黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

27個月大喇~!

嘩~又到十月~變相月月已經27個月大喇~!媽媽感覺到囡囡真係大個咗好多~家下好多嘢都識講喇~!唔再係BB話咁~!簡單溝通基本上冇咩問題~!哈~不過仲係生得細粒~好BB 咁~先2日出街先俾人問佢夠歲半未~哈~!

家下TROUBLE 2真係好TROUBLE~多多主意咁…仲要成日好似指揮官感~真係想扑暈佢呀有時~~!返咗學2個月…仲係喊..入親校門都係喊…上堂時就有1/3時間喊..拔..老師話佢好咗好多架喇~!媽媽問過佢做咩唔鍾意返學~!月月答: 好掛住媽媽…真係唔知開心好定唔開心好…唉…

大家可以Click入 黃師奶廚藝小百科 facebook 粉絲專頁度交流吓吖~!!!

騎呢~

其實月月不嬲個頭都係攣嘅~雖然難打理D~不過都幾得意吖~!剛剛收到學校嘅相~學校D員工幫阿女個頭P成咁…………….真係好唔慣…亦都好失真呀~!!雖則學校原意都係想整齊D~不過呢..就好似變咗另一個人咁….好騎呢..好怪….

大家可以Click入 黃師奶廚藝小百科 facebook 粉絲專頁度交流吓吖~!!!

26個月大喇~!


月月今日26個月大喇!隻豬仔呢期真係慘慘豬⋯之前就感冒⋯呢幾日就中咗手足口!唉⋯原本媽媽覺得月月好身體健康架!不過返咗學後真係病多咗呀!心痛死!希望囡囡快啲冇事!快高長大啦!

講起返學~梗係日喊夜喊啦!喊到媽媽我都驚埋返學⋯都唔知點頂落去喇!

大家可以Click入 黃師奶廚藝小百科 facebook 粉絲專頁度交流吓吖~!!!

月月返學喇~! (N班)

大手拖小手,搭車上學去!
黃師奶開始陪讀生涯喇~~!!

今日真係一個大日子呀!~8月9日~!!就係月月返學喇~!媽媽為咗呢件事真係好緊張~除咗擔心月月唔適應外..又要準備好返學嘅用品…學校又要求所有校服用品等繡好哂名牌..真係煩到嘔….

媽媽晨早就彈咗起身…講真..自己上當年返學讀書都HEA過…冇唸過個女返學就緊張成咁…哈哈~!

都係嗰句啦!希望月月有個開心快樂嘅校園生活~!

大家可以Click入 黃師奶廚藝小百科 facebook 粉絲專頁度交流吓吖~!!!

25個月大喇~!

嘩~今日月月已經25個月喇~過多2日….星期三仲要係個大日子~哈~因為呢隻豬仔正式要返學喇~媽媽真係好緊張呢….擔心每日由將軍澳去九龍塘返學好遠咁….又驚你返學會喊會唔開心….唉….希望一切順利~希望月月有個開心嘅校園生活啦~!!

話時話…月月個頭..真係越來越攣呀………點搞….

大家可以Click入 黃師奶廚藝小百科 facebook 粉絲專頁度交流吓吖~!!!

2歲喇~~!!


今日2歲喇~!!嘩哈哈哈~~睇返D相~月月真係大得好快呀!~~~媽媽仲記得2年前第一次聽到你喊嗰時~~開心到呢~~!

家下月月識講好多嘢~大家一齊互動好玩好多~不過呢~又煩咗好多~成日搞搞震~冇時停~少D心血都俾佢激死呢~~

吖~~又戀女發作中….媽媽祝你生日快樂~快高長大~~最緊要係健健康康~!!開開心心咁成長呢~!

大家可以Click入 黃師奶廚藝小百科 facebook 粉絲專頁度交流吓吖~!!!

23個月大喇~!


呵呵~~~月月今日23個月大喇~!~!!YEAH~即係下個月就生日~嘩哈哈哈~~~~

一日一日咁望住隻豬仔長大真係好神奇~由佢乜都唔識~到家下識得自己食飯~著褲仔~問佢愛唔愛媽媽~佢仲識得答"愛"~呢個過程真係好正~!月月每日都過得好開心~!而黃師奶呢?!雖則又累又辛苦~不過見到月月開心就乜都值得呢~!

大家可以Click入 黃師奶廚藝小百科 facebook 粉絲專頁度交流吓吖~!!!

2017媽媽節

哈~~又到一年一度嘅媽媽節~~今日其實冇咩節目架咋~天氣又唔好~冇乜搞作~!不過只要同月月一齊就開心架喇~!

下午同咗月月去返PLAYGROUP~!喺佢老豆嘅協助下~整咗條頸鍊俾我~呵呵~~仲有個皇冠同卡仔~~好寶貴架~嘩哈哈哈~~

大家可以Click入 黃師奶廚藝小百科 facebook 粉絲專頁度交流吓吖~!!!

月月家庭照

IMG_1887

哈~又到咗一年一度影家庭照嘅時間喇~自從有咗月月之後~黃師奶就想每年影一輯家庭照~留返個美好回憶嘛~!今次呢輯相黃師奶好滿意呀~而月月嗰日都好合作~冇扭計~相比起半歲同一歲時影嘅時候~真係易搞好多呢~!

話時話~家下D小朋友真係好幸福~要影張相真係話咁易~黃師奶細時仲係菲林年代~點會好似家下咩都電腦相咁方便吖~!仲有呀!~成屋都係玩具…真係幸福滿滿~!

大家可以Click入 黃師奶廚藝小百科 facebook 粉絲專頁度交流吓吖~!!!

22個月大喇~!

今日月月22個月大喇~!一早就去咗學校註冊喇~!下個月就要去做校服….到咗8月9日就開始上適應班~即係頭3日可以家長陪住…返1-2個鐘咁~9月就正式返學喇~!

唔知點解好似好唔捨得咁~月月由細到大我除咗去剪頭髮~就冇離開過佢…去邊都同佢一齊~家下話要返學..well…我唸到時可能係我唔慣多過佢唔慣..嘩哈哈哈~~~~

衰豬仍然係咁細粒~不過體重就增長得唔錯~!開始講多咗好多嘢~不過更係講得仲好bb啦~~我唸隻豬仔過多半年~就成日咀gel gel~講到你覺煩呢~!

大家可以Click入 黃師奶廚藝小百科 facebook 粉絲專頁度交流吓吖~!!!