麵包造型教學 « 黃師奶廚藝小百科

麵包造型 – 三角形麵糰包法

<<三角形麵糰包法>>
之前有朋友仔留言話黃師奶嘅麵包造型太複雜….想要d簡單造型易上手喎!~~!~所以黃師奶今日會分享D簡單D方法~!嗱~呢個夠哂簡單~~~~~

好喇~想知道上面個包個造型點整~~又黎去相先~!

STEP 1 將已經發酵好~而又靜止咗15分鐘嘅麵糰壓成等腰三角形~!注意~樣衰唔緊要~係咁樣衰架喇~!

STEP 2 唔係叫你睇我對肥手~!!!!要由底咁開始卷~~~~

STEP 3 繼續卷啦~唔好FOCUS 喺我對肥手到~

STEP 4 再俾大家睇下黃師奶對手~~係咁卷呀~~卷呀~~卷呀~~卷呀~

STEP 5 卷到咁~

STEP 6 卷完未再發酵個樣~記得個三角形個尖尖要向下~!唔係就焗到爆開哂架喇~

掃完蛋水同焗好後個樣~~~~

WELL!~~出咗呢個POST!~唔知大家係咪又覺簡單得滯..黃師奶喺到呃LIKE 呢可? 哈哈哈~~~

大家可以Click入黃師奶廚藝小百科 facebook 粉絲專頁度交流吓吖~!!!

麵包造型 – 一朵花

今日黃師奶想同大家分享相中好似一朵花咁嘅包形~!希望BLOG友鍾意啦~!
想知道點整?! 又去相先~~~~~~

STEP 1 將已經發酵好~而又靜止咗15分鐘嘅麵糰壓成手長咁大到嘅橢圓形~!~JM 唔駛太在意佢個樣唔靚仔~咁上下圓就得~~

STEP 2 手起刀落~將個橢圓形喺中間一分為二~!

STEP 3拎起四片半圓~好似上面咁搭埋一齊~係咪好易明呢~!!!

STEP 4 唔該唔好笑黃師奶隻肥手~!!!!! 由最底嗰片開始卷~

STEP 5 繼續肥手相~~~卷呀~卷呀~

STEP 6 連續三張豬手相~~呵呵呵~~繼續~卷呀~卷呀~

STEP 7 卷完反轉~未掃蛋水未焗個樣~~~

制成品~

嗱~鍾意睇嘅blog友仔, 多謝大家支持~~!!為咗blog友仔.黃師奶隻肉手第一次出鏡喇~!!!唔准笑呀

大家可以Click入黃師奶廚藝小百科 facebook 粉絲專頁度交流吓吖~!!!

麵包造型 – O咀虫虫包

<<O咀虫虫包>>

嗱~上面款包~黃先生話個樣好爆喎!!正衰人黎~~~~佢個口係咪好大呢~~~黃師奶覺得呢款包幾好吖~個口夠大又通心~放咩餡料都得~!!想知點整~~去相先~~~~~~~~

嗱~~整呢款包一定要有呢個工具~well….HKD2.5一個咋~買返去夠你玩幾年啦~唔好咁孤寒~!!

STEP 1 將已經發酵好~而又鬆弛咗15分鐘嘅麵糰壓成長條形~!記住呀~要扁扁的~~又長又扁咁~!!

STEP 2 將條麵糰好似整雪糕筒咁卷住個小工具~~由尖尖嗰邊卷先~

STEP 3 卷呀~~卷呀~~就咁卷咗個好似雪糕筒嘅東西出黎喇~!!呵呵呵~~~~~

STEP 4 用麵糰搓D細細粒嘅波仔~~

STEP 5 呢D 麵糰波仔~~係眼睛黎架~!呵呵呵~~痴上去~~~~~

STEP 6 再搓D欖核形嘅小麵糰~唔駛太在意靚唔靚仔~~WELL!~~係唔駛整得靚仔嘅~

STEP 7 呢D欖核形嘅小麵糰係手黎嘅~呵呵呵~~係咪好樣衰呢~~~呢個係未最後發酵同未掃蛋水個衰樣~

焗完脫模畫返對眼~~~搞掂~~

黃先生嗰個我放咗雞肉餡料~而黃師奶呢~呵呵呵~就劑滿朱古力醬~YUMMY YUMMY~~~~

黃師奶喺到多謝你~睇到呢一句~因為呢款包咁樣衰~你都睇落去~!呵呵呵~~~~証明你個人好有品~!

