黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

麻香雞

20170922金金雞
<<麻香雞>>
唔覺唔覺好快又中秋~見到屋苑已經掛好哂燈籠~哈~好有氣氛呢~今年月月已經大個咗好多~真係好期待同佢落去公園玩燈籠~呵呵~~

今日買咗D雞脾扒~用黎煎香咗整個煲仔菜~唔駛吐骨啖啖肉咁幾方便~煮完加少少麻油同金不換~~好香好好味呢~!

材料:  雞脾扒4件 (斬塊) , 乾蔥茸隨意, 洋蔥1個, 紹酒半碗, 金不換少許
醃料: 生抽約2湯匙 , 糖1茶匙 , 胡椒粉少許, 麻油及生粉少許, 紹酒1大匙
醬料: 麻油適量

STEP 1
雞件與醃料醃約1小時備用; 洋蔥去衣切絲

STEP 2
慢火爆香洋蔥及乾蔥後將雞件煎至金黃盛起

STEP3
灒酒後將雞件煮透再下麻油拌勻煮至收汁再下金不換即成(用生粉水埋芡)

大家可以Click入 黃師奶廚藝小百科 facebook 粉絲專頁度交流吓吖~!!!

滷水雞翼(必滑懶人版)

20170908老水雞
<<滷水雞翼>>
今日朝早冇啦啦學校打黎~!嚇到黃師奶手都震埋~心唸..唔通月月跌親…定咩事….原來老師打黎話隻衰豬今日終於喊少咗…校方覺得好難得…所以打黎話過我知~哈~~捱咗個幾月..終於叫做好少少~!

今日來個簡單餸~哈~煮好個滷水汁~就將D雞翼浸熟~好簡單架咋~D雞肉浸熟係最滑架~!唔知大家有冇咁試過呢?! 快D整下啦~!

材料: 雞翼12隻
汁料: 滷水包1包, 醬油600ML, 水600ML, 冰糖少許

STEP 1
將汁料煮至大滾後拌入雞全翼大火煮約3-4分鐘後熄火焗10分鐘至浸熟即成~

大家可以Click入 黃師奶廚藝小百科 facebook 粉絲專頁度交流吓吖~!!!

上湯牛肋條

20170915牛牛
<<上湯牛肋條>>
家下個BLOG D UPDATE 時間真係早到爆…冇計…囡囡真係太痴身..又成日搞搞震..有時覺得自己冇人幫手下仲煮到飯已經好勁….唉….

買咗條日本大根~又甜又好味~用黎煮乜好!?家有牛肋條~用埋個上湯炆~~清清哋~好好味呀!~下次加D胡椒仲惹味呢~!呵~

材料: 急凍牛肋條1PACK , 蘿蔔半個 , 上湯 2升, 八角一粒 , 花椒半茶匙

STEP 1
將蘿蔔去皮切角; 煲滾水後下少許薑及蔥段, 將牛肋條汆水

STEP 2
將牛肋條略略煎香 ; 拌入花椒八角後注入上湯煮滾

STEP 3
細火炆煮約30分鐘後熄火焗30分鐘; 重複

STEP 4
拌入蘿蔔再細火炆煮約20分鐘後熄火焗20分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

滷水牛腱

20170908牛展
<<滷水牛腱>>
天氣又再好焗呢~唔知係咪又打風呢?!呢種天氣好辛苦~希望夏天快D完啦~唔想日日接送放學做水人呢~….

今日整滷水呀~家下D滷水包料好方便~唔駛自己慢慢執~煮好個汁~將牛腱炆到入味~哈~食完黃師奶仲留起個汁~留返黎下次再整先~呵~

材料: 牛腱1條, 蔥段 2條及薑片少許
汁料: 滷水包1包, 醬油600ML, 水600ML, 冰糖少許

STEP 1
先將牛腱用薑蔥汆水

STEP 2
將汁料材料煮滾至入味 (自己試味喔)

STEP 3
拌入牛腱細火炆煮約30分鐘後焗30分鐘; 再重複炆焗各15分鐘

STEP 4
放涼後切片即成

大家可以Click入 黃師奶廚藝小百科 facebook 粉絲專頁度交流吓吖~!!!

騎呢~

其實月月不嬲個頭都係攣嘅~雖然難打理D~不過都幾得意吖~!剛剛收到學校嘅相~學校D員工幫阿女個頭P成咁…………….真係好唔慣…亦都好失真呀~!!雖則學校原意都係想整齊D~不過呢..就好似變咗另一個人咁….好騎呢..好怪….

大家可以Click入 黃師奶廚藝小百科 facebook 粉絲專頁度交流吓吖~!!!

