黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

月月返幼稚園喇~~!

40279570_2216369418404737_4329148750275543040_n
今日係月月幼稚園嘅開學日~即係佢正式成為幼稚園生~展開咗佢嘅讀書生涯喇~~佢媽媽我就因為佢要返學…擔心佢唔習慣搞到自己都成晚瞓唔著呢~哈~~~~

仲記得上年佢讀學前班足足喊咗半年….由8月開學喊到第年1月尾…..呢幾日媽媽可以陪住上堂~就冇做喊包…過埋呢幾日就唔知今鋪要喊幾耐呢可?!

大家可以Click入 黃師奶廚藝小百科 facebook 粉絲專頁度交流吓吖~!!!

2018第1個暑假

IMG_5208 IMG_5209

快樂嘅日子真係過得好快呀!~月月嘅第1個暑假已經過咗一大半~過多2個星期~就要去新學校返學喇~正式成為幼稚園學生LU!~

呢個暑假佢條友仔過得好開心~同佢上親子班學煮嘢食~仲有唱遊同畫畫~可惜佢真係太痴身~入親課室都係喊咀…希望佢過多排會進步D啦~!

正所謂心廣體胖~佢個假期好似多咗D肥肉….不過呢~月月應該真係日日都玩得好開心~一瞓醒就問我~"媽媽~今日我哋去邊玩呀?"又會話"月澄同埋媽媽一齊好開心呀"~~吖~~~搞到我好唔捨得個暑假呢~~ >_<

 

 

大家可以Click入 黃師奶廚藝小百科 facebook 粉絲專頁度交流吓吖~!!!

幼兒園畢業喇~~~

37091488_2119964671378546_7004747568471080960_n
今日係月月嘅幼兒園畢業禮呀~~做阿媽嘅我實在興奮過自己大學畢業呀!~緊張到爆~嘩哈哈哈~~

睇住佢3歲人仔~喺個台到傻下傻下咁表演~真係好搞笑呢~!暑假過後就升K喇~到時又要再適應過呢~點都好啦~媽媽都希望你有個開心嘅校園生活啦~!

大家可以Click入 黃師奶廚藝小百科 facebook 粉絲專頁度交流吓吖~!!!

3歲喇~~!!

36665829_2105928939448786_7446362505347072000_n

生日大快樂~!!!~~~~~

我家月月今日3歲人仔喇~一早同咗佢返學~放學都係瞓到死豬咁~~不過好快我哋就出去同佢玩呢~呵呵呵~~~~

TROUBLE 2 終於捱完咗~唔知3歲後會點呢?!乖D?定曳D?

媽媽祝願我個寶貝生日快樂~快高長大~開開心心~!媽媽永遠都咁愛你呢~~

 

 

大家可以Click入 黃師奶廚藝小百科 facebook 粉絲專頁度交流吓吖~!!!

幼兒園3歲生日會

IMG_2327

嘩哈哈哈~~~等咗差不多成年…到學期尾終於等到7-8月之星生日會喇~雖然今日唔係正日~不過作為媽媽嘅我真係好期待架~!一早預備好哂D嘢同佢返學慶生日呢~呵呵~

呢張相係學校早前幫佢影嘅~隻衰豬笑得好勉強咁…不過算啦~正如老師所講~月月喺學校好靜唔多出聲~所以佢咁嘅樣都係正常…..

月月係下星期五先係正日~不過今日係第一次學校搞生日會~點都要MARK 低~等佢大個咗~我老咗時睇返開心吓~!

大家可以Click入 黃師奶廚藝小百科 facebook 粉絲專頁度交流吓吖~!!!

35個月大喇~!


話咁快又1個月喇~嘩哈哈哈~今日月月已經係35個月大喇~即係我個TROUBLE 2 終於捱完…有人話3歲會更糟~亦有人話3歲會變好!下個月就知道LU~!

差不多3歲人仔~到咗每事問嘅年紀~有時覺得好煩~不過煩得黎又好可愛~家下感覺月月真係大個咗好多~有自己嘅意見~同堅持~雖則D堅持係好無謂…可以為咗冇蝦條食喊到世界沒日咁…唔知幾時先會正正常常呢~!?

大家可以Click入 黃師奶廚藝小百科 facebook 粉絲專頁度交流吓吖~!!!

2018媽媽節

媽媽節快樂呀~~哈哈哈~~今年月月已經讀緊N班~星期五接佢放學時~佢就送咗呢支花俾我~仲講"母親節快樂!~"~~呵呵呵~雖則知道係老師幫手教佢~不過真係好冧架~!

自己湊大佢~家下同月月感情好好~希望可以一路咁落去啦~開開心心咁日日都係媽媽節呢~!

大家可以Click入 黃師奶廚藝小百科 facebook 粉絲專頁度交流吓吖~!!!

34個月大喇~!

 

WOO~~~話咁快又一個月喇~好快月月就3歲喇~家下34個月大人仔識好多嘢~有時聽佢講嘢真係好搞笑~亦都出現咗童言無忌嘅情況…

試過坐車見到個人係光頭嘅….月月就問..點解叔叔冇頭髮嘅…嗰下真係超尷尬~行埋一邊教返佢唔可以咁冇禮貌…

食媽媽奶大嘅佢….見到有人冇著衫做運動..就話…嘩~叔叔有個奶奶呀…..經過賣BRA鋪又話…好多奶奶….

呢D情況真係O咀…..

大家可以Click入 黃師奶廚藝小百科 facebook 粉絲專頁度交流吓吖~!!!

33個月大喇~!

話咁快又一個月喇~喺假期中渡過33個月大嘅呢一日~今日佢爸爸請咗一日假同隻衰豬去咗玩呢~!唔知係咪假期尾聲呢~去咗山頂玩都唔太多人~係纜車就好誇張~不過都幾好行~等你再大啲就再去多次啦~!

小朋友有得玩就最開心~我覺得月月個笑容好天真好靚架~哈哈哈~~~

 

 

大家可以Click入 黃師奶廚藝小百科 facebook 粉絲專頁度交流吓吖~!!!

HAPPY EASTER

IMG_8600

哈哈~~唔係講笑呀~一連10日嘅EASTER HOLIDAY 開始咗LU~真係開心過自己返工嗰時呀~唔駛日日送出送入~呢D生活真係爽爆呀~不過放埋呢轉..就要捱到暑假先有長假….好傷心呢~!

呢排煩緊幫月月戒片片呀~~過程真係好麻煩..亦睇得出佢係未READY呢…唸緊好冇暑假先戒..等佢再大少少…見佢真係唔識講…定係懶得講…好想扑暈自己呢~!

大家可以Click入 黃師奶廚藝小百科 facebook 粉絲專頁度交流吓吖~!!!