黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

月月做手術

IMG_9584

唔覺唔覺~個BLOG又生草喇~!冇計啦~因為月月入咗院做手術呀~~~~

其實月月2歲時跌親後照過X-RAY~就發覺咗隻衰豬有多生齒問題架喇~而隻多生齒仲要倒生影響到恆齒~不過呢~嗰時太細個~就唔啱做全麻手術喇~等到家下夠大~就可以開刀LU~~

隻衰豬初初都冇乜嘢~兒童醫院仲好好架~俾咗部IPAD佢~一路睇PAD一路做麻醉~~手術做咗3個鐘~我就等咗3個鐘~等到我心掛掛~唉….

做完後~個口腔縫咗7大針…喊到九彩~扭到爆炸…亦因為咁…所以我就要摺埋喇~~

黎緊老鼠年~~希望月月同大家都健健康康啦~~~~

大家可以Click入 黃師奶廚藝小百科 facebook 粉絲專頁度交流吓吖~!!!

學校運動會

82320245_3467939993247667_9165908372321468416_n
哈~今日係月月學校嘅運動會呢~其實上年都有架~可惜因為山竹殺到~搞到個運動會要維修而閂咗~咁就變相冇得舉行~到今年K2喇~終於可以參加到呢個盛事呢~!而月月呢~~竟然拎到金牌~係咪好爆呢~~~~~

其實D比賽好簡單架咋~鴨仔行路…運下波…掟下波咁~不過呢~我相信月月一定好開心~因為佢放學到家下都係咁講自己玩過D咩有幾叻TIM!~

希望隻衰豬下年再努力~拎多個牌返黎先~~~~

大家可以Click入 黃師奶廚藝小百科 facebook 粉絲專頁度交流吓吖~!!!

東京2019

79673168_3383773514997649_5436306115623124992_n IMG_8878(1) 81066456_3395279780513689_7264222189388300288_n 80334239_3395280287180305_8773849764539138048_n

呵呵~我哋一家三口返咗黎喇~同大家講定句新年快樂先~!!

今個聖誕~我哋同月月去咗東京呀!~節目就梗係唔係SHOPPING啦~而係陪隻衰豬去迪迪尼同埋佢最愛嘅麵包超人館喇~睇下月月玩得幾開心~係迪迪尼我哋都玩足2日呀….放哂佢媽我D電呢……..~家下仲成日問我哋幾時再去呢…..哈哈哈~~

天氣呢~就係凍架喇~不過就冇落雪~而月月呢~有得玩就唔會覺凍架喇~~呢個麵包超人鉄粉絲已經去咗3個麵包超人館架喇~佢爸爸應承過佢會同佢去哂全日本咁多個麵包超人館~家下應該離目標不遠了~!

 

大家可以Click入 黃師奶廚藝小百科 facebook 粉絲專頁度交流吓吖~!!!

媽媽又老一歲LU~!

78203942_3286779278030407_7934141812304773120_n

哈~話咁快又一年喇~!媽媽又老1歲喇~!今年咁啱撞正學校停課~!咁就同月月去海洋公園到玩返一日開心吓呢~!之前都唸咗好耐唔知去唔去好~始終有D驚交通亂嘅問題~不過好彩一切顺利~月月仲玩得好開心呢~!

月月仲畫咗佢鍾意嘅麵包超人公仔俾我架~!媽媽覺得又靚又SWEET~!唔知你哋又覺得曬唔曬呢?! 呵呵~~

大家可以Click入 黃師奶廚藝小百科 facebook 粉絲專頁度交流吓吖~!!!

月月嘅情史??

IMG_5780

月月已經升咗做K2生2個月有多喇~佢已經喊少咗~適應咗低班生活~今日呢~!有個家長走黎同我講話佢個仔星期五生日~我以為係邀請我哋去生日會啦~點知…

同學媽媽: 月月媽媽, 我個仔生日…佢話個願望係想我幫佢買份1禮物送俾你個女~!
我: 吓?
同學媽媽: 係呀~佢好鍾意你個女~所以要我咁做~!

嘩哈哈~~聽完真係O咀…之前都係有同學仔要等放學一齊玩啫~家下連自己生日份禮物都要轉送俾佢~小朋友真係好可愛~!

 

大家可以Click入 黃師奶廚藝小百科 facebook 粉絲專頁度交流吓吖~!!!

中秋節快樂呀!~~~~~

70690736_3062577207117283_2778142437992824832_n

中秋節快樂呀~~今日中秋節~月月學校假期~媽媽一早又同佢出去玩過夠LU~!呢隻傻豬係咁話自己好鍾意食月餅….最爆係…佢食嗰D係雪糕月餅嘛…緊係好味….我就唔信你會鍾意食傳統月餅喇~哈~~~~

今晚大家會去邊到賞月呀?!

 

大家可以Click入 黃師奶廚藝小百科 facebook 粉絲專頁度交流吓吖~!!!

K2新學年

69564349_3034567119918292_586275534258831360_n

9月3日開學日~一如以往~月月隻衰豬都係喊…..
PN喊…..
K1喊……
K2喊……
上面幅相就係呢2年嘅開學樣…..唔知道會喊到邊年呢???

大家可以Click入 黃師奶廚藝小百科 facebook 粉絲專頁度交流吓吖~!!!

2019第2個暑假

IMG_4102

快樂嘅日子都係短暫嘅~話咁快又過咗2個月…又要返學LU~!!~~今個暑假呢~日日都同月月周圍去玩~真係過得好開心架~!搞到佢呢幾日知道要返學之後..即刻扁咀呀!~~唉~~冇計啦~~~~小朋友都係要讀書學嘢架喇~~~

今年月月升K2喇~媽媽希望你日日開心~有個快樂幼稚園生活啦~!

大家可以Click入 黃師奶廚藝小百科 facebook 粉絲專頁度交流吓吖~!!!

第1次剪頭髮

68371378_2987268641314807_3942001944402329600_n
嗱嗱嗱~~唔係講笑呀!~~月月呢係冇剪過頭髮架~!由一出世就開始留呀~~留呀!~~咁佢又天生攣毛喎!~D頭髮就攣起哂~所以睇落又唔太長~不過呢~一濕水就現哂出黎..長到PATPAT架喇..嘩哈哈哈~~~

咁見就黎開學~所以就勸佢剪啦…勸到口水都乾..月月又話驚痛..又話驚冇咗條辮…..佢係非常緊張自己條辮嘅…日日梳完頭就照鏡自戀架喇..

終於…過咗4年多…就剪咗~嘩哈哈~~個新LOOK正唔正呢~~~

大家可以Click入 黃師奶廚藝小百科 facebook 粉絲專頁度交流吓吖~!!!

黃金海岸

IMG_2974

個BLOG又生草..哈哈~~冇計啦~暑假嘛~緊係日日都同月月周圍去~~今次同月月去咗黃金海岸到玩呀!~仲同隻衰豬住咗晚~因為呢~月月平時有追開嗰套卡通~喺酒店到做主題~家下睇返D相~佢著住套衫同"偶像"影相開心到呢…而泳池到又有滑梯玩水~~雖則天氣唔多好~不過都冇損佢心情~哈~~

未有月月之前~真係冇唸過喺香港都走去住酒店..家下有咗佢就搞下呢D嘢..哈哈~~我唸過多2年~佢大個咗~知道嗰D卡通係人扮的話~就會冇咁HIGH架喇~嘩哈哈哈~~~~

大家可以Click入 黃師奶廚藝小百科 facebook 粉絲專頁度交流吓吖~!!!