大家可以Click入黃師奶廚藝小百科 facebook 粉絲專頁度交流吓吖~!!!

麵包造型 – 小蝸牛

<<小蝸牛>>

嗱~~上面呢款包黃師奶覺得做法好簡單~又可以tum 下小朋友~好過癮架~!~想知道點整?! 又快d 去相先~~~

STEP 1 將已經發酵好~而又鬆弛咗15分鐘嘅麵糰壓成長條形~!要一條長d同幼d~!另一條就肥d同短d~

STEP 2 將較長嘅一條麵糰好似打蛇餅咁卷埋~

STEP 3 即係卷到咁嘅衰樣~~~~呢個衰樣即係蝸牛殼~!!

STEP 4 將另一條較粗身嘅麵糰的其中一端壓平~再痴喺個蝸牛殼底部~咁就係個身喇~!

STEP 5 蝸牛身痴咗喺蝸牛殼底部啦~!咁個蝸牛頭呢~就整返靚仔佢~黃師奶知道好難明~所以你哋自己睇相~! 呢個係未最後發酵同掃蛋水嘅樣~

嗱~掃咗蛋水焗完個靚仔樣~~

希望大家鍾意呢款蝸牛包包造型啦~~~~~呵呵呵~~~~~~~仲有係唔好笑黃師奶白痴~~成日整呢D 古怪嘢出黎娛賓!!!

大家可以Click入黃師奶廚藝小百科 facebook 粉絲專頁度交流吓吖~!!!

麵包造型 – 簡單扭紋型

<<簡單扭紋型>>

嗱~~上面呢款包黃師奶覺得外型好CUTE~~步驟亦好簡單~好啱D 初學整包包朋友仔~想知道點整?! 又快d 去相先~~~

STEP 1 將已經發酵好~而又鬆弛咗15分鐘嘅麵糰壓成長條形~!

STEP 2 將右面嗰條搭上左邊嗰條~記住個尾尾要留長d~屈埋打結用~黃師奶知道好難明~~自己睇相啦~呵呵呵~~

STEP 3 再將上面嗰條包住下面嗰條咁~屈返去原來的位置~!

STEP 4 將個尾尾向中間個LOAN LOAN 方向屈入去~~

STEP 5 尾尾凸出黎嗰PART 我就手起刀落切咗佢~! 呢個係未焗同未最後發酵個衰樣~

嗱~掃咗蛋水焗完個靚仔樣~~

講真~~黃師奶整麵包仲有好多進步空間~平時好鍾意將D麵糰扭黎扭去~大家得閒可以咁試下玩~就整到好多唔同款的造型包包呢~呵呵呵~~

大家可以Click入黃師奶廚藝小百科 facebook 粉絲專頁度交流吓吖~!!!

麵包造型 – 圓圈通花型

<<圓圈通花型>>
嗱~~上面呢款包黃師奶覺得都幾靚仔~~步驟就多咗少少~不過其實一d都唔難整架~~!!想知道點整?! 又快d 去相先~~~

STEP 1 將已經發酵好~而又鬆弛咗15分鐘嘅麵糰壓成長方形~!

STEP 2 喺其中較長嘅一邊用括刀手起刀落~整到一條條咁~~黃師奶知道好難明~~自己睇相啦~呵呵呵~~

STEP 3 將最開面嗰2條放喺麵糰的中間位置

STEP 4 將另外一邊 (即冇CUT到一條條嗰邊呢)~好似卷腸粉咁卷去另一邊~

STEP 5 唔好留意黃師奶隻肥肉手…..總之一路卷~~

STEP 6 係咁卷呀~~係咁卷呀~~

STEP 7 卷完呢個衰樣~記得將收口位(即一條條嗰D) 放喺底~唔係發酵嗰陣會爆開哂~!!!

STEP 8 將呢舊騎呢嘢打圓圈咁放~

STEP 9 嗱~呢個係未掃蛋水同埋未再發酵嗰衰樣~!

焗完就係呢個靚仔樣喇~!!

黃師奶只係分享吓麵包造型心得~呵呵呵~~希望大家鍾意~~唔好覺悶啦~呵呵呵呵呵~~~

大家可以Click入黃師奶廚藝小百科 facebook 粉絲專頁度交流吓吖~!!!