|
|
<<蘑菇湯>>
呢幾日真係好熱呀!~喺街到企一陣~都覺得好辛苦呢…仲要時不時落下大驟雨咁….一落完雨又再曬一曬….又濕又焗呀!~
煲咗個蘑菇湯~~炒香啲蘑菇~加個上菇滾透再打滑就得~好方便~~~唔錯架~!
材料: 白及啡蘑菇約20隻 , 牛油2大匙 , 上湯1升, 忌廉100ml
調味: 鹽隨意
STEP 1
將啡蘑菇清潔乾淨後切小片
STEP 2
煮溶少少牛油後拌入啡蘑菇炒香; 注入上湯煮滾
STEP 3
盛起蘑菇 ( 將約小半碗蘑菇留起), 其餘用攪拌器打成茸再拌入上湯中
STEP 4
將蘑菇茸及蘑菇粒跟上湯再次煮滾後注入忌廉拌勻再調味即成
大家可以Click入 黃師奶廚藝小百科 facebook 粉絲專頁度交流吓吖~!!!
<<龍蝦湯>>
呢個湯….大大話話5年冇煲過…因為太多步驟~仲要買材料拎餐死….不過前幾日黃先生生日…佢發過噏風話我好耐冇煲…咁就即煲啦~~
今次我買咗3隻龍蝦煲~好鮮甜~嗱~唔係大大隻嗰D呀!~不過又唔係細細隻~中碼啦~太大用黎煲湯好嘥~太細又落3隻又太少~哈~
材料: 龍蝦3隻, 西芹兩大條, 紅蘿蔔一條, 薯仔兩個, 洋蔥兩個, 蕃茄三個, 茄膏兩湯匙~百里香少少(自己鍾意用乜就用乜啦~)~魚湯六杯+清水兩杯
STEP 1
龍蝦先放尿~斬件起肉~~~再用180度焗爐焗45分鐘至香香~~
STEP 2
洋蔥去皮切絲~薯仔/紅蘿蔔/西芹/蕃茄去皮後切丁~
STEP 3
煮溶少少牛油後爆香洋蔥~加入茄膏兜勻~再拌入薯仔/紅蘿蔔/西芹/蕃茄炒香~最後放入已焗好嘅龍蝦~炒香~加入香草~~
STEP 4
再注入魚湯+水 ~~大火煮滾後再小火煲最少3個小時 ~(煲好d變咗龍蝦上湯)
STEP 5
隔去龍蝦殼~將蔬菜類食材用攪拌器打爛~~再加入適量龍蝦上湯煮至合適濃度
STEP 6
燒紅鑊後爆香少少蒜茸~拌入龍蝦肉~炒透~加入湯中煮滾即食~!!
大家可以Click入 黃師奶廚藝小百科 facebook 粉絲專頁度交流吓吖~!!!
<<忌廉蘑菇湯>>
話咁快一年4日假期又完咗喇~哈~不過打工仔捱多3日又放3日都唔錯吖~今日呢?!黃先生就下午放假同我哋2母女出去食buffet~呵~阿女第一次食buffet~希望佢一陣唔好扭計啦~!
哈~呢期聖誕佳節~就梗係煮西餐多過中菜啦~今日來一客西湯先~個湯用蘑菇打茸~再加埋忌廉~真係又香又湯喔~!做法又簡單~大家可以一試~!
材料: 蘑菇約15隻 , 洋蔥1個, 牛油2大匙 , 上湯1升, 忌廉200ml
調味: 鹽隨意
STEP 1
將啡蘑菇清潔乾淨後切小片; 洋蔥去衣後切碎
STEP 2
煮溶少少牛油後拌入洋蔥/蘑菇炒香; 注入上湯煮滾
STEP 3
盛起蘑菇 ( 將約小半碗蘑菇留起), 其餘用攪拌器打成茸再拌入上湯中
STEP 4
將蘑菇茸及蘑菇粒跟上湯再次煮滾後注入忌廉拌勻再調味即成
大家可以Click入 黃師奶廚藝小百科 facebook 粉絲專頁度交流吓吖~!!!
<<冬瓜露>>
冇啦啦一號風球~仲要吹到冇雷公咁遠~不過落咗幾日雨~即時涼返好多呢~!舒服唔少喔~!不過放假先黎落雨~相信唔少打工仔都幾沒趣~不過黃師奶呢就鍾意落雨天~因為咁熱好辛苦呀!~~~~~
呢2個星期實在太熱喇~見黃先生有時返到家都話熱~咁黃師奶就煲咗冬瓜露放雪櫃~咁有時喺家飲吓~消下暑唔錯架~~呢個冬瓜露做法好簡單~天時暑熱~大家不妨試下呢~!