金錢肚牛筋煲

20170908牛肚
<<金錢肚牛筋煲>>
話咁快又到星期五喇~!囡囡休息咗好多日已經好返好多呢~今日一早又再送佢返學~希望佢快D習慣校園生活啦~!

今日買咗D牛肚牛筋~炆咗一大煲呀~塊牛肚實在太大塊~原本想加D牛肋條架~不過真係驚食唔哂~最後冇落….用咗黑椒調味~辣辣哋咁好正呢~!

材料: 牛筋約300G, 金錢肚一大塊, 薯仔2個, 上湯適量, 薑2片, 乾蔥4-5粒(去皮切小片), 蒜茸1大匙
調味: 黑椒約2湯匙, 蠔油2-3油匙

STEP 1
牛筋及金錢肚用薑蔥水汆水備用; 薯仔去皮洗淨後切大件

STEP 2
爆香薑片,乾蔥及黑椒後拌入牛筋及金錢肚, 下蒜茸及蠔油兜炒片刻後下上湯至蓋過所有食材煮滾後細火炆煮半小時後焗半小時

STEP 3
重複炆焗半小時後拌入薯仔再炆焗半小時至收汁即成(可用生粉水埋芡)

 

大家可以Click入 黃師奶廚藝小百科 facebook 粉絲專頁度交流吓吖~!!!

26個月大喇~!


月月今日26個月大喇!隻豬仔呢期真係慘慘豬⋯之前就感冒⋯呢幾日就中咗手足口!唉⋯原本媽媽覺得月月好身體健康架!不過返咗學後真係病多咗呀!心痛死!希望囡囡快啲冇事!快高長大啦!

講起返學~梗係日喊夜喊啦!喊到媽媽我都驚埋返學⋯都唔知點頂落去喇!

大家可以Click入 黃師奶廚藝小百科 facebook 粉絲專頁度交流吓吖~!!!

胡椒蝦

20170903蝦蝦
<<胡椒蝦>>
星期日一早去街市買餸~嘩~人多到呢…遲下坑口街市要裝修~又會多咗人黎尚德買~街市D人話好快連尚德都會執靚個樣~到時都唔知點買餸LU~!

今日見耐冇買蝦食~就買咗半斤俾黃先生食啦~用咗胡椒整~仲要加埋蒜茸辣椒~炒起上黎都好惹味~味道唔錯呢~!

材料: 海蝦半斤,  蒜茸辣椒隨意
調味: 白胡椒及黑胡椒各約2茶匙

STEP 1
蝦去眼及腳, 去腸再開背後洗淨再抺乾水份

STEP 2
燒紅鑊後將蝦煎香; 拌入蒜茸辣椒兜炒片刻

STEP 3
下少許鹽調味再拌入胡椒兜勻煮透即成

大家可以Click入 黃師奶廚藝小百科 facebook 粉絲專頁度交流吓吖~!!!

香煎蒜茸雞翼

20170817蒜茸雞
<<香煎蒜茸雞翼>>
話咁快八月就完喇~而九月開始囡囡就要返足3個鐘頭學~條友仔已經喊咗差不多一個月….日日喊…喊到個個都識佢咁…..究竟幾時先喊完呢?!

呢期成日打風~所以少咗去買餸喇~今次將D雞翼用蒜茸爆香~好好味~囡囡都好鍾意食呢~!

材料: 雞翼10隻, 蒜茸隨意, 紹興酒小半碗
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許

STEP 1
雞翼與醃料拌勻醃4小時

STEP 2
將雞翼煎香至金黃

STEP 3
下蒜茸再兜炒片刻後灒酒煮至雞翼熟透即成~!

STEP 4
加汁料蓋過所有材料後煮滾轉細火炆煮約20分鐘至收汁 (可加生粉水埋芡) 即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

香煎厚切豬扒

20170823OK豬
<<香煎厚切豬扒>>
個BLOG又生咗草幾日喇..冇計喇..囡囡病咗呀…前幾日學校有人嘔…之後冇耐囡囡就病咗..應該就係惹咗返黎…日日要照顧佢~瞓都冇得瞓..囡囡扭到連佢老豆都過隔離房瞓…就知幾煩….

呢幾日天氣唔好~冇去街市買餸LU~黃師奶買咗厚切豬扒~加咗OK汁整~唔錯~~呢款加拿大豬扒黃先生好愛食~哈~~

材料: 厚切豬扒2塊
汁料: OK汁2湯匙, 水小半碗

STEP 1
將豬扒煎香後至2面金黃

STEP 2
注入醬汁將豬扒煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!