黃師奶廚藝小百科

<<香菇肉餅>>
尋日睇新聞~見東張西望一日收2萬單投訴~真係抵c啦~呢個節目內容偏頗都爆~!成日講埋d雙非好慘咁~想洗我哋腦~仲要今次係咁講人哋個台唔掂~所以唔發牌俾佢係啱~好心啦~!真係不知所謂~

嗱~~今日黃師奶整嘅肉餅~~都係嗰句啦~~黃先生鍾意食薄身嘅~咁所以黃家d肉餅好薄架咋~!做到咁薄~蒸的時間會縮短咗~~手力好就自己刴啦~冇手力就買豬絞肉~D肉要買有D 肥肉~咁返黎醃嗰時加多D水份~攪到起膠~! 如果蒸完有D水出~唔好倒咗D 精華呀!~放個肉餅一陣~D水會俾豬肉吸返架~!呵呵呵~~~

材料: 豬柳梅約300G (叫豬肉佬揀夠肥D~一係叫佢答夠肥膏俾你啦), 冬菇隨意
醃料: 生抽約2湯匙, 糖1茶匙, 胡椒粉少許, 麻油及生粉各1茶匙, 浸菇水3湯匙

STEP 1
冬菇浸軟後去蒂切粒; 豬絞肉與醃料(除浸菇水外)及冬菇拌勻醃約20分鐘備用

STEP 2
將醃好嘅豬肉慢慢加入浸菇水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
煲滾水後將豬肉鋪上碟~大火蒸約12-15 分鐘即成~!