黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

K3新學年

IMG_5838

今日面授課程開學喇~換句話說~月月過埋今年~就完咗HAPPY SCHOOL 嘅校園生活~~等到第4個年頭~終於有張正常開學相…冇喊喊豬樣咁慘….

放學同咗老師傾咗幾句…知道月月喺課室都喊咗一陣…不過老師都好好..仲明白到大半年冇返學….都要小朋友適應返呢~!媽媽已經覺得月月完勝架喇~希望佢再繼續進步落去啦~!

我哋2母女要好好享受埋幼稚園生涯嘅最後一年~~開開心心咁~~大家努力~!

大家可以Click入 黃師奶廚藝小百科 facebook 粉絲專頁度交流吓吖~!!!

5歲喇~~!!

106668842_4078758638832463_5562680454160427662_n

時間真係過得好快呀!~我個月月今日5歲喇~!今年生日真係感覺好唔同咁~!
同一樣嘅地方..不過
不一樣嘅社會氣氛….
而口罩亦變成咗一件衫咁…不可或缺
做咗人媽媽~係呢個時勢下~媽媽就祝願生日快樂!健健康康!快快樂樂!開開心心!
希望你長大後可以自由自在~展翅高飛~

大家可以Click入 黃師奶廚藝小百科 facebook 粉絲專頁度交流吓吖~!!!

小一面試

IMG_2925
暑假之後快樂嘅幼稚園生活就剩返最後一年喇~月月要開始玩小一面試呢個遊戲….睇返D相~媽媽都幫佢儲起咗IN N班同K1時嘅相~最近亦同佢影咗一輯係FOR IN 小一用~感覺月月真係長大咗好多~成個小女孩咁~!

就係為咗小學校網~離開住咗十年有多嘅將軍澳…重新適應過一切..希望幸運之神守護住我個月月啦~順順利利入到好學校~!!

大家可以Click入 黃師奶廚藝小百科 facebook 粉絲專頁度交流吓吖~!!!

2020媽媽節

95966037_3843441192364210_5112012887656759296_n
疫情下嘅媽媽節~感覺有D不一樣~因為一出街就要用口罩~相都唔想影張咁….因為感覺好怪怪….

第5個媽媽節~月月開始識得寫火星文….相信做咗人媽媽嘅會睇得明佢寫乜….嘩哈哈~~~佢好搞笑叫我提佢寫卡..話驚自己會唔記得….仲話買咗朱古力我食….最後呢…緊係佢自己食哂啦…..

大家可以Click入 黃師奶廚藝小百科 facebook 粉絲專頁度交流吓吖~!!!

疫症下之日常生活

IMG_1281

話咁快又到3月底喇~記得月月喺1月底時做手術~嗰時香港都只係剛有一宗個案~亞洲歐美都未爆…2個月後嘅今日…真係冇眼睇…而月月亦有幸..見證下疫情下大家點生活…

家下間唔時出下去放風….透下氣..大部分時間都會喺屋企…仲好無聊咁連紙皮都玩一餐….而月月呢..當然佢就唔識擔心啦…不過呢~佢做埋D嘢好好笑….

=> 佢用紙巾包住哂佢D BB 公仔D口…話佢哋冇口罩唔得喎….
=> 佢又會問呢D嘢係咪3層…嗰D 嘢有冇3層…應該係聽我講得多…..

家下返學無期…唔知會唔會直升K3~呢年真係好多變化….感覺今日唔知聽日事咁….

希望大家健健康康~

大家可以Click入 黃師奶廚藝小百科 facebook 粉絲專頁度交流吓吖~!!!

