黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

舊日文章

青口龍蝦湯

20131010975253E3

<<青口龍蝦湯>>

有追開黃師奶個blog嘅朋友仔應該知道~黃先生係好愛黃師奶…………………….所煲嘅龍蝦湯嘅~well…由於功夫多~基本上冇咩著數黃師奶都唔會煲嘅~~吖~~~俾你哋知道黃師奶為人tim!~~不過黃先生又幾鍚黃師奶嘅~~間中黃師奶都會煲個湯黎tum下佢架~嗱~黃師奶認自己係好老婆黎架~!

煲好個湯~d料黃師奶用黎打茸~溝返埋個上湯~就係龍蝦濃湯啦~咁個上湯又煲咗咁多~~黃師奶就留起個上湯~第日買咗d French Mussels 返黎加埋落去~~個上湯本身已經好香龍蝦味~再加埋d French Mussels~黃先生又激讚lu!~

材料: 龍蝦2隻~西芹兩大條~紅蘿蔔一條~薯仔兩個~條洋蔥一個~茄膏兩湯匙~露絲瑪莉少少(自己鍾意用乜就用乜啦~)~魚湯六杯+清水兩杯~French Mussels 700g

STEP 1
龍蝦先放尿~開邊起肉~~~再用180度焗爐焗45分鐘至香香~~

STEP 2
洋蔥去皮切絲~薯仔/紅蘿蔔/西芹去皮後切丁~

STEP 3
煮溶少少牛油後爆香洋蔥~加入茄膏兜勻~再拌入薯仔/紅蘿蔔/西芹炒香~最後放入已焗好嘅龍蝦~炒香~加入香草~~

STEP 4
再注入魚湯+水 ~~大火煮滾後再小火煲最少3個小時 ~

STEP 5

將湯渣隔去~倒出上湯再煮滾~下French Mussels 煮至開口即成~

大家可以Click入 黃師奶廚藝小百科 facebook 粉絲專頁度交流吓吖~!!!

什菜海鮮湯

4hxzWKu.VjD1y9Dvk_5Qrw
<<什菜海鮮湯>>
~~嘩嘩嘩~~有個強颱風黎緊bor!~~究竟呢個風打唔打得成呢?!?.!今朝睇好似都打得幾正咁~~~唔知個李氏力場功力如何~~~~會唔會呢幾日係咁發功~~推返個颱風去第到呢~呵呵呵~~~~~~~~

~好喇~有日黃師奶經過一田~~見到包鑽石蜆好抵喎!~做緊特價.!~!又買咗pack 返去~嗰日唸住煲什菜湯~ ~黃師奶個人好懶~決定個湯煲好後~!放埋d 蜆煮熟佢~!個湯有蜆味~好香~~~黃先生都讚話好好味呢~!!

材料: 甘筍3條 , 薯仔3個 , 西芹半棵 , 洋蔥2個 , 蕃茄3個 , 豬肉250g , 鑽石蜆600g , 茄膏2湯匙

STEP 1
將所有蔬菜類嘅食材洗淨去皮去衣切丁; 豬肉汆水片刻 ~鑽石蜆沖洗乾淨~!

STEP 2
燒熱煲, 下洋蔥丁炒香~再拌入其餘蔬菜類嘅食材, 下茄膏兜勻

STEP 3
注入熱水及豬內~煮滾再轉小火煲2個小時

STEP 4
隔起所有蔬菜類嘅食材再用攪拌器打成糊狀( 湯留用 )~~~

STEP 5
將蔬菜糊倒回湯中, 再煮至自己喜歡嘅濃度下蜆煮至開口再下少許糖及鹽調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

龍蝦濃湯

9XG2bjf5Iu2wOWEQ8UjuYA
<<龍蝦濃湯>>
~~LONG WEEKEND 又完咗LU~~~心情總有D沒趣~~要等到九月份~~先會再有假期LU~~~不過無所謂啦~~呢個WEEKEND..黃師奶唔見咗好多錢….點解?因為唔小心整爛咗副眼鏡囉~…仲搞到即時落屋企樓下配~~但係又要等到星期五先有得拎~~~呢幾日唯有戴隱形眼鏡扮住靚女先啦~~~

好喇~~~黃先生呢~就好鍾意飲龍蝦湯~~~佢成日都話想飲嘅~咁有日喺街市行過見到抵買~就買咗2隻返家喇~~~~咁黃先生就話覺得上次個湯唔夠杰~~想飲杰身d~咁黃師奶呢~唯有煲好~~就慢慢打茸加湯到黃先生想要嘅杰度~~~每加一次湯~都走入房俾老細飲一啖~~到佢滿意我先熄火~~!係咪好好老婆呢~

材料: 龍蝦2隻~西芹兩大條~紅蘿蔔一條~薯仔兩個~條洋蔥一個~茄膏兩湯匙~露絲瑪莉少少(自己鍾意用乜就用乜啦~)~魚湯六杯+清水兩杯

STEP 1
龍蝦先放尿~斬件起肉~~~再用180度焗爐焗45分鐘至香香~~

STEP 2
洋蔥去皮切絲~薯仔/紅蘿蔔/西芹去皮後切丁~

STEP 3
煮溶少少牛油後爆香洋蔥~加入茄膏兜勻~再拌入薯仔/紅蘿蔔/西芹炒香~最後放入已焗好嘅龍蝦~炒香~加入香草~~

STEP 4
再注入魚湯+水 ~~大火煮滾後再小火煲最少3個小時 ~(煲好d變咗龍蝦上湯)

STEP 5
隔去龍蝦殼~將蔬菜類食材用攪拌器打爛~~再加入適量龍蝦上湯煮至杰身~~

STEP 6
燒紅鑊後爆香少少蒜茸~拌入龍蝦肉~炒透~加入湯中煮滾即食~!!

