|
|
<<油雞>>
呢幾日好唔真實…原本月月今日要做個小手術…為咗成功出城入院..我哋2母女尋日五點幾就出門口..點知..最後大學嗰邊派唔到人黎所以取消咗…折騰咗成日..發夢一樣….
整咗半邊雞~想隻雞滑一滑~就浸熟隻雞~滑過蒸雞架~!大家可以試下呢~!
材料: 雞半隻 , 薑3片 , 蔥段隨意, 冰糖一粒, 陳皮一小塊
醬汁: 生抽1/2杯, 老抽1/4杯, 開水約1杯 , 紹酒1大匙
STEP 1
將雞清洗乾淨
STEP 2
爆香薑片/蔥段; 下醬汁材料煮滾再放冰糖及陳皮
STEP 3
拌入雞用中大火煮約5分鐘後熄火 (不要開蓋) 再浸至熟斬件即成
大家可以Click入 黃師奶廚藝小百科 facebook 粉絲專頁度交流吓吖~!!!
<<咖哩雞>>
今日月月學校假期~所以呢~一早返咗去娘家~對住個不停單單打打嘅阿媽~真係好討厭….三個女之間不停講是講非~真係要好好提醒自己老咗唔好變到咁~搞到D仔女個個怕咗自己~
食咖哩好送飯~今日煮咗個辣版~月月有得睇~冇得食~呵呵呵~!
材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許
STEP 1
雞件跟醃料拌勻醃約2小時備用
STEP 2
洋蔥去衣後切角備用~薯仔去皮洗淨切大件
STEP 3|
雞件同薯仔略略煎香~再爆香洋蔥後盛起
STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻
STEP 5
加水蓋過所有材料後用炆煮約半小時用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<煎雞翼>>
家下一早一晚天氣涼咗唔少喇~叫月月著返件外套先返學啦~佢就扭計話唔著….記得K1時佢就扭唔可以除佢件外套…到K2呢..就扭唔著外套…點解D小朋友有啲咁無謂嘅堅持架!?!?
今日又來煎雞翼~煎到金黃用D蒜茸兜一兜就得~簡單~不過大小朋友都鍾意食呢~!
材料: 雞翼12-15隻
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
調味: 蒜茸約1湯匙
STEP 1
雞翼洗淨後與醃料醃約三十分鐘
STEP 2
將雞翼煎至金黃後下蒜茸
STEP 3
灒酒炒透至收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
<<栗子炆雞>>
呢幾日天氣乾爽咗好多~可以同月月出去公園玩多D~唔駛下下留喺室內~家下都十月尾~應該可以同做水人嘅日子講BYEBYE~!
天氣乾爽咗~又係時候食下栗子~今次用黎炆雞~味道唔錯~大家又鍾唔鍾意食呢?!
材料: 雞1隻 , 去皮栗子10-15粒 薑2片, 紹酒小半碗
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
調味: 蠔油約2湯匙
STEP 1
雞與醃料拌勻醃4小時
STEP 2
爆香薑~拌入雞煎香至金黃
STEP 3
再拌入栗子炒香後灒酒
STEP 4
加入調味後拌勻1加水蓋過所有材料後煮滾轉細火炆煮約20分鐘至收汁 (可加生粉水埋芡) 即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<日式咖喱雞飯>>
今個星期又過咗一半~家下返學日子過得特別快架~真係好懷念之前暑假日日好寫意咁過日子呢~唉…..
大家鍾意食日式咖哩嘛?味道唔太辣~用黎撈飯食都好好味架~大家可以一試~!
材料: 雞脾肉2塊 , 日式咖喱磚一盒 (水份跟指示用咗6杯)
配菜: 薯仔2個, 紅蘿蔔1條, 洋蔥1個 <=(全部去皮去衣切件)
醃料: 鹽及檸檬汁少許
STEP 1
雞肉跟醃料拌勻醃約30分鐘備用
STEP 2
爆香洋蔥後拌入雞件煎香
STEP 3
拌入薯仔及紅蘿蔔後下咖喱磚再加水煮滾; 炆煮約20分鐘至收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
<<香菇蒸雞>>
今日同月月射波…呢幾日冇地鉄~我哋都冇出城…尋晚都估到今日都冇地鉄架喇…猜到實交通大混亂~所以就逃學算~如果呢幾日都唔開~唯有行一個站再搭車~不過…月月行路烏龜咁…都要預早好多出門..
