黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

漢堡扒飯

20190227飯飯
<<漢堡扒飯>>
呢期日日都天陰陰~感覺今年好似濕咗好多咁~又唔想咁快夏天~更加唔想日日梅雨天~呢D天氣唔知捱到幾時先完呢~!?!

之前食咖哩食剩個汁~所以整個漢堡扒加埋D汁伴飯~哈~食得唔好嘥嘛~~真係唔錯架~又慳返D~~

材料: 牛絞肉約300G , 雞蛋一隻 (發勻)及麵包糠適量
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
牛絞肉與醃料(除水外)拌勻醃約20分鐘備用

STEP 2
將醃好嘅牛肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
將蛋汁及麵包糠拌入牛肉中至完全吸收

STEP 4
將肉餅一面煎至金黃後反轉再煎另一面至全熟即成(我就倒咗D咖哩汁落去送飯~呵呵~)~!

 

大家可以Click入 黃師奶廚藝小百科 facebook 粉絲專頁度交流吓吖~!!!

古勞豉醬雞翼

20190227豆豉雞
<<古勞豉醬雞翼>>
呢幾日天氣好差~最衰嗰下係接送返學先黎落雨~幫隻衰豬著好哂雨褸水鞋~條友仔見到咁大雨仲係咁踩水玩水…真係頭都暈~!

最近買咗古勞豉醬~!即係豉油缸上嗰層焦黑黃豆~!~味道較濃~用黎送飯咁幾好味呢~!

材料: 雞翼12-15隻
雞肉醃料: 生抽約1湯匙 , 糖及薑茸一茶匙 , 黑胡椒粉少許, 麻油及生粉少許
調味: 古勞豉醬約2湯匙

STEP 1
雞翼洗淨後與醃料醃約三十分鐘

STEP 2
將雞翼煎至金黃盛起

STEP 3
爆香調味後將雞翼洋蔥回鑊後灒酒炒透至收汁即成

大家可以Click入 黃師奶廚藝小百科 facebook 粉絲專頁度交流吓吖~!!!

湯圓

20190227丸丸
<<湯圓>>
話說元宵節嗰日~教咗月月自己搓湯圓~嗱~3歲人仔~似模似樣架~不過就唔好要求佢識得同你包餡啦~嘩哈哈哈~~~

材料: 糯米粉200g , 160G暖水(自己慢慢加啦~), 片糖及薑片適量

STEP 1
糯米粉篩1次~再慢慢加暖水搓至麵糰光滑

STEP 2
加入片糖及薑片煮滾水後放入已包好嘅湯圓煮至浮起即成~!

52347490_2558862200822122_6842352488482340864_n

大家可以Click入 黃師奶廚藝小百科 facebook 粉絲專頁度交流吓吖~!!!

蒸排骨

20190227蒸排骨醬
<<蒸排骨>>
話咁快2月又完喇~3月呢?!就冇假放~捱到4月先有EASTER!~但係個感覺好似過得好快咁~日日睇住個女返學~過多幾個月就K2~大個女咁~哈哈哈~~

話說喺間鋪頭都買咗D蒸排骨醬~聽見個名~就知用黎整排骨啦~好廢話…蒸出黎味道其實唔錯~不過呢?!又好似唔係好形容到咩味咁~唔識講呀!~~

材料: 腩排300g , 生粉一茶匙及麻油適量
腩排醃料: 生抽一湯匙, 老抽少許, 糖一茶匙, 胡椒粉少許
調味: 蒸排骨醬一湯匙

STEP 1
腩排洗淨後與醃料醃約二十分鐘再拌入調味醃一會 ; 煮前再將醃好嘅腩排與少許麻油及生粉拌勻~~

STEP 2
煲滾水後將所有材料及調味放於碟上再大火隔水蒸約12-15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

氣炸鍋 – 岩鹽雞鎚

20190202雞雞
<<氣炸鍋 – 岩鹽雞鎚>>
呢家天氣玩死人呀!~剛剛個周末天氣涼咗唔少~濕濕凍凍咁~不過又話過幾日又回暖~真係唔識得點著衫呢~!

屋企買咗唔少岩鹽~今次用黎整雞肉啦~呢個雞鎚好簡單~醃好放入氣炸鍋就得~啱哂黃師奶D懶人呢~!

材料: 雞鎚8-10隻
雞肉醃料: 岩鹽少許, 檸檬汁少許

STEP 1
雞與醃料拌勻醃1小時

STEP 2
放入氣炸鍋用200度火煮約20分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

素什錦

20190202蠔素
<<素什錦>>
嘩~呢幾日真係好潮濕呀!~家下先二月尾~幾時先捱過個春天~望住堆衫…一路開抽濕…真係煩到嘔呢~!!

