒至8成熟後下調味再煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!