黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

舊日文章

咖哩雞

20200416雞
<<咖哩雞>>
咁快就4月中喇~即係月月足足3個月都冇返學~佢條友仔緊係過得快活啦~不過其實我都好珍惜呢段咁特別嘅日子架~完全唔覺得困獸鬥架~每日同佢一齊真係好快樂~哈~~

今日來一個超下飯嘅菜~咖哩雞~~足足煮咗2杯米~不過唔係我清哂~有人特別愛咖哩~一煮就食好多呢~!

材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙
雞件醃料: 鹽少許

STEP 1
雞件跟醃料拌勻醃約2小時備用

STEP 2
洋蔥去衣後切角備用~薯仔去皮洗淨切大件

STEP 3|
雞件同薯仔略略煎香~再爆香洋蔥後盛起

STEP 4
慢火將油咖哩炒香~!拌入洋蔥~乾蔥茸~同黃薑粉炒香後拌入雞件兜炒片刻

STEP 5
加水蓋過所有材料後用炆煮約半小時用生粉水埋芡即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

煎雞扒

20200407雞扒
<<煎雞扒>>
呢幾日香港個案回落到單位數喇~不過呢~唔知係因為長假期少咗人做化驗~定係因為真係疫情好轉啦~~家下都冇咩好做~唯有注意衛生啦~!

早前喺一田買咗唔少急凍雞肉~今日試下件雞扒~調味後就煎到金黃~爸爸食得滿意就得~!

材料: 雞扒2塊
雞肉醃料: 蠔油約1湯匙 , 糖及薑茸一茶匙 , 麻油及生粉少許
調味: 蒜粉隨意, 黑胡椒粉少許

STEP 1
將雞扒洗淨後, 跟醃料醃最少1小時

STEP 2
燒紅鑊將雞扒煎至金黃熟透後灑上調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

什菌滑蛋豬肉飯

20200407豬菇飯
<<什菌滑蛋豬肉飯>>
話咁快4月都過咗1/3~即係月月都差不多停咗課3個月喇~問佢想唔想返學~佢話唔想~仲話家下日日都好開心….哈~我呢個女真係好可愛~同埋佢世界真係活得好快樂~!

呢個時勢~好多時都煮得好簡單~哈~冇計啦~有時超市街市太多人~唔想走去迫嘛~不過呢~呢個飯HEA得黎味道都幾好架~!

材料: 豬肉片約10-12片, 蛋2隻(打散發勻), 洋蔥1個(去衣切絲), 本菇1包
醃料: 生抽1湯匙, 糖2茶匙, 油及生粉少許, 胡椒粉少許
汁料: 日式醬油約2湯匙, 料理約2湯匙, 味醂約1湯匙, 水小半碗, 蒜茸及糖少許(拌勻)

STEP 1
將豬肉跟醃料拌勻醃約2小時備用; 本菇抺淨去根部備用

STEP 2
爆香洋蔥後拌入本菇炒香後下豬肉煎香

STEP 3
注入汁料後煮透再分2次注入蛋液滾起, 淋上白飯即成

大家可以Click入 黃師奶廚藝小百科 facebook 粉絲專頁度交流吓吖~!!!

南乳雞翼

20200407南乳雞
<<南乳雞翼>>
今朝睇新聞~約翰遜都搞到入咗深切治療~見佢之前都話自己喺家隔離~咁好似冇咩嘢咁~咁快就咁~唉~~~家下個病搞到歐美大爆發~新聞睇到唔想睇咁呢~!

南乳呢~用黎整雞翼一定係最夾呢~今次懶呀!~冇煎~就咁焗~好快又食得LU~!

材料: 雞翼十隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)

STEP 1
將雞翼洗淨後, 跟醃料醃最少4小時

STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)

大家可以Click入 黃師奶廚藝小百科 facebook 粉絲專頁度交流吓吖~!!!

上湯牛腩

20200325牛牛
<<上湯牛腩>>
唔知家下大家仲有冇出街呢?!家下餐廳要1.5米距離~變相少咗好多人~多咗人喺家食~鍾意煮飯就好~唔鍾意就等外賣~可能等到天長地久~

今晚一煲過~日本大根加牛腩~有肉又有菜~感覺健康D~加埋個麵~飽飽~!

材料: 牛坑腩約400G , 蘿蔔半個 , 上湯 2升, 八角一粒 , 花椒半茶匙

STEP 1
將蘿蔔去皮切角; 煲滾水後下少許薑及蔥段, 將牛坑腩汆水

STEP 2
將牛坑腩略略煎香 ; 拌入花椒八角及上湯

STEP 3
細火炆煮約30分鐘後熄火焗30分鐘; 重複

STEP 4
拌入蘿蔔再細火炆煮約30分鐘後熄火焗30分鐘後即成

 

大家可以Click入 黃師奶廚藝小百科 facebook 粉絲專頁度交流吓吖~!!!