材料: 冬瓜2斤, 開水6杯, 片糖隨意
STEP 1
將冬瓜去皮切件
STEP 2
煲滾水後拌入冬瓜細火煮約2小時, 之後將冬瓜盛起再打成茸
STEP 3
將冬瓜茸再拌入STEP 2煮好嘅冬瓜水中, 拌勻後下糖調味再雪凍即成
大家可以Click入 黃師奶廚藝小百科 facebook 粉絲專頁度交流吓吖~!!!
<<冬蔭公湯>>
沙華dee卡~今日來個冬蔭公湯~黃先生一路飲一路讚~哈~~其實黃師奶就麻麻哋冬蔭公~因為頂唔順太多香料~不過黃先生鍾意就冇計啦~!喺超市買咗pack冬蔭公醬~預備埋其他材料就得~呢個係簡單版~下次出返個勁多海鮮版~!
嗱~黃師奶用咗上湯關係~冇再用大蝦黎煲個湯~如果大家有budget~買d大蝦去殼~用d蝦殼同蝦頭煲返個上湯啦~咁就好好味架喇~個湯係2人份量~!簡單又方便~!
材料: 70g冬蔭公湯醬 , 500ml 上湯, 香茅2條 , 乾蔥2顆 , 檸檬葉少許, 辣椒6隻切絲 (3隻綠/3隻紅), 南薑5-6片, 蘑菇150g, 蝦(留尾)隨意. 蕃茄一個
調味: 魚露/一個青檸(揸汁) 隨意
STEP 1
將香茅及南薑略拍~乾蔥去衣切小片; 蕃茄切細件
STEP 2
爆香料頭~放入蘑菇炒香~拌入冬蔭公湯醬兜勻後注入上湯及其他材料(除蝦跟檸檬葉)~滾約20分鐘
STEP 3
落蝦肉煮至熟透後調味~拌入搣碎檸檬葉再焗片刻即成
大家可以Click入 黃師奶廚藝小百科 facebook 粉絲專頁度交流吓吖~!!!
<<海鮮湯>>
嘩~今日好似變咗回南天咁~一起身~又來一招伸手不見五指~望出窗外~白濛濛一片~~有下以為自己升咗仙嘅感覺呢~呵呵~天文台話今晚返凍~咁都好D~黃師奶好怕潮濕呀~唔好咁早回南呀~~~~~
之前黃師奶介紹咗大家煮呢個龍蝦湯 ~咁個龍蝦湯呢~黃師奶煲咗一大煲~咁就梗係食得唔好嘥啦~黃師奶將個龍蝦湯煮滾~再放咗D蜆入去煮~咁就好鮮甜~~好好味呢~呵呵呵~
材料: 蜆隨意 (先清潔乾淨)
湯: 龍蝦湯
STEP 1
先將 龍蝦湯 煮滾; 再拌入蜆煮至大滾拌勻即成
大家可以Click入 黃師奶廚藝小百科 facebook 粉絲專頁度交流吓吖~!!!
<<特濃蘑菇湯>>
話咁快就完咗新年LU~相信大家都過咗一個開心嘅新年呢~~今日打工仔應該好唔願意起床返工~呵~不過都正常啦~HEA咗咁多日~要捱多個幾月先有農曆新年長假期呢~~
今次呢個湯~黃先生超鍾意飲~一路飲一路讚~佢話好香好濃~呵呵~讚到黃師奶幾咁開心呢~~其實個湯好易煲架咋~加多D蘑菇就自然夠香夠濃~再加再CREAM~~想唔滑都唔得~呵~
材料: 啡蘑菇約15隻 , 牛油2大匙 , 上湯1升, 忌廉200ml
調味: 鹽隨意
STEP 1
將啡蘑菇清潔乾淨後切小片
STEP 2
煮溶少少牛油後拌入啡蘑菇炒香; 注入上湯煮滾
STEP 3
盛起啡蘑菇 ( 將約小半碗啡蘑菇留起), 其餘用攪拌器打成茸再拌入上湯中
STEP 4
將啡蘑菇茸及啡蘑菇粒跟上湯再次煮滾後注入忌廉拌勻再調味即成
大家可以Click入 黃師奶廚藝小百科 facebook 粉絲專頁度交流吓吖~!!!
