黃師奶廚藝小百科

黃師奶 Facebook 粉絲專頁

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

舊日文章

蛋糕仔

IMG_3441
<<蛋糕仔>>
又到星期一喇~過2日就做冬喇~話咁快就一年喇~下個月就過年TIM~到時大家實又好忙~忙整糕點~忙買年貨呢~!而黃師奶呢?!都唔知今年仲得唔得閒整糕LU~!

今日又整咗蛋糕仔俾囡囡食呀~BB口味真係好怪~今次佢唔肯食~下次又會食好多…真係估佢哋唔到想點呢~!

蛋糕粉(無鋁) 100g, 蛋 一隻,  無鹽牛油溶液 50g|STEP 1
在碗中加入蛋及蛋糕粉，用打蛋器拌勻

STEP 2
把溶化的牛油逐少加入混和

STEP 3
預熱焗爐180度15分鐘

STEP 4
用 170 度焗爐焗約 15 分鐘即成

 

 Share
大家可以Click入 黃師奶廚藝小百科 facebook 粉絲專頁度交流吓吖~!!!
十二月 19th, 2016 | Category: 是日B餐 | 10 comments

瑪德蓮蛋糕

IMG_2528
<<瑪德蓮蛋糕>>
今日又暖咗好多喎~不過又未到成身汗嘅~12月都仲係呢個天氣~真係呢….希望快D就KEEP 住凍喇~就黎聖誕節~想有D氣氛呢~!

最近買咗唔少BB食得嘅無鋁蛋糕粉~哈~咁就可以得閒整俾囡囡食喇~囡囡都幾鍾意食架~黃師奶成日煩囡囡食D乜好…點解?!之唔係一個愛煮嘅媽媽生咗個唔愛食嘅囡囡囉~!

材料(約 8 個份量)
瑪德蓮蛋糕粉 100g, 蛋 一隻,  無鹽牛油溶液 50g|

STEP 1
在碗中加入蛋及蛋糕粉，用打蛋器拌勻

STEP 2
把溶化的牛油逐少加入混和

STEP 3
用牛油塗抹蛋糕模, 加入粉漿 (預熱焗烅180度15分鐘)

STEP 4
用 170 度焗爐焗約 15 分鐘即成 (我用V仔焗~好方便~~~呵呵~~~~)

 Share
大家可以Click入 黃師奶廚藝小百科 facebook 粉絲專頁度交流吓吖~!!!
十二月 5th, 2016 | Category: 是日B餐, 甜點 | 10 comments

小魚窩夫

IMG_3278
<<小魚窩夫>>
上星期終於幫囡囡拎咗PASSPORT喇~!嘩~~去到入境處~黃師奶真係以為自己返咗大陸…8成都係腥港人…搞咩單程証~回鄉証嗰D…仲有好多老夫少妻咁…佢哋D老公做得我老豆………….

嘩哈哈哈~囡囡夠一歲~黃師奶煮飯仔呢~都係冇俾任何調味架~不過開始大~就會整下D餅仔蛋糕仔俾隻衰豬仔呢~當然啦~甜味就會減返D~今次呢個小食~囡囡都好鍾意食~食咗半條架~爽~!

材料: 麵粉130G, 泡打粉約10G, 大蛋一隻,原蔗糖20G, 椰油45G, 牛奶170G

STEP 1
將粉類材料過篩3次

STEP 2
將所有材料用攪拌器拌勻至冇粉粒狀

STEP 3
放入焗PAN焗約5-8分鐘即成

 Share
大家可以Click入 黃師奶廚藝小百科 facebook 粉絲專頁度交流吓吖~!!!
八月 9th, 2016 | Category: 是日B餐, 甜點 | 8 comments