今日呢個菜~其實係清雪櫃大行動~有咩素菜就拎出黎~用蠔油黎炆煮~簡單又好味呢~!

材料: 冬菇六隻, 炸支腐四両, 草菇7-8隻 , 粉絲菇一束, 粟米仔及雲耳隨意, 什菇隨意, 薑兩片
冬菇醃料: 麻油及糖少許
調味料: 蠔油2湯匙

STEP 1
冬菇先浸軟去蒂同醃料醃約二十分鐘備用; 草菇汆水備用

STEP 2
炸腐竹用熱水沖洗刻

STEP 3
燒紅鑊後下油~爆香薑片~拌入冬菇炒香~~再加上其餘材料(粉絲除外) 後下調味料兜勻~注入半碗水(我用浸菇水)炆煮約三十分鐘~最後拌入粉絲煮滾即成

 

大家可以Click入 黃師奶廚藝小百科 facebook 粉絲專頁度交流吓吖~!!!

日本2019

IMG_5739 IMG_5737 IMG_5634

新春快樂呀!~~大家呢個年假過得開心嘛?! 黃師奶個BLOG就發哂毛喇~今日上黎除下草先~~

新年時同咗我個心肝月月去咗日本玩呀!~ 哈~有咗小朋友後~去旅行真係就哂佢架~冇SHOPPING~冇喪食~剩係同佢去樂園PLAYHOUSE玩咁~而且仲走咗去摘士多啤梨~D士多啤梨又甜又多汁~即摘即食~好好味架~~!~雖則大人可能唔太啱玩~不過呢~見到月月開心~我都好開心架~~!!

天氣呢~~就真係凍喇~一早一晚都零度咁上下~凍到隻衰豬都話好凍呀~好凍呀!~ 不過比佢感受下真係嘅冬天~呢個體驗真係唔錯呢~

媽媽期待下次再同你出國玩呢~!呵呵~!

大家可以Click入 黃師奶廚藝小百科 facebook 粉絲專頁度交流吓吖~!!!

豬年大吉~!!!

51548695_2525983107443365_3922699266157445120_n

豬年大吉~!!黃師奶祝大家今年個個身體健康~!家肥屋潤~!個個都好似月月咁日日笑口常開~呵呵~!!

過2日我哋就一家三口飛去外地玩喇~!!睇黎個BLOG 又生草都唔知幾時~今次真係冇眼睇…

大家可以Click入 黃師奶廚藝小百科 facebook 粉絲專頁度交流吓吖~!!!

大吉大利

20190202豬豬
<<大吉大利>>
今日係年廿八~大家洗咗邋遢未呀? 黃師奶喺到同大家拜過早年~祝大家豬年行大運~身體健康~新春大吉~!

新年食豬脷~呵呵~買咗2條豬脷~刮乾淨佢~再用蠔油炆~加埋D腩肉~好肥呀!~~~

材料:豬脷一條, 腩肉一碗, 冬菇八隻, 蒜茸一湯匙, 乾蔥及薑片隨意
調味料: 蠔油約二至三湯匙
腩肉醃料: 糖少許, 生粉及水適量

STEP 1
冬菇先浸軟後去蒂, 用少許糖及麻油略醃

STEP 2
豬脷洗淨後汆水, 再用小刀刮去脷胎切片

STEP 3
腩肉同醃料拌勻備用

STEP 4
爆香料頭拌入豬脷及腩肉略略煎香~加入香菇及調味料拌勻

STEP 5
加水至蓋過所以材料煮滾, 再細火炆約30分鐘後焗30分鐘; 重複炆焗30分鐘次即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

雙蔬伴肥牛

20190124牛牛
<<雙蔬伴肥牛>>
年宵開咗喇~今日一早同月月去維園玩~之後呢~就走入年宵行個大運啦~原來都好多人下呀!~其實就冇咩好行好買~不過呢~就想月月感受下新年氣氛呢~所以就去八下~!

最近鍾意炒肥牛黎食~真係滑得黎又香~不過呢~手切肥牛價錢唔平~又太肥~真係唔可以食太多呢~!

材料: 肥牛肉約1磅, 蘆筍及洋蔥隨意, 黑松茸菇隨意  (用濕布抺乾淨)
醃料: 油及糖少許, 生粉1茶匙, 生抽約2湯匙, 胡椒粉少許
調味: 蒜茸約2茶匙

STEP 1
肥牛跟醃料拌勻備用; 蘆筍略略刨去外層切小件

STEP 2
燒紅鑊後爆香洋蔥將肥牛炒至轉色盛起

STEP 3
下黑松茸菇炒透後拌入蘆筍兜炒至8成熟後將肥牛回鑊; 下調味再煮至熟透即成

 

 

大家可以Click入 黃師奶廚藝小百科 facebook 粉絲專頁度交流吓吖~!!!