<<龍蝦湯>>
聖誕節就完咗喇~呵~今日黃師奶又上返黎除下草先~!今年聖誕節黃師奶冇出去玩呀!~喺企過咋~~做咗宅女呢~唔知道大家又點過呢? 星期三就除夕喇~呵~咁快又完咗一年~打工仔捱多3日又放日假~真係爽~!
嗱~今年聖誕冇出去~喺家煲咗個龍蝦湯~喺企食都可以食得好味架~唔一定出街食先得~呢個湯唔難煲架~係多少少功夫~黃先生好鍾意飲架~所以過時過節D特別日子黃師奶都會煲下~呵~大家可以喺除夕試下煲呢~呵~~~
材料: 龍蝦2隻, 西芹兩大條, 紅蘿蔔一條, 薯仔兩個, 洋蔥兩個, 蕃茄三個, 茄膏兩湯匙~百里香少少(自己鍾意用乜就用乜啦~)~魚湯六杯+清水兩杯
STEP 1
龍蝦先放尿~斬件起肉~~~再用180度焗爐焗45分鐘至香香~~
STEP 2
洋蔥去皮切絲~薯仔/紅蘿蔔/西芹/蕃茄去皮後切丁~
STEP 3
煮溶少少牛油後爆香洋蔥~加入茄膏兜勻~再拌入薯仔/紅蘿蔔/西芹/蕃茄炒香~最後放入已焗好嘅龍蝦~炒香~加入香草~~
STEP 4
再注入魚湯+水 ~~大火煮滾後再小火煲最少3個小時 ~(煲好d變咗龍蝦上湯)
STEP 5
隔去龍蝦殼~將蔬菜類食材用攪拌器打爛~~再加入適量龍蝦上湯煮至合適濃度
STEP 6
燒紅鑊後爆香少少蒜茸~拌入龍蝦肉~炒透~加入湯中煮滾即食~!!
大家可以Click入 黃師奶廚藝小百科 facebook 粉絲專頁度交流吓吖~!!!
<<雪梨雪耳雞蛋茶>>
呢幾日警察係咁拆路障?!一路拆~一路起~呢單佔中真係沒完沒了~唔知會搞幾耐呢~?!唔少鋪頭都話捱唔住會結業~黃師奶乜都唔識~不過都感受到佔中帶黎嘅影響喇~地鉄多人咗~!啲路塞咗~~咁搞真係頭都暈~!
呢排天氣真係變得好乾燥呀~~點都要潤返下~今日黃師奶就煲咗個雪梨雪耳雞蛋茶喇~黃先生話好好味呀!~哈~聽到佢咁講~黃師奶唔駛飲都潤哂喇~~呵呵呵~~~
材料: 雪梨2個 , 雪耳2朵 , 雞蛋2隻 , 去核紅棗4-5粒 , 香棗片糖隨意 , 水4杯
STEP 1
將雞蛋烚熟 ; 雪梨去皮去芯切件; 雪耳浸軟洗淨後剪成小塊
STEP 2
煲滾水後下雪梨 , 雪耳及紅棗再煮約30分鐘
STEP 3
下糖調味, 再下雞蛋熄火焗最少半小時即成
大家可以Click入 黃師奶廚藝小百科 facebook 粉絲專頁度交流吓吖~!!!
<<蘋果紅棗蛋茶>>
中秋節快樂呀!~黃師奶祝大家人月倆團圓~家家開心過中秋~!黃師奶呢~呵~今晚就同黃先生繼續撐枱腳~WELL…其實日日都撐枱腳架喇~不過今晚過節~會再買d靚餸~~等黃先生放工返黎可以擦餐勁呢~!
今日呢款糖水~~哈~~煲好嗰時黃先生都飲咗一碗~佢話好正好好飲喎!~哈哈哈~~做法好簡單~滾返半個小時後就焗啦~焗返半個小時就好入味~加少少冰糖~就好好飲~~大家得閒試下啦~!
材料: 蘋果2個 , 雞蛋2隻 , 去核紅棗10粒 , 冰糖隨意 , 水4杯
STEP 1
將雞蛋烚熟 ; 蘋果去皮去芯切件
STEP 2
煲滾水後下蘋果及紅棗再煮約30分鐘
STEP 3
下冰糖調味, 再下雞蛋熄火焗最少半小時即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響