南瓜奶糊



囡囡一直都好抗拒食固體，而呢個問題亦一直令到黃師奶好煩！不過作為媽媽，為咗囡囡，點會咁易放棄吖！為咗令到啲糊仔易啲令囡囡接受，黃師奶就喺啲蔬果茸到加咗Illuma stage 2 奶奶呢！其實做法真係好簡單架咋！只要揀一款小朋友喜歡嘅蔬果，咁今次我哋就揀咗南瓜呢！首先將南瓜蒸熟再打茸，跟住就將Illuma奶奶慢慢倒入啲南瓜茸到拌勻就得呢！稀杰程度就要跟返小朋友口味喇！落奶奶時要慢慢加呀！一次過加太多就會好稀呢！ 加咗Illuma奶奶後，囡囡明顯易接受咗！梗係啦！因為有囡囡最鍾意嘅奶奶嘛！小朋友愛食糊仔就自然會食多咗啦！而蔬果奶糊又有營養豐富嘅Illuma，小朋友實會快高長大呢！ 剛學食固體嘅小朋友真係好啱呢個方法架！蔬果糊有奶味一定容易接受啲！到小朋友再大少少，蔬果奶糊就可以轉為小食！

 Share
大家可以Click入 黃師奶廚藝小百科 facebook 粉絲專頁度交流吓吖~!!!
六月 28th, 2016 | Category: 是日B餐, 黃小B的成長日誌 | Comments are closed

洋蔥豬肉蛋飯

IMG_6678
<<洋蔥豬肉蛋飯 >>
囡囡食飯仔已經叫做好咗少少~不過仍需努力~!!其實每次囡囡都只係食少少~所以黃師奶家下都做咗肉冰磗同蔬菜冰磗~每次用一粒咁~一來唔浪費~二來真係好方便~不過當然啦~梗係要盡快食用啦~~

材料: 洋蔥茸 , 豬絞肉  (2者SIZE約一隻麻將咁大啦), 蛋王半隻 (蒸熟雞蛋再取出)
爛飯: 一湯匙米 + 約3/4量杯水 ( 囡囡唔肯食粥..爛飯肯食少少) <= 用BB煲煮最方便

STEP 1
將洋蔥切成茸; 豬肉加少少水拌勻至吸收

STEP 2
將洋蔥茸和豬肉跟埋爛飯一齊煮, 最後拌入蒸熟嘅蛋王拌勻即成

P.S
肉冰磗=>將豬絞肉跟少許水拌勻再蒸熟, 放入冰格 (每次用一粒好方便)
洋蔥磗=>將洋蔥刨成茸, 放入冰格 (每次用一粒好方便)

 

 Share
大家可以Click入 黃師奶廚藝小百科 facebook 粉絲專頁度交流吓吖~!!!
五月 20th, 2016 | Category: 是日B餐 | 8 comments

南瓜雞蛋飯

南瓜蛋
<<南瓜雞蛋飯>>
一個愛煮嘢食嘅媽媽…生咗一個唔愛食嘢嘅囡囡!!!
唉…黃小B已經差不多10個月大…仲食唔到一餐固體…唔覺唔覺都已經試咗4個月…有時都覺得好失敗…為咗囡囡..黃師奶依然日日煮…日日餵…總之食得幾多得幾多啦….

材料: 日本南瓜1/8個 , 蛋王半隻 (蒸熟雞蛋再取出)
爛飯: 一湯匙米 + 約3/4量杯水 ( 囡囡唔肯食粥..爛飯肯食少少) <= 用BB煲煮最方便

STEP 1
煲滾水後大火隔水將南瓜蒸熟再壓茸

STEP 2
將南瓜茸和蛋王跟爛飯拌勻即成

P.S
BB最好一次半隻蛋王好喇..太多難消化!
南瓜甜味可吸引BB食, 不過唔好食得太多..小心胡蘿蔔素太高呀!~

 

 Share
大家可以Click入 黃師奶廚藝小百科 facebook 粉絲專頁度交流吓吖~!!!
四月 28th, 2016 | Category: 是日B餐 | 12 comments