屋企點都有冬菇~用黎煲湯蒸餸好方便~今晚蒸雞時加d~簡單家常菜~!
材料: 雞半隻(斬件) ,冬菇隨意
雞醃料: 生抽約2湯匙, 老抽少許, 糖1茶匙, 胡椒粉少許, 生粉1茶匙及麻油適量
STEP 1
雞肉跟醃料醃約4小時備用; 冬菇浸軟去蒂切絲
STEP 2
將所有材料鋪平於碟上, 煲滾水後大火隔水蒸20-25分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
<<滑蛋雞飯>>
十一就完咗喇~呢幾日D新聞已經睇到唔想睇…屋企樓下個商場有唔少美心集團…360..全部俾人扑爛哂…地鉄入閘又要排長龍….月月見到就不停問點解~我都唔知點解佢聽喇….
今日來客親子井~有雞有洋蔥有蛋~送飯好好~最啱有小朋友的家庭呢~!
材料: 雞脾扒2塊(切丁), 蛋2隻(打散發勻), 洋蔥1個(去衣切絲)
醃料: 鹽少許
汁料: 日式醬油約2湯匙, 料理約2湯匙, 味醂約1湯匙, 水小半碗, 蒜茸及糖少許(拌勻)
STEP 1
將雞肉跟醃料拌勻醃約2小時備用
STEP 2
爆香洋蔥後拌入雞肉煎至金黃
STEP 2
注入汁料後煮透再分2次注入蛋液滾起, 淋上白飯即成
大家可以Click入 黃師奶廚藝小百科 facebook 粉絲專頁度交流吓吖~!!!
<<瑞士雞翼>>
今日七點林郊鄭對話會…哈~由於月月學校喺灣仔區~學校都好緊張~下午班今日就停課~我哋上午班呢~就冇咩嘢嘅~係走時怕已經交通問題會塞~不過SO FAR 好暢順呢~!
家下鮮肉貴~買多咗雞翼喺家看門口~今日用瑞士汁煮~好簡單~下午整好晚上食~好入味呢~!
材料: 雞翼10隻
雞翼醃料: 鹽及檸檬汁少許
汁料: 瑞士汁2碗 , 清水1碗, 薑2片 , 八角1片, 冰糖1小塊
STEP 1
將雞翼同醃料拌勻醃約2小時備用
STEP 2
將汁料煮至大滾後拌入雞翼大火煮約3-4分鐘後熄火焗10分鐘至浸熟即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<氣炸鍋 – 雞脾>>
呢2日唔知食錯咗D乜..搞到係咁拉肚子…喇叭牌都食咗幾次~仲係未痾清…食錯嘢…除咗等佢痾清~都冇乜得搞….
今次呢個可以當TEA食~哈~如果我日日整隻雞脾俾月月咁做TEA~佢一定好快變咗做豬仔~所以呢~邪惡食物間唔時食下就好喇~
材料: 雞脾2件
雞肉醃料: 生抽約2湯匙 , 糖及薑茸一茶匙 , 胡椒粉少許, 麻油及生粉少許
STEP 1
雞與醃料拌勻醃1小時
STEP 2
放入氣炸鍋用200度火煮約20分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<南乳雞翼>>
又到星期一~放完三日假~今日真係唔想返學呀!~月月呢個假期唔小心整親個咀仔~今日一返學~個個都問佢做咩呢~哈~佢家下個咀瘀咗…紫紫哋好似中毒咁~好搞笑~!
雞翼真係點整都咁好味~今日用咗南乳醃~冇氣炸呀!~放入焗爐就得~好好味~月月食咗4隻架~哈~~
材料: 雞翼十隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)
STEP 1
將雞翼洗淨後, 跟醃料醃最少4小時
STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響