大家可以Click入 黃師奶廚藝小百科 facebook 粉絲專頁度交流吓吖~!!!

四寶湯

WfIp.0gDQnMK.QZZxX0kVg
<<四寶湯>>
~~如妃娘娘返黎喇~~~今晚九點三十分~~呵呵呵~~~黃師奶最鍾意就係睇呢d 宮庭戲~~唔好笑我老土~~我連家下套新還珠格格都有追架~!!~~~睇下人哋d 衫幾华麗~~都好開心架~~~同埋睇如妃~~好過睇家吓d 新花旦~~呵呵~!!

~好喇~~今日燉湯湯~~自從有個電子燉盅~真係超方便~今次呢個四寶湯~~我用咗瑤柱燉~當然~轉花膠都冇問題~~~自己鍾意咩就加~~燉到入哂味~黃先生返黎聞到香味~問我係咪煲咗翅~咁香喎!~~~心唸~要我燉翅~~真係傻咗呀你~

材料: 小棠菜2大棵, 冬菇八隻 , 瑤柱隨意, 牛骨2細條, 牛展(我買咗三十蚊), 薑2片

STEP 1
冬菇浸軟後去蒂(浸菇水留用) ; 瑤柱浸軟(瑤柱水留用) ;

STEP 2
小棠菜洗淨; 牛骨 牛展汆水備用

STEP 3
燉盅放入所有材料, 加凍滾水後燉4小時後下鹽調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

洋蔥南瓜湯

5u5OFQsCmH4KA8fTg3rpzA
<<洋蔥南瓜湯>>
~嗱~~首先梗係講句HAPPY FRIDAY 先啦~馬仔嗰網站唔知係咪有D 咩問題呢~搞到我DOWNLOAD 唔到佢D ICON 出黎用TIM!~~一出個BLOG 冇哂D ICON~~搞到好似好單調咁~~吖~~~好唔開心呀!~~~或者等今晚夜D 再整~睇吓得唔得先~~

好喇~今日煲個西湯~~多謝阿林師奶送咗個電子燉盅俾黃師奶先~~見呢期成日玩燉盅~咁今日煲個西湯玩一玩~~唔知你哋鍾意中湯多d定西湯多d呢?!

材料: 南瓜肉約300g , 上湯300 g , 水200 g , 洋蔥一個 ( 切茸 ) , 忌廉半杯

STEP 1
南瓜肉洗淨後切丁, 洋蔥切茸

STEP 2
燒熱少少牛油, 加入洋蔥炒香~再拌入南瓜肉兜勻

STEP 3
加入上湯及清水煮約30分鐘後~放涼~~再用攪拌器攪成糊狀

STEP 4
加入忌廉再煮滾後下鹽調味即成~!~

大家可以Click入 黃師奶廚藝小百科 facebook 粉絲專頁度交流吓吖~!!!

龍蝦湯

o9WxI2sy8mbSBQWhLcfVjQ
<<龍蝦湯>>
新年快樂呀!!~~~~相信大家都過咗一個好開心同埋好嚴寒嘅新年呢~~呢幾日假期黃師奶係冇出去同人迫嘅~~可能真係年紀大~機器壞…出去度數都唔似得喺屋企咁舒服~~~~同黃先生喺屋企hea 吓~玩下煮飯仔~~都好開心呢~~

好喇~黃先生有日屎忽痕話要飲龍蝦湯…well…~~冇咁多時間真係唔好玩呢個湯…因為真係好多功夫…..黃師奶呢個已經係簡單版~同埋冇加到酒架喇.~..不過都好鬼煩…煲好個湯底~~~剩咗可以留低用高湯~唔好倒咗佢呀~~~黃師奶買咗2隻龍蝦~用咗黎煲湯加整個意粉~~呢個元旦大餐用咗兩舊水多d~抵過出面食啦~~

材料: 龍蝦2隻~西芹兩大條~紅蘿蔔一大~薯仔兩個~條洋蔥一個~茄膏兩湯匙~香草少少(自己鍾意用乜就用乜啦~)~魚湯四杯+水四杯

STEP 1
龍蝦先放尿~斬件起肉~~再用180度焗爐焗三十分鐘至香香~~

STEP 2
洋蔥去皮切絲~薯仔/紅蘿蔔/西芹去皮後切丁

STEP 3
燒紅鑊後爆香洋蔥~加入茄膏兜勻~再拌入薯仔/紅蘿蔔/西芹炒香~最後放入已焗好嘅龍蝦~炒香~加入香草~

STEP 4
再注入魚湯+水 (1:1)~~大火煮滾後再小火煲最少3個小時

STEP 5
隔去龍蝦殼~將蔬菜類食材用攪拌器打爛~再加入適量湯煮至杰身~~

STEP 6
燒紅鑊後爆香少少蒜茸~拌入龍蝦肉(少少就夠~剩返D肉黎煮意粉)~炒透~加入湯中煮滾即食~!!

大家可以Click入 黃師奶廚藝小百科 facebook 粉絲專頁度交流吓吖~!!!