辣炒牛肉

20200325牛牛3
<<辣炒牛肉>>
家下日日睇新聞~感覺好SAD咁~已經差不多過百萬人有病…條數日日都增加..真係唔知幾時會停咁~而且總會有種感覺..就係唔知幾時輸到自己…慘~!

屋企有D辣椒乾~本來想煮水煮牛~~不過感覺太油喇~煮咗就咁炒~冇咁魔鬼~不過都好好味呢~!

材料: 肥牛肉約1磅, 辣椒乾及辣椒絲隨意
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸少許

STEP 1
肥牛跟醃料拌勻備用

STEP 2
燒紅鑊後爆香調味

STEP 3
拌入肥牛煮透拌入辣椒灒酒兜勻即成

大家可以Click入 黃師奶廚藝小百科 facebook 粉絲專頁度交流吓吖~!!!

BABY RIBS

20200325豬骨
<<BABY RIBS>>
毛~日日都發毛~香港確診CASES 都越來越多喇~家居隔離就更多~感覺總有一個喺你左右咁~阿Q D 唸~都唔驚得咁多喇~分分鐘搞1-2年都咁~唔阿Q D~ 好易痴線~!

屋企有條RIBS~用咗D BBQ 醬醃~之後就懶人上身~用焗爐焗~YUMMY YUMMY~!

材料: BABY RIBS 一大條 , 檸檬汁 , 香草(隨意-自己鍾意加咩就咩啦)
調味: BBQ 味醬

STEP 1
BABY RIBS與醃料醃一晚備用

STEP 2
預熱焗爐180度15分鐘~~焗BABY RIBS約20-30分鐘即成(自己留意爐火喔!)~!~!!

 

大家可以Click入 黃師奶廚藝小百科 facebook 粉絲專頁度交流吓吖~!!!

瑞士雞膇

20200325雞雞
<<瑞士雞膇>>
早前話BLOGSPOT傻咗~係都唔俾我留言~搞咗成個月有多~終於又可以留返~唔知佢壞咗D咩~定我更新咗D咩~不過解決到就好~!

家下人人家中嘅雪櫃應該都打爆哂~疫情下大部分人都買定多少少餸~哈~今日就解凍D雞膇~整瑞士汁~好味道!~

材料: 雞膇8隻
汁料: 瑞士汁2碗 ,  清水1碗, 薑2片 , 八角1片, 冰糖1小塊

STEP 1
將汁料煮至大滾後拌入雞膇大火煮約5分鐘後熄火焗20分鐘至浸熟即成

大家可以Click入 黃師奶廚藝小百科 facebook 粉絲專頁度交流吓吖~!!!

疫症下之日常生活

IMG_1281

話咁快又到3月底喇~記得月月喺1月底時做手術~嗰時香港都只係剛有一宗個案~亞洲歐美都未爆…2個月後嘅今日…真係冇眼睇…而月月亦有幸..見證下疫情下大家點生活…

家下間唔時出下去放風….透下氣..大部分時間都會喺屋企…仲好無聊咁連紙皮都玩一餐….而月月呢..當然佢就唔識擔心啦…不過呢~佢做埋D嘢好好笑….

=> 佢用紙巾包住哂佢D BB 公仔D口…話佢哋冇口罩唔得喎….
=> 佢又會問呢D嘢係咪3層…嗰D 嘢有冇3層…應該係聽我講得多…..

家下返學無期…唔知會唔會直升K3~呢年真係好多變化….感覺今日唔知聽日事咁….

希望大家健健康康~

大家可以Click入 黃師奶廚藝小百科 facebook 粉絲專頁度交流吓吖~!!!

沙薑雞膇

20200309沙1雞
<<沙薑雞膇>>
家下睇新聞~見到歐美嘅確診個案真係越來越多呢~有唔少學生都返緊黎香港~睇黎仲有排個案個爆升~~真係要KEEP定多少少糧~因為唔想成日落街呢~!

今日買咗沙薑~哈~咁緊係用黎煮雞啦~家有雞膇即解凍~雞膇滑一滑~好味道~!

材料: 雞膇8隻 , 沙薑隨意, 紹酒半碗
雞翼醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙, 沙薑粉一湯匙

STEP 1
雞膇與醃料拌勻備用

STEP 2
爆香沙薑~將雞膇略略煎香後灒酒

STEP 3
兜炒片刻後加水蓋過所有材料後煮滾轉細火炆煮約15-20分鐘至收汁 (可加生粉水埋芡) 即成~

 

大家可以Click入 黃師奶廚藝小百科 facebook 粉絲專頁度交流吓吖~!!!