手術後嘅月月

IMG_9874

月月做完個小手術都有成10日喇~呢10日呢~佢就扭計咗~嗲咗~呢個我都預咗架喇~不過呢~就冇唸過佢可以瘦咁快…睇返D相~10日塊面就尖哂喇~原本佢脹到爆MON架嘛~家下變咗V面喇~圖都唔駛P呀!~~~

呢2日佢叫做好D~肯食返嘢喇~~辛辛苦苦養到佢電話簿咁厚~~咁就冇減幾頁~~肉痛死媽媽呢~~~

大家可以Click入 黃師奶廚藝小百科 facebook 粉絲專頁度交流吓吖~!!!

月月做手術

IMG_9584

唔覺唔覺~個BLOG又生草喇~!冇計啦~因為月月入咗院做手術呀~~~~

其實月月2歲時跌親後照過X-RAY~就發覺咗隻衰豬有多生齒問題架喇~而隻多生齒仲要倒生影響到恆齒~不過呢~嗰時太細個~就唔啱做全麻手術喇~等到家下夠大~就可以開刀LU~~

隻衰豬初初都冇乜嘢~兒童醫院仲好好架~俾咗部IPAD佢~一路睇PAD一路做麻醉~~手術做咗3個鐘~我就等咗3個鐘~等到我心掛掛~唉….

做完後~個口腔縫咗7大針…喊到九彩~扭到爆炸…亦因為咁…所以我就要摺埋喇~~

黎緊老鼠年~~希望月月同大家都健健康康啦~~~~

大家可以Click入 黃師奶廚藝小百科 facebook 粉絲專頁度交流吓吖~!!!

學校運動會

82320245_3467939993247667_9165908372321468416_n
哈~今日係月月學校嘅運動會呢~其實上年都有架~可惜因為山竹殺到~搞到個運動會要維修而閂咗~咁就變相冇得舉行~到今年K2喇~終於可以參加到呢個盛事呢~!而月月呢~~竟然拎到金牌~係咪好爆呢~~~~~

其實D比賽好簡單架咋~鴨仔行路…運下波…掟下波咁~不過呢~我相信月月一定好開心~因為佢放學到家下都係咁講自己玩過D咩有幾叻TIM!~

希望隻衰豬下年再努力~拎多個牌返黎先~~~~

大家可以Click入 黃師奶廚藝小百科 facebook 粉絲專頁度交流吓吖~!!!

東京2019

79673168_3383773514997649_5436306115623124992_n IMG_8878(1) 81066456_3395279780513689_7264222189388300288_n 80334239_3395280287180305_8773849764539138048_n

呵呵~我哋一家三口返咗黎喇~同大家講定句新年快樂先~!!

今個聖誕~我哋同月月去咗東京呀!~節目就梗係唔係SHOPPING啦~而係陪隻衰豬去迪迪尼同埋佢最愛嘅麵包超人館喇~睇下月月玩得幾開心~係迪迪尼我哋都玩足2日呀….放哂佢媽我D電呢……..~家下仲成日問我哋幾時再去呢…..哈哈哈~~

天氣呢~就係凍架喇~不過就冇落雪~而月月呢~有得玩就唔會覺凍架喇~~呢個麵包超人鉄粉絲已經去咗3個麵包超人館架喇~佢爸爸應承過佢會同佢去哂全日本咁多個麵包超人館~家下應該離目標不遠了~!

 

大家可以Click入 黃師奶廚藝小百科 facebook 粉絲專頁度交流吓吖~!!!

媽媽又老一歲LU~!

78203942_3286779278030407_7934141812304773120_n

哈~話咁快又一年喇~!媽媽又老1歲喇~!今年咁啱撞正學校停課~!咁就同月月去海洋公園到玩返一日開心吓呢~!之前都唸咗好耐唔知去唔去好~始終有D驚交通亂嘅問題~不過好彩一切顺利~月月仲玩得好開心呢~!

月月仲畫咗佢鍾意嘅麵包超人公仔俾我架~!媽媽覺得又靚又SWEET~!唔知你哋又覺得曬唔曬呢?! 呵呵~~

大家可以Click入 黃師奶廚藝小百科 facebook 粉絲專頁度交流吓吖~!!!