今日係大年三十~月月同大家拜過早年~
祝大家牛年大吉~牛咁大力~最緊要健健康康~精精神神~!!
我家月月做舞獅非常落力~一手一腳自己整架~!喺街見到係咪抵俾20蚊利是過佢~!嘩哈哈哈~~~~~
|
||||
|
|
今日面授課程開學喇~換句話說~月月過埋今年~就完咗HAPPY SCHOOL 嘅校園生活~~等到第4個年頭~終於有張正常開學相…冇喊喊豬樣咁慘…. 放學同咗老師傾咗幾句…知道月月喺課室都喊咗一陣…不過老師都好好..仲明白到大半年冇返學….都要小朋友適應返呢~!媽媽已經覺得月月完勝架喇~希望佢再繼續進步落去啦~! 我哋2母女要好好享受埋幼稚園生涯嘅最後一年~~開開心心咁~~大家努力~!
時間真係過得好快呀!~我個月月今日5歲喇~!今年生日真係感覺好唔同咁~!
就係為咗小學校網~離開住咗十年有多嘅將軍澳…重新適應過一切..希望幸運之神守護住我個月月啦~順順利利入到好學校~!!
第5個媽媽節~月月開始識得寫火星文….相信做咗人媽媽嘅會睇得明佢寫乜….嘩哈哈~~~佢好搞笑叫我提佢寫卡..話驚自己會唔記得….仲話買咗朱古力我食….最後呢…緊係佢自己食哂啦…..
話咁快又到3月底喇~記得月月喺1月底時做手術~嗰時香港都只係剛有一宗個案~亞洲歐美都未爆…2個月後嘅今日…真係冇眼睇…而月月亦有幸..見證下疫情下大家點生活… 家下間唔時出下去放風….透下氣..大部分時間都會喺屋企…仲好無聊咁連紙皮都玩一餐….而月月呢..當然佢就唔識擔心啦…不過呢~佢做埋D嘢好好笑…. => 佢用紙巾包住哂佢D BB 公仔D口…話佢哋冇口罩唔得喎…. 家下返學無期…唔知會唔會直升K3~呢年真係好多變化….感覺今日唔知聽日事咁…. 希望大家健健康康~
月月做完個小手術都有成10日喇~呢10日呢~佢就扭計咗~嗲咗~呢個我都預咗架喇~不過呢~就冇唸過佢可以瘦咁快…睇返D相~10日塊面就尖哂喇~原本佢脹到爆MON架嘛~家下變咗V面喇~圖都唔駛P呀!~~~ 呢2日佢叫做好D~肯食返嘢喇~~辛辛苦苦養到佢電話簿咁厚~~咁就冇減幾頁~~肉痛死媽媽呢~~~
唔覺唔覺~個BLOG又生草喇~!冇計啦~因為月月入咗院做手術呀~~~~ 其實月月2歲時跌親後照過X-RAY~就發覺咗隻衰豬有多生齒問題架喇~而隻多生齒仲要倒生影響到恆齒~不過呢~嗰時太細個~就唔啱做全麻手術喇~等到家下夠大~就可以開刀LU~~ 隻衰豬初初都冇乜嘢~兒童醫院仲好好架~俾咗部IPAD佢~一路睇PAD一路做麻醉~~手術做咗3個鐘~我就等咗3個鐘~等到我心掛掛~唉…. 做完後~個口腔縫咗7大針…喊到九彩~扭到爆炸…亦因為咁…所以我就要摺埋喇~~ 黎緊老鼠年~~希望月月同大家都健健康康啦~~~~
其實D比賽好簡單架咋~鴨仔行路…運下波…掟下波咁~不過呢~我相信月月一定好開心~因為佢放學到家下都係咁講自己玩過D咩有幾叻TIM!~ 希望隻衰豬下年再努力~拎多個牌返黎先~~~~
呵呵~我哋一家三口返咗黎喇~同大家講定句新年快樂先~!! 今個聖誕~我哋同月月去咗東京呀!~節目就梗係唔係SHOPPING啦~而係陪隻衰豬去迪迪尼同埋佢最愛嘅麵包超人館喇~睇下月月玩得幾開心~係迪迪尼我哋都玩足2日呀….放哂佢媽我D電呢……..~家下仲成日問我哋幾時再去呢…..哈哈哈~~ 天氣呢~就係凍架喇~不過就冇落雪~而月月呢~有得玩就唔會覺凍架喇~~呢個麵包超人鉄粉絲已經去咗3個麵包超人館架喇~佢爸爸應承過佢會同佢去哂全日本咁多個麵包超人館~家下應該離目標不遠了~!
|
|||
|
Copyright © 2023 黃師奶廚藝小百科 - All Rights Reserved Powered by WordPress & Atahualpa |
||